2. Mose 22:24 - O Debleskro Drom 2021 (Sinte)

²⁴ Te patseh lowe i tchorweleske mire menshendar, palle kre tut ap leste gar braweles! Un le lestar gar budeder pale, har les dal.

O Debleskro Lab 2024 (Sinte-Manouche)

²⁴ Te patseh love i čorveleske mire menshendar, palle kre tout ap leste gar braveles! Oun le lestar gar boudeder pale, har les dal.

2. Mose 22:24 ပူးပေါင်းရင်းမြစ်များ

Nehemia 5:7

Un rakrom miro djijeha, un djom pash i pralstunende un i tchatchepangre murshende un tchingrom ap lende un penom: “Tumer pijenn o rat tumare phralendar win!” Un me krom i baro tsillo,

Hiob 31:23

Sau koowa nai kroms me gar, me trashau o Deblestar, un hunte daroms, te well leskri choli pral mande!

Debleskri gili 109:2

Tchilatche menshe rakrenn djungeles pal mande, un anenn chocheno koowa ap mande pre.

Debleskri gili 109:9

Leskre tchawen well kek dad, un leskri romjat well buder kek romes.

Debleskri gili 15:5

Te patsas lo peskre lowe, lell lo gar budeder lowe pale. Ninna te denn le les shukar koowa, anell lo kek chochepen ap koleste, kai kek tchilatchepen kras. Koon jaake djiwella, kowa hi soreles tardo an peskro djipen.

Debleskri gili 69:24

Lengre jaka te wenn korelo, te nai dikenn le buder tchi! Le lendar lengri soor, te djan le bango.

Debleskri gili 76:7

Har dal tu len trad, tu, o Jakobeskro Dewel, peran i graja un kolla, kai ap lende beshdo hi, an o sopen.

Debleskri gili 90:11

Koon patsell, te nai well tiri choli jaake baro? Un koon darell tiri choljatar?

Jeremia 15:8

Koi hi budeder djuwja, kolengre romma meran, har barra pash o baro pani. I daja shunan, kai meran lengre tchawe mashkral o diwes. Koi was i bari traash un daar pral lende.

Jeremia 18:21

Kanna muk lengre tchawen merell i bokatar, un muk len mulo dino te well o chareha, te atchenn lengre djuwjenge kek tchawe un romma, te wenn lengre mursha tapedo o merepastar, un lengre terne mursha an o kurepen maredo.

Ropaskre gilja 5:3

Muklo ham, mare dada hi buder gar koi. Mare daja hi har djuwja, kolengro rom meras.

3. Mose 25:35

Te well tiro phraal tchorwelo, un nai rikrell gar, hoi leskro hi, palle wess ap leskri rig. Muk les pash tute te djiwell, har te wals lo i wi-themari oder jek, kai i tsiro pash tute budrell.

3. Mose 25:36

Te patseh leske lowe, putch gar budeder lowe pale. Rike tuke o baro Debles glan i jaka, un kre, te nai djiwell tiro phraal pash tumende!

Nahum 1:6

Koon nai atchell tardo glan leskri choli? Koon nai atchell djido, te well lo chojedo? Leskri choli chatchell har i jag. Ninna i berge phagenn an kotja glan leste.

Louka 6:38

Denn i menshen latcho koowa! Un o Dewel dell tumen latcho koowa! Awa, job dell tumen jaake bud, te hi tumen budeder har doha. Job dell tumen jaake bud, te nai lenn kowa gar lauter. Doleske penau tumenge: Tumer te denn bud, palle dell o Dewel tumen bud. Tumer te denn gar bud, palle dell o Dewel tumen gar bud.

5. Mose 23:20

Te patsal lowe tiro phrales, less tu kek lowe budeder ap kol lowe, hoi tu les patsal, witar gar pash chapen un wawar koowa, hoi jek nai patsell. Tu less kowa pale, hoi tu les dal, un gar budeder.

5. Mose 23:21

Jekestar, kai hi dran i wawar them, nai leh tu budeder, har tu leske patsal, tiro phralestar less tu gar budeder. Palle nai dell tut tiro baro Dewel bacht an halauter, hoi tu an-tapreh an ko them, an koleste tumer wenn, te lenn les tumenge dren.

Hebrearja 10:31

Hawi bari phagi well pral kolende, ap lende o djido Dewel chojedo hi!