2. Mose 21:1 - O Debleskro Drom 2021 (Sinte)

¹ Kolla hi i laba, hoi lenge peness. Ap kolende hunte rikrenn le pen.

O Debleskro Lab 2024 (Sinte-Manouche)

¹ Kolla hi i laba, hoy lenge peness. Ap kolende hounte rikrenn le pen.

2. Mose 21:1 ပူးပေါင်းရင်းမြစ်များ

1. Rajengro liil 6:12

“Tu te kreh, hoi tutar kamau un djiweh pal miro tchatchepen un rikreh mire tsele laba, palle well miro lab tchatcho an tiro djipen, ko lab, hoi me rakrom tiro dadeha, o Davideha,

2. Familjakro liil 19:10

Te wenn pash tumende tumare phrala, kol tchatchepangre dran kol wawar forja, un putchenn tumendar, hoi te krenn le pash kau te ko tchingepen, nai djal trul rat fer rat, nai djal trul o Debleskro drom un leskre laba, kowa, hoi job tumendar kamell, un hoi an leskre tchatchepaskre laba tchinlo hi, palle hunte tumer lenge penenn un sikrenn, har kowa tchatcho hi, te anenn le kek doosh pral pende glan o baro Debleste, un leskri choli pral tumende well un pral tumare phrala. Te sikrenn tumer lende lauter mishto, anenn tumer kek doosh ap tumende.

Nehemia 10:29

I tsele Israelitarja, i rashaja, un i Levitarja, un kolla, kai jak denn ap o foreskre wudja, un i gipangre, un i budepangre an o Debleskro kheer, un kolla i wawar menshendar, kai mukan pengre menshen un djan kanna o Debleskro drom, ninna lengre romja, lengre tchawe un tcha, kai haiwenn kowa,

Debleskri gili 147:19

O Jakobeskre menshen mukell lo peskro lab te shunell; un ap i Israelitarja penell lo, hoi lo lendar kamell, un dell len peskre tchatchepaskre laba.

2. Mose 19:7

Koi djas o Mose pale un das i tsele phureden gole un penas lenge kal laba, hoi o baro Dewel leske penas.

Ezekiel 20:11

Un kote penom lenge, hoi lendar kamau, har te djiwenn le pal miro tchatchepen. Miro tchatchepen hi kowa, koleha i mensho djido atchell, te rikrell lo pes ap leste.

Ezekiel 20:25

Un ninna dom len tchatchepaskre laba, hoi tchi-moldo his, un hoi anan lenge kek djipen.

3. Mose 18:26

Doleske krenn kowa, hoi me tumendar kamau, un djiwenn pal miro tchatchepen, tumer un ninna ko wi-themari, kai mank tumende djiwell! Krenn kek sawo pale-tchiddo koowa,

3. Mose 18:5

Doleske krenn, hoi me tumendar kamau, un djiwenn pal miro tchatchepen. I mensho, kai rikrell pes ap kowa, koles hi tchatchepah o djipen. Me hom o baro Dewel.

3. Mose 19:37

Krenn halauter, hoi me tumendar kamau, un rikrenn ap miro tchatchepen! Me hom o baro Dewel.

3. Mose 20:22

Krenn kowa, hoi me tumendar kamau un rikrenn tumen ap miro tchatchepen, te wenn gar win tradedo dran ko them, an kowa me tumen anau, te djiwenn koi dren.

4. Mose 35:24

Palle hunte well lo glan i tsillo anlo glan kolende, kai rakrenn o tchatchepen win mank ko mursheste un koleste, kai kamell o rat o mulo murshestar pale te anell ap o shero kolestar, kai maras les.

4. Mose 36:13

Kalla hi kol tchatchepaskre laba, kai o baro Dewel o Moseske penas, te rikrenn pen i Israelitarja ap lende. Job penas len lenge an o telstuno them Moab pash o pani Jordan, wergel o foro Jericho.

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

5. Mose 15:12

Te bikras pes i wawar Israelitari ap tute, – mursh oder djuwel – palle budrell lo tuke shob bersha, un an o eftato bersh mukess les te djal.

5. Mose 4:14

An ko tsiro penas o baro Dewel mange, te sikrap tumen, hoi lo tumendar kamell un leskre tchatchepaskre laba, te djiwenn pal lende an ko them, an kowa tumer dren djan, te lenn les tumenge dren.

5. Mose 4:45

Har le dran o them Egiptia win djan, penas lo lenge kol tsele laba, hoi lende sikran, har te djiwenn le, un hoi o Dewel lendar kamella, un leskre tsele tchatchepaskre laba.

5. Mose 4:5

Dikenn, me sikrom tumende, hoi o baro Dewel tumendar kamella, leskre tsele tchatchepaskre laba, jaake har miro baro Dewel mange penas, te krenn tumer an o them, an kowa tumer wenna un les tumenge dren lenna.

5. Mose 4:8

Kek wawar bari natsjona della, kai i menshen sawe latche un tchatche laba hi, hoi lende sikrenn har te djiwenn le, har kal laba, hoi me kau diwes glan tumende tchiwau.

5. Mose 5:1

Un o Mose das i tsele menshen Israel khetne gole, un penas ap lende: Shun Israel kowa, hoi o baro Dewel kamell tumendar, leskre tsele tchatchepaskre laba, hoi kau diwes glan tumare kanna penom. Rikrenn len an o shero, un denn jak ap lende, un djiwenn pal lende!

5. Mose 5:31

Tu, atch kai pash mande! Un me penau tuke o tselo lab, halauter hoi tumendar kamau, un mire tsele tchatchepaskre laba. Kolla lauter peness lenge, te djiwenn le pal lende an ko them, hoi me dau lende, te lenn le les lenge dren.”

5. Mose 6:1

Un kawa hi o lab, lauter, hoi tumaro baro Dewel tumendar kamella, un leskre tchatchepaskre laba, hoi lo mande das, te penap len tumenge, te nai djiwenn pal lende an o them, an kowa tumer kanna djan, te lenn les tumenge dren,

5. Mose 6:20

Te well ko tsiro, kai putchell tut tiro tchawo: Hoske hunte rikras kol laba, hoi sikrenn, har te djiwas, un hoi maro baro Dewel mendar kamell, un hunte djiwas pal leskre tchatchepaskre laba?

1. Tessalonikarja 4:1

Mire phrala, mer sikram tumende, har te djiwenn tumaro djipen jaake, te well o Dewel bachtelo pral tumende. Un kowa krenn tumer. Kanna mangah tumen jaake har maro rai, o Jesus, mangals tumendar: Krenn kowa gomme budeder un feteder!