2. Mose 22:20 - O Debleskro Drom 2021 (Sinte)

²⁰ Ma krenn kolen o djipen phares, kai hi wi-themarja pash tumende! Un mukenn len gar tchitcheske tumenge te budrell! Bistrenn gar, te hans tumer ninna wi-themarja an o them Egiptia.

O Debleskro Lab 2024 (Sinte-Manouche)

²⁰ Ma krenn kolen o djipen phares, kay hi vi-themarya pash t'mende! Oun moukenn len gar čičeske t'menge te boudrell! Bistrenn gar, te hans t'mer ninna vi-themarya an o them Egiptia.

2. Mose 22:20 ပူးပေါင်းရင်းမြစ်များ

1. Rajengro liil 18:40

Un o Elija penas ap lende: “Taprenn kol rashajen o deblestar Baal! Kek te nashell peske!” Un jon tapran len, un o Elija anas len tele pash o pani Kishon un maras len kote.

2. Rajengro liil 10:25

Har kolla pre chatchan, penas o Jehu ap kol klistende un pralstune lurdende: “Djan dren un denn lauteren mulo! Mukenn kekes krik nashell!” Un jon dan len o chareha. Un kol lurde, kai jak dan un pralstune lurde witsran kolen win, kai mulo hi, un djan dureder dren an o kheer o deblestar Baal.

2. Familjakro liil 15:13

Un hakeno, kai kamals o baro Debles, kai o Israeleskro Dewel hi, gar te rodell, hunte wals maredo, o tikno un o baro, mursh un djuwel.

2. Mose 23:9

Ma krenn kolenge o djipen phares, kai wi-themarja hi! Tumer djinenn, har kowa hi! Tumer hans wi-themarja an o them Egiptia.

2. Mose 32:8

Sik djan le ko dromestar tele, kai me sikrom lende. Jon kran penge i dewel, – i terno gurum, – un mangan les an, maran viechen leske un penan: ‘Kawa hi tiro Dewel, Israel, kowa, kai anas tut dran o them Egiptia win.’”

2. Mose 34:15

Ma awenn mala kol wawar menshenge an o them! Jon mangenn pengre deblen dran kasht un bar an, un marenn viechen lenge. Te wans tumer lengre mala, nai djals, te djan lentsa un chan ko chapen, hoi jon anan lengre deblen.

Ezekiel 20:7

Un me penom ap lende: Hakeno tumendar hunte witsrell kol djungele figuren krik, hoi lo an-mangell. Rikrenn tumen pale kol chochene deblendar, kolen i Egiptarja an-mangenn, te wenn tumer gar pale-tchiddo! Me, o baro Dewel, hom tumaro Dewel.

3. Mose 17:7

I Israelitarja hunte marenn buder kek viechen i bengenge, kolenge jon kanna gomme palla nashenn. Ap kowa hunte rikrenn le pen, ninna lengre tchawenge un kolengre tchawenge un jaake dureder hako tsireske.

3. Mose 19:33

Te djiwell i wi-themarja an tumaro them, palle rikrenn les gar tele!

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

4. Mose 21:3

Un o baro Dewel shunas ap o Israel un das kol Kanaanitarjen an lengre wasta. Un jon maran len un kran lengre forja paash. Un dan ko kotar them o lab ‘Horma’.

5. Mose 10:18

Job dikell koi pre, te lenn pengro tchatchepen kol tchawe, kolen kek dad buder hi, ninna kol djuwja, kolengro rom meras. Un i wi-themarjen kamell job o djijeha un dell len chapen un koola an-ripaske.

5. Mose 18:20

Te phurdell pes i Debleskro rakepaskro pre, un penell i rakepen an miro lab, hoi me leske gar penom, te hunte rakrell lo, sawo rakepaskro hunte merell. Ninna te rakrell job an o lab i wawar deblestar, hunte merell lo.

5. Mose 23:8

I Edomarjen tchiwenn gar pale! Jon hi tumare phrala. Witar gar tchiwenn i Egiptarjen pale. An lengro them djiwan i rah tsiro.

5. Mose 24:17

Te hal tu i tchatchepaskro, hunte dess tu ninna i wi-themares peskro tchatchepen, ninna i tchawen kolengro dad meras. Un kol djuwjen, kolengro rom meras. Ma le o ripen i romjatar, kolakro rom meras, te rikress les, bis te joi peskri sijaan plaissras.