2. Mose 21:6 - O Debleskro Drom 2021 (Sinte)

⁶ Palle lell les leskro rai un anell les glan o Debleste, un tchiwell les glan o wudar tardo, un dell i kashteni sub an leskro kand tchurje. Kowa sikrell, te atchell lo peskro tselo djipen leskro budepaskro.

O Debleskro Lab 2024 (Sinte-Manouche)

⁶ Palle lell les leskro ray oun anell les glan o Debleste, oun čivell les glan o voudar tardo, oun dell i kashteni soub an leskro kand čourye. Kova sikrell, te ačell lo peskro tselo djipen leskro boudepaskro.

2. Mose 21:6 ပူးပေါင်းရင်းမြစ်များ

1. Rajengro liil 12:7

Kote rakran jon leha un penan: “Te shuneh tu kau diwes ap kal menshende, un kreh, hoi jon kamenna, un rakreh lentsa kamle laba, palle hi jon tire budepangre an hako tsiro.”

Debleskri gili 82:1

I gili o Asafestar. O Dewel hi tardo mashkral o bolepaskro tsillo, un rakrell o tchatchepen win pral i debla.

2. Mose 12:12

Un me djau an kaja rat mashkral o tselo them Egiptia, un dau i tsele mursh tchawen temerl, kai hi i phureder tchawe pengre dajendar, kolla, kai i menshestar, ninna i viechestar boldo wan. Jaake dau me kolende lauterende i phagi, kai kharenn pen dewel, un kolen i Egiptarja an-mangenna. Me hom o baro Dewel.

2. Mose 21:22

Te tchingrenn pen dui mursha, un i romni, hoi an wawar koowa hi, lell i dap, jaake te nashrell li peskro ternepen, un joi well pale sasto, palle hunte plaissrell kowa, hoi das lat koi dap, lowe. Glan i tchatchepangre hunte plaissrell lo jaake bud lowe, har lakro rom mangella.

2. Mose 21:5

Te penell o budepaskro: “Me kamau miro rajes un miri romjat un mire tchawen. Me kamau te atchap pandlo ap miro rajeste un kamau gar te djal.”

2. Mose 21:7

Te bikrell i mursh peskri tchat, te well li i pandli budepaskretsa, palle hunte atchell li pandli. Un joi nai djal peske gar, har i pandlo budepaskro mursh nai djal peske.

2. Mose 22:28

An ko tsiro, kai aneh tiro djob un tire drake dren, de tiro Debles, hoi leske hi! Tiro phureder mursh tchawes dess tu tiro Debles.

Jesaja 1:26

Me dau tut pale tchatchepangre murshen un rakepangren, kai o tchatchepen win krenn, jaake har an i phure tsirja his. Un palle kharenn le tut ‘tchatchepaskro foro’ un ‘foro kolendar, kai ap o Debleste patsenna.’

3. Mose 25:23

Ma bikrenn ko them jaake, te well kowa hako tsireske i wawareske! Ko them hi mange. Un tumer han har wi-themarja, kai mukau pash mande te djiwell.

3. Mose 25:40

Job te well tuke har jek, kai budrell pash tute un well haki rat plaissedo. Har jek, kai jek tsiro pash tute djiwell un budrell, atchell lo pash tute, bis te well ko bersh, kai i tseli sijaan muklo well.

Zefanja 3:3

Lengre pralstune hi har lewe, kai denn i bari gole. Lengre tchatchepangre mursha hi har diwje djukle an i rati, kai chan lauter, hoi maran le, un mukenn tchi pral o wawar diweske.

5. Mose 1:16

Ap kal tchatchepangre murshende penom ko tsireske, hoi te krenn le, un penom: “Shunenn, hoi tumare phralen, kai tchingepen mashkral pende hi, tumenge penenna. Kowa nai well i tchingepen mashkral tumen Israelitarjen, nai well ninna i tchingepen mashkral jekeste tumare menshendar un jekeste dran i wawar them, kai pash tumende djiwell. Denn koles o tchatchepen, kai an o tchatchepen hi.

5. Mose 15:16

Job te penell ap tute: “Me kamau gar tutar te djal. Kamau tut un tiri familja o djijestar. Pash tute djal mange mishto.”

5. Mose 15:17

Palle less i kashteni sub un dess lat an leskro kand ap tiro wudar tchurje. Jaake well lo tiro budepaskro hako tsireske. I budepaskretsah kress kowa ninna jaake.

5. Mose 16:18

Tchiwenn tchatchepangre murshen un wawar pralstunen dren an tumare forja, hoi tumen tumaro baro Dewel della! Jaake te hi an hako them kol deesh-te-dui bare familjendar tchatchepangre, kai rakrenn o tchatchepen jaake win pral pengre menshende, te lell hakeno peskro tchatchepen.

1. Samuel 1:22

koi djas i Hanna gar lentsa. Joi penas ap peskro romeste: “Te pijell o tchawo buder gar ap o betch, kamau me les pre te anell glan o baro Debleste. Un job atchell palle koi, jaake rah job djiwella.”

1. Samuel 27:12

Un o Achish patsas o Davides, un penas peske: “Job kras pes pash peskre menshende Israel jaake khandles, te atchell lo hako tsireske miro budepaskro.”

1. Samuel 28:2

“Mishto”, penas o David. “Me hom tiro budepaskro. Kanna nai dikeh tire jakentsa, hoi me krau.” Un o Achish penas: “Mishto, tu wess kowa, kai o tselo tsiro ap miro djipen jak hunte dell.”