2. Mose 20:5 - O Debleskro Drom 2021 (Sinte)

⁵ Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.

O Debleskro Lab 2024 (Sinte-Manouche)

⁵ Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

2. Mose 20:5 ပူးပေါင်းရင်းမြစ်များ

2. Samuel 21:1

An ko tsiro, kai o David djiwas, was i bari bok pral o them, un i menshen his triin bersh tchi te chal. Un o David putchas o baro Deblestar, hoske kowa jaake hi. Un o baro Dewel penas: “Ap o Saul un ap leskro kheer hi i rateskri doosh tchiddo, doleske, kai o Saul das kol Gibeonarjen mulo.”

2. Samuel 21:6

dran leskro kheer denn men efta murshen, te bladas len pre glan o baro Debleste an o foro Gibea, hoi o foro o Saulestar hi, koles o baro Dewel win rodas.” Penas o David: “Me dau len tumende.”

1. Rajengro liil 19:10

Un job penas: “Tu, baro Dewel un rai pral o bolepen un i phub, me budrom tuke miro tselo djijeha. Tire menshe Israel krenn buder gar, hoi tu lentsa win kral. I pre-tchidde barra, kai tuke vieche chatchedo wan, dan le khetne, un tire rakepangren maran le o chareha. Un me kokres atchom djido. Un jon kamenn man ninna te marell.”

1. Rajengro liil 21:29

“Dikal tu kowa, har kras pes o Ahab tiknes glan mande? Doleske mukau koi bibacht gar te well, jaake rah har job djiwell. An ko tsiro, kai leskro tchawo o baro rai hi, anau me koi bibacht pral leskro kheer.”

2. Rajengro liil 17:35

Lenge das o baro Dewel peskro lab, te hi lo lengro Dewel un jon leskre menshe. Ap lende penas lo: “Sharenn kek wawar deblen! Ma tchiwenn tumen tele glan lende! Ma mangenn len an! Un anenn lenge kek viechen un kek sungepaskro koowa!

2. Rajengro liil 17:41

Un kal menshe, kai wan dran wawar forja, mangan o baro Debles an, un mangan ninna pengre deblen an. Un ninna lengre tchawe un tchawengre tchawe krenn jaake har lengre phure kran bis ap kau diwes.

2. Rajengro liil 23:26

Ninna te kras o Josia kowa lauter, mukas o baro Dewel gar tele peskri choljah, hoi les his pral o them Juda, fothe choiras les ko tselo djungelo koowa, hoi o Manasse kras.

2. Rajengro liil 5:18

Hi jek koowa, hoi nai krau gar jaake: Te djal miro baro rai an o kheer peskro deblestar Rimmon, te mangell lo les an, palle tchiwell lo pes ap miri mussi, un me mangau les ninna an. Palle mu lell o baro Dewel koi doosh mandar krik!”

2. Rajengro liil 5:27

Ko nasslepen, hoi o Naamanes ap peskro mass his, perell ap tute un tire menshende, kai pal tute wenna.” Koi djas o Gehasi lestar krik, un ko nasslepen his ap leskro mass un dikas win har gib.

2. Familjakro liil 25:14

Un jaake was, har o Amazja khere was dran o kurepen i lurdentsa dran o them Edom, anas lo kol debla peha, kolen i Edomarja an-mangan, un tchiwas len pre, har te wenn jon leskre debla. Un glan lende witsras lo pes tele, un chatchras lenge sungepaskro koowa.

2. Familjakro liil 7:19

Te mukenn tumer miro drom, un rikrenn tumen gar ap mire laba un miro tchatchepen, hoi me tumenge dom, un djan pash wawar debla, un mangenn len an, un witsrenn tumen glan lende tele ap i phub,

Hiob 21:19

Tumer penenn, te anell o Dewel i phagi pral i tchawende ko tchilatchestar. Me penau: Job hunte dals koi phagi koleste, kai tchilatcho koowa kras, te haiwell job kowa,

Hiob 5:4

Leskre tchawen his kek bacht an pengro djipen. Har anas jek tchomone ap lende pre, his kek koi, kai was ap lengri rig, un las lengro koowa an o wast.

Debleskri gili 109:14

Baro Dewel, ma biste i doosh leskre phurendar! Ma biste o tchilatcho koowa, hoi leskri dai kras!

Debleskri gili 78:58

Jon mangan i wawarengre deblen an. Un choiran o Debles, har kran le penge chochene deblen.

Debleskri gili 79:8

De men kek phagi koleske, hoi mare phure kran! Kre sik tiro dji menge pre! Dik, men hi buder kek soor!

Debleskri gili 81:15

Sik anoms ladj ap kolende, kai ap lende djan, un tchiwoms miro wast phares ap lende.

2. Mose 23:24

Ma mangenn lengre deblen an! Ma anenn viechen, te chatchrenn len lenge! Ma krenn jaake har kolla, kai an ko them djiwenna! Denn lengre tsele deblen paash, un phagenn kol bare barra, hoi jon lenge pre-tchiwan!

2. Mose 34:14

Mangenn kek wawar Debles an! Me, o baro Dewel, kamau, te kamenn man kokres. Me kamau kokres te wap tumaro Dewel.

Gosewe laba 8:36

Kowa, kai gar pash mande well, krell peskro djipen paash. Hakeno, kai kamell tchi mandar te djinell, hi ap o drom, hoi anell an o merepen.

Jesaja 44:15

Ko kasht lell i mensho chatchepaske, un job lell les un krell i jag, te well leske tato, un pekell maro koi pre. Un ninna lell lo kau kasht un krell i dewel lestar, glan koleste witsrell lo pes ap i phub tele un mangell les an.

Jesaja 44:19

Sawo mensho haiwell gar, hoi lo krell. Tchi djal an leskro shero, un kek goswepen hi an leste, jaake te penals lo peske: “O paash kolestar chatchrom an i jag, un ap koi jag pekom maro un mass, un chom les. Un ko wawar paash kolestar, krap i dewel, glan koleste me man tele ap i phub witsrap? Glan i kotar kasht?”

Jeremia 2:9

Doleske hunte anap tumari doosh ap tumende, un ap tumare tchawende un kolengre tchawende.

Jeremia 32:18

Tu mukeh latchepen pral bud serja menshende te well. Un i doosh i dadendar mukeh ap i sherja lengre tchawendar te well. Tu hal o baro un sorelo Dewel. Tiro lab hi: Baro Dewel, ko rai pral o bolepen un i phub.

Ezekiel 18:19

Tumer putchenn: “Hoske hidjrell ko tchawo gar i doosh peskro dadestar?” Me penau tumenge: O tchawo kras, hoi mishto un tchatcho his, un rikras halauter, hoi lestar kamom. Doleske atchell job djido.

Ezekiel 18:2

Hoske penenn tumer an o them Israel kau lab: I phure chan shutle drake, un i ternenge dukenn i danda.

Ezekiel 20:7

Un me penom ap lende: Hakeno tumendar hunte witsrell kol djungele figuren krik, hoi lo an-mangell. Rikrenn tumen pale kol chochene deblendar, kolen i Egiptarja an-mangenn, te wenn tumer gar pale-tchiddo! Me, o baro Dewel, hom tumaro Dewel.

Ezekiel 39:25

Kanna krau, penell o baro Dewel, maro rai, te well lauter pale mishto o Jakobeske, un krau miro dji pre o tselo khereske Israel. Miro tselo djijeha krau, te well buder gar djungeles rakedo pral mande.

Ezekiel 8:3

Un job tchiwas tchomone har i wast pal mande win, un tapras man ap mire balla ap o shero. Un an ko dikepen, hoi dikom, un hoi was o Deblestar, hadas man o ducho pre dur pral i phub, un anas man an o foro Jerusalem pash o baro wudar, hoi hi ap i nordetikri rig, glan koi platsa, hoi djal trul o Debleskro kheer. Kote his i figura tardo, hoi i menshe an-mangan, un pral kolate o baro Dewel bares chojedo his.

Daniel 1:2

Un o baro Dewel, maro rai, das o Jojakimes, ko baro rajes pral o them Juda, an o wast o baro rajestar dran o them Babilonia. Ninna ko shukar koowa, hoi an o Debleskro kheer his, kolestar peras an leskre wasta. Un job anas kowa an o them Shinar, an o kheer leskro deblestar. Un tchiwas les pash ko brawlepen leskro deblestar pashel.

Daniel 3:18

Un ninna te kamell lo kowa gar te krell, tu djiness: Mer sharah tiro debles gar, un mangah gar koi sonakaskri figura an, hoi tu mukal pre te tchiwell.”

3. Mose 20:5

palle dau me kokres ko murshes peskri phagi, ninna leskre menshen. Me mukau les un hakenes, kai ko debles Moloch pal nashas, buder gar mank pengre menshende te djiwell.

3. Mose 26:1

Ma krenn tumen chochene deblen, witar kek figure un pre-tchiddo barra, oder barra an kolende i shero dino hi, te mangenn len an! Me, o baro Dewel, hom tumaro Dewel.

3. Mose 26:29

I bokatar chan tumer o mass tumare tchawendar un tchendar.

Nahum 1:2

O baro Dewel hi i Dewel, kai kamell, te mangenn i menshe kek wawar debles an har les kokres. Leskri choli well pral kolende, kai hadenn pen pral leste. Kolen, kai kamenn lestar tchi te djinell, dell job i phagi. Un bistrell gar, hoi jon ap leste kran.

4. Mose 14:18

Tu penal: ‘Me, o baro Dewel, wau gar sik chojedo, un man hi i latcho un baro dji, un me bistrau ko tchilatcho koowa, hoi kran un lau i doosh krik. Koles kokres, kai kamell mandar tchi te djinell, dau i phagi, un gar koles kokres, na-a ninna leskre tchawen un kolengre tchawen jaake rah har triin, star familje, jek pal i wawar djiwan.’

4. Mose 14:33

Tumer rikran tumen gar ap mire laba. Doleske hunte djan tumare tchawe pengre viechentsa trujel an o mulo tato them, star-deesh bersha, bis te atchell kek tumendar buder pral.

4. Mose 25:11

“O Pinhas, koleskro dad o Eleasar hi, un koleskro papo o rashai Aron his, kowa las miri choli kol Israelendar krik. Job his jaake chojedo har me homs, un kras, te marom me gar i tsele Israelitarjen an miri choli.

Mateo 4:9

un penas: “Kawa lauter kamau tut te dell, te pereh tu glan mande tele, un mangeh man an.”

Johanni 15:18

Te kamenn tumen i menshe ap kai phub gar, ma bistrenn, kai jon kaman man witar gar.

Johanni 7:7

I menshe hi gar tchilatcho ap tumende. Ap mande hi le tchilatcho. Me penom lenge, kai kowa, hoi jon krenna, tchilatcho hi.

Johanni 9:2

Un o Jesuseskre mala putchan o Jesusestar: “Sikepaskro, koon anas i doosh ap peste, te was kau mursh koreles boldo? Anas job i doosh ap peste? Anan leskro dad un leskri dai i doosh ap pende?”

Remarja 1:30

un rakrenn chochepen pral lende. Jon praassenn o Debles un i menshen, un hadenn pen pre un hi sharedo. Jon rodenn, har te krenn le o tchilatchepen. Jon shunenn gar ap pengro dadeste un ap pengri date.

Remarja 8:7

Koon kamell jaake te djiwell, har job kamella, kowa kamell gar o Debles. Job shunell gar ap kowa, hoi o Dewel penella. Job nai krell les witar gar.

1. Korintarja 10:22

Ma choirenn o Debles! Mer ham gar sorleder har job.

5. Mose 32:21

Jon dukan un choiran man, har mangan le kolen an, kai kek debla hi. Jaake kamau me les ninna lentsa te krell, un lau mange wawar menshen, te silwerenn le un choirenn pen pral menshende, kai prindjran man gar.

5. Mose 32:41

Me krau, te tchinell miro charo mishto, te well o tchatchepen kerdo. Un me dau o tchilatchepen ap kolengre sherja pale, kai kuran pen mantsa. Un miri choli well ap kolende, kai hi chojedo ap mande chojedo.

5. Mose 4:24

Job hi i soreli jag, hoi halauter pre chatchrell, un kamell, te kamenn tumer les kokres.

5. Mose 5:10

Latchepen un kamlepen dau me ap kolende, hoi man o djijestar kamenn un krenn, hoi me penau. Ninna lengre tchawenge, kai pal lende wenna, hom latcho, jaake rah har serja familje jek pal i wawar djiwenn.

5. Mose 5:9

Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.

5. Mose 6:15

Tiro baro Dewel hi mank tumende un kamell te kamess les kokres. Te rikreh gar pash leste, well leskri choli pral tute, un job lell tut krik i phubjatar.

5. Mose 7:10

Un kolen, kai kamenn lestar tchi te djinell, dell lo i phagi, un marell len sik. Kek tsiro mukell lo pes, te anell lo lenge lengro tchilatchepen pale ap lengre sherja.

Jakobo 4:4

Tumer chochran un mukan o Debles! Djinenn tumer gar, kai kolla, kai tchiwenn pengre djia ap i phubjakro koowa, kolla hi gar o Debleskre mala? Koon kamell ko drom te djal, hoi i menshe ap kai phub djana, kowa kamell o Debles gar.

Josua 23:7

Ma tchiwenn tumen khetne kol wawar menshentsa, kai gomme an kau them djiwenn. Lengre deblen denn gar an-gole! Ma denn tumen sowel pash lende! Ma anenn lenge viechen un wawar koowa! Ma witsrenn tumen tele glan lende!

Josua 24:19

Kote penas o Josua ap i tsele menshende: “Kowa nai wals tumenge phares, o baro Debleske koi te well. Kek wawar dewel hi har job hi. Un job kamell tumendar, te mangenn les kokres an. Te djan tumer leskro dromestar tele un hadenn tumen pral leste, bistrell lo kowa gar.

Čačepangre 2:19

Pal leskro merepen peran le pale o tchatcho dromestar tele, un kran les gomme djungleder har pengre phure kowa kran, un nashan wawar deblenge palla, un witsran pen glan lende tele, un mangan len an. Un mukan pen kekestar ko tchilatcho dromestar tele te anell. Pal pengre shere djan le pengro drom.