2. Mose 21:33 - O Debleskro Drom 2021 (Sinte)

^33-34 Te mukas jek peskri brunna pre, un i viecho perell dren – nai well i grumni, nai well i burika, – un ko viecho merella, palle hunte plaissrell lo lowe koleske, koles ko viecho his. Ko mulo viecho nai rikrell lo peske. Kowa hi ninna jaake, te krell lo peske i brunna an i phub un tchakrell lat gar tele.

O Debleskro Lab 2024 (Sinte-Manouche)

^33-34 Te moukas yek peskri brounna pre, oun i firho perell dren – nay vell i groumni, nay vell i bourika, – oun ko firho merella, palle hounte playsrell lo love koleske, koles ko firho his. Ko moulo firho nay rikrell lo peske. Kova hi ninna yaake, te krell lo peske i brounna an i phoub oun čakrell lat gar tele.

2. Mose 21:33 ပူးပေါင်းရင်းမြစ်များ

Debleskri gili 119:85

Kol pre-phurde kran chebja, te perap dren, kolla, kai djan gar ap tiro drom.

Debleskri gili 9:15

Palle djau an i wudja tiro forestar Zion dren, un rakrau lauterentsa pral ko latchepen, hoi tu ap mande kral, un sharau tut i bachtelo djijeha, kai tu man dran i bibacht win lal.

2. Mose 21:32

Te das i grumni i budepaskres i dap, jaake te merell lo, palle hunte dell kowa, koleske koi grumni hi, 30 (trijanda) kotja rup koleste, kai nashras peskro budepaskres. Kowa well ninna jaake kerdo pash i budepaskretsa. Koi grumni hunte well i barrentsa mulo witsedo.

Gosewe laba 28:10

Kowa, kai anell o Debleskre menshen ap i tchilatcho drom, kowa perell kokres an i gruba. Kolla, kai kek doosh ap pende anan, lenna latcho koowa.

Sikepaskro 10:8

Koon i cheb win hadella, nai perell koi dren. Un koon i massuri khetne phagella, koles nai dandrell i sap.

Jeremia 18:20

Jon lurenn koi pre, te taprenn le man. Hi kowa mishto, te krenn le mange tchilatchepen, ninna te krom lenge latchepen? Ma biste, har me glan tute tardo homs, te rakrap lenge mishto, te less tiri choli lendar krik!

Jeremia 18:22

Bitche lurden, kai wenn ap jek kopo pral lende un lengre khera, te denn le gole i trashatar! Jon lurenn koi pre te taprenn le man, un tchiwan dorja, te taprenn mire herja koi dren.

3. Mose 24:18

Koon i vieches mulo dell, kowa hunte dell sau viecho pale: I djipen i djipaske.