2. Mose 22:21 - O Debleskro Drom 2021 (Sinte)

²¹ Ma krenn o djipen i djuwjenge phares, kolenge o rom meras! Ma krenn o djipen i tchawenge phares, kolen kek dad buder hi!

O Debleskro Lab 2024 (Sinte-Manouche)

²¹ Ma krenn o djipen i djouvyenge phares, kolenge o rom meras! Ma krenn o djipen i čavenge phares, kolen kek dad bouder hi!

2. Mose 22:21 ပူးပေါင်းရင်းမြစ်များ

Hiob 6:27

Tumer han sawe, kai khelans trul i tchaweste, koles kek dad buder hi, un bikrans tumaro males lowenge.

Debleskri gili 146:9

O baro Dewel dell ap i wi-themarja jak, un hi ap i rig kol tchawendar, kolen kek dad buder hi, un ap i rig kol djuwjendar, kolengro rom meras. I tchilatchenge tchiwell lo barra an lengro drom.

2. Mose 20:2

Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

2. Mose 23:9

Ma krenn kolenge o djipen phares, kai wi-themarja hi! Tumer djinenn, har kowa hi! Tumer hans wi-themarja an o them Egiptia.

Jesaja 1:17

Dikenn, har te krenn o latchepen, denn jak, te lell hakeno peskro tchatchepen. Awenn ap i rig kolenge, kai tele rikedo wenn. Kol tchawe, kolen kek dai un kek dad hi, kolenge krenn o tchatchepen win. Un kol djuwja, kolenge o rom meras, kolengro koowa lenn an tumaro wast!”

Jeremia 22:3

Kowa penell o baro Dewel: Krenn hakeneske, hoi mishto un tchatcho hi! Un lenn kolen, kai wan wi-tchoredo dran kol tchilatchengre wasta win! Un lenn tchi krik kol menshendar, kai hi wi-themarja pash tumende, witar gar kol tchawendar, kolen kek dad buder hi, un kol romjendar, kolengro rom meras. Ma djan sorjah ap jekeste pre! Ma bitchrenn kolen an o merepen, kai kek doosh ap lende lan.

Jeremia 7:6

Ma rikrenn kolen tele, kai hi dran i wawar them, witar gar kol tchawen, kai len kek dad buder hi, un kol romjen, kai len kek rom buder hi! Ma denn kol menshen ratles, kai kek tchilatchepen kran! Ma nashenn wawar deblenge palla. Jon anenn tumen an i bibacht.

Ezekiel 22:7

Kolla, kai an Jerusalem djiwenn, dikenn tele ap pengro dadeste un ap pengri date, un chochenn i wi-themarjen, kai pash lende djiwenn. Un kol djuwjen, kolengro rom meras, un kol tchawen, kolengro dad meras, kolen rikrenn le sorjah tele.

3. Mose 19:13

Tu rikress gar o wawares tele un randess les gar win. Tu dess i budepaskres, kai budrell tuke jek diwes peskre lowe ap i rat, un rikress kol lowe gar pral i rat pash tute.

3. Mose 19:33

Te djiwell i wi-themarja an tumaro them, palle rikrenn les gar tele!

3. Mose 19:34

Djan leha jaake trujel, har te wals lo jek tumendar! Tu wess jaake latches ap leste har hal latches ap tute. Tumer ninna hans wi-themarja an o them Egiptia. Me, o baro Dewel, hom tumaro Dewel.

3. Mose 25:35

Te well tiro phraal tchorwelo, un nai rikrell gar, hoi leskro hi, palle wess ap leskri rig. Muk les pash tute te djiwell, har te wals lo i wi-themari oder jek, kai i tsiro pash tute budrell.

Zakarie 7:10

Ma krenn tchilatchepen kol romjenge, kolengro rom meras, un kol tchawenge, kolen kek dad buder hi, witar gar kolenge, kai wi-themarja hi un kol tchorwelenge! Ma lenn tumenge glan an tumare djia, te dukrenn tumaro phrales!”

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

5. Mose 1:16

Ap kal tchatchepangre murshende penom ko tsireske, hoi te krenn le, un penom: “Shunenn, hoi tumare phralen, kai tchingepen mashkral pende hi, tumenge penenna. Kowa nai well i tchingepen mashkral tumen Israelitarjen, nai well ninna i tchingepen mashkral jekeste tumare menshendar un jekeste dran i wawar them, kai pash tumende djiwell. Denn koles o tchatchepen, kai an o tchatchepen hi.

5. Mose 10:18

Job dikell koi pre, te lenn pengro tchatchepen kol tchawe, kolen kek dad buder hi, ninna kol djuwja, kolengro rom meras. Un i wi-themarjen kamell job o djijeha un dell len chapen un koola an-ripaske.

5. Mose 10:19

Tumer hans ninna wi-themarja an o them Egiptia. Doleske hunte kamenn tumer i wi-themarjen ninna o tselo djijestar.

5. Mose 15:15

Un tu bistress gar, te hals i budepaskro an o them Egiptia, un tiro baro Dewel las tut kote win. Doleske penau me tuke kowa kau diwes.

5. Mose 23:16

I pandlo budepaskro, kai peskro rajestar krik nashas un pash tumende well, koles denn tumer gar an o wast peskro rajestar pale.

5. Mose 23:7

Ma rodenn koi pal, te djal kol menshenge mishto an i themma Moab un Ammon, un te wenn le brawelo.

5. Mose 24:17

Te hal tu i tchatchepaskro, hunte dess tu ninna i wi-themares peskro tchatchepen, ninna i tchawen kolengro dad meras. Un kol djuwjen, kolengro rom meras. Ma le o ripen i romjatar, kolakro rom meras, te rikress les, bis te joi peskri sijaan plaissras.

5. Mose 27:19

“Praassedo well kowa, kai dell kek tchatchepen kolenge, kai wenn dran i wi-them, kol tchawenge, kolen kek dad buder hi, un kol romjenge, kolengro rom meras.” Un i tsele menshe hunte penenn: Amen!