2. Mose 22:26 - O Debleskro Drom 2021 (Sinte)

²⁶ Leskri baja hi leskri plachta, kolah tchakrell lo pes, un tatsrell lo pes. Te deh tu les peskri baja gar pale un job dell ap mande gole, palle shunau me les. Me krau miro dji leske pre.

O Debleskro Lab 2024 (Sinte-Manouche)

²⁶ Leskri baya hi leskri plarhta, kolah čakrell lo pes, oun tatsrell lo pes. Te deh tou les peskri baya gar pale oun yob dell ap mande gole, palle shounau me les. Me krau miro dji leske pre.

2. Mose 22:26 ပူးပေါင်းရင်းမြစ်များ

Hiob 22:6

Har tiro phraal tutar patsas, lal tuke tchomone lestar, te rikress les, bis te job peskri sijaan plaissras. Leskre koola lal lestar, un mukal leske kek an-ripaske.

Hiob 24:3

Jon lenn penge i burika kolendar, kai len kek dad buder hi, un lenn koi grumni kolatar, kolakro rom meras, bis te plaissrell li peskri sijaan.

Hiob 24:7

An i rati hi len kek koola, te tchakrenn le pen, kek plachta, hoi len tato rikrell an o shil.

Hiob 24:9

Tchilatche menshe lenn sorjah i tchorweli dake o ternepen dran i mussja krik, koleskro dad meras. Un jon penenn ap late: ‘Me dau les tuke pale, te plaissral mange tiri sijaan.’

Hiob 34:28

Jon djan jaake tchilatches i tchorwelentsa trujel, te dan jon gole ap o Debleste. Un job shunas koi gole kolendar, kai tele rikedo wan.

Debleskri gili 10:14

Tu dikal les. Tu deh jak ap kolende, kolenge le o djipen phares krenn, un djineh lengre duka, un leh lengro koowa an tiro wast. Awa, i tchorwele tchiwenn pengro djipen an tiro wast. Tu hal ap i rig kolendar, kolen kek dad buder hi.

Debleskri gili 34:7

Ake hi jek, kai gole das ap o baro Debleste, har leske djungeles djas, un job shunas les un las les win dran lauter, hoi leske o djipen phares kras.

Gosewe laba 20:16

Jek, kai dinelo doha hi, te dell lo peskro dadeskro wast un penell, te plaissrell lo i wawareskri sijaan, kolestar le leskri baja un gar ko wawareskri baja, te hi tut tchomone an o wast, bis te job plaissrell.

Gosewe laba 22:27

Te nai plaissreh lat palle gar, lenn le ninna tiro tchiben tel tute krik.

Ezekiel 18:16

Kekes rikrell lo sorjah tele. Te hi jekes sijaan pash leste, mangell lo lestar tchi ko tsireske, kai koles sijaan pash leste hi. Job lell gar sorjah peske, hoi o wawares hi. Un dell kolen maro, kolen bok hi, un koola kolen, kolen tchi an-ripaske hi.

Ezekiel 18:7

Job rikrell kekes sorjah tele. Te patsas lo lowe win, dell lo kowa pale, hoi das les ko tchorwelo ko tsireske, kai les sijaan pash leste hi. Job lell kekestar tchomone sorjah peske. Peskro maro dell lo koles, kones bok hi, ninna koola koles, kai kek an-ripaske hi.

Ezekiel 33:15

un dell koleste kowa pale, hoi lo koleske las, har lo leske tchomone patsas, un dell ninna kowa pale, hoi lo tchoras, un djiwell kanna pal kol laba, hoi o djipen anenn, un krell buder gar o tchilatchepen – palle djiwell lo! Job merell gar!

Amos 2:8

Ap hake platse, kai o Dewel sharedo well, sowenn le ap koola, hoi lan le i tchorwelenge krik, kai sijaan pash lende hi. Un an o kheer lengro Deblestar pijenn le mool, hoi lan le kolendar, kai sijaan pash lende hi.

5. Mose 24:17

Te hal tu i tchatchepaskro, hunte dess tu ninna i wi-themares peskro tchatchepen, ninna i tchawen kolengro dad meras. Un kol djuwjen, kolengro rom meras. Ma le o ripen i romjatar, kolakro rom meras, te rikress les, bis te joi peskri sijaan plaissras.

5. Mose 24:6

Te patseh tu jekes tchomone un kameh lestar i kutch koowa te lell, hoi deh leske pale ap ko tsiro, kai lo kowa pale dell, hoi lo tutar patsas, palle less tu gar ko bar, koleha job jarro krell. Kau barreha lals tu kowa, hoi les djipaske hunte well.