2. Mose 21:26 - O Debleskro Drom 2021 (Sinte)

^26-27 Koon dell peskro budepaskro i jak win, kowa hunte mukell les te djal o jakeske, hoi das lo les win. Ninna kowa, kai das peskro budepaskro i dand win, hunte mukell les te djal o dandeske, hoi das lo les win. Kowa well ninna jaake kerdo pash i budepaskretsa.

O Debleskro Lab 2024 (Sinte-Manouche)

^26-27 Koon dell peskro boudepaskro i yak vin, kova hounte moukell les te djal o yakeske, hoy das lo les vin. Ninna kova, kay das peskro boudepaskro i dand vin, hounte moukell les te djal o dandeske, hoy das lo les vin. Kova vell ninna yaake kerdo pash i boudepaskretsa.

2. Mose 21:26 ပူးပေါင်းရင်းမြစ်များ

Nehemia 5:5

Jon lauter penan: “Mer ham har mare phrala, lengro mass un rat. Mare tchawe hi har lengre tchawe! Un mer hunte das mare tchawen un tchen lende, te wenn le lengre budepangre. Un mank mare tchende hi sawe, kai wan sorjah an-tapedo. Un mer nai krah tchi. Un mari hachetikri phub un maro drakengro them hi wawaren.”

Debleskri gili 10:14

Tu dikal les. Tu deh jak ap kolende, kolenge le o djipen phares krenn, un djineh lengre duka, un leh lengro koowa an tiro wast. Awa, i tchorwele tchiwenn pengro djipen an tiro wast. Tu hal ap i rig kolendar, kolen kek dad buder hi.

Debleskri gili 10:18

Un tu deh o tchatchepen i tchorwelenge un kolenge, kai len kek dad buder hi, jaake te nai krell buder kek mensho i wawarenge daar ap kai phub.

Debleskri gili 9:12

Giwenn o baro Debleske, kai ap i berga Zion khere hi! Penenn i menshenge an wawar themma, hoi job lauter kras!

2. Mose 21:20

Te dell jek peskro budepaskres i kashteha, jaake te merell lo, palle lell lo i phagi. Kowa well ninna jaake kerdo pash i budepaskretsa.

2. Mose 21:24

i jak i jakeske, i dand i dandeske, i wast i wasteske, i heri i herjake,

2. Mose 21:25

i chatchepaskro dukepen i chatchepaskro dukepaske, i tchinepen i tchinepaske, i dap i dapeske.

Efesarja 6:9

Tumer, kai han raja, ap tumende penau: Awenn latches ap kolende, kai tumenge budrenna! Ma denn len trad! Tumer djinenna: Len hi i rai an o bolepen. Kowa hi ninna tumaro rai. Glan leskre jaka hi jek mensho har o wawar.

5. Mose 16:19

Te hal tu i tchatchepaskro, hunte dess tu koles peskro tchatchepen, koon an o tchatchepen hi. Tu dikess gar koi pre, koon glan tute tardo hi. Te dell jek tut kutch koowa, te dess tu les tchatchepen, ma le kowa an! Koon sawo shukar kutch koowa an-lell, well korelo o tchatchepaske, un dikell buder gar, koon an o tchatchepen hi.

Kolossarja 4:1

Tumer kai han raja, ap tumende penau: Awenn tchatches ap tumare budepangre un djan lentsa mishto trujel! Ma bistrenn, kai hi tumen ninna i rai an o bolepen!