2. Mose 20:25 - O Debleskro Drom 2021 (Sinte)

²⁵ Te krenn tumer mange i chatchepaskri dran barra, palle lenn i barra jaake, har hi le. Denn tchi lendar tele! Te well i saster pral lende, hi le mange pale-tchiddo.

O Debleskro Lab 2024 (Sinte-Manouche)

²⁵ Te krenn t'mer mange i rhačepaskri dran barra, palle lenn i barra yaake, har hi le. Denn či lendar tele! Te vell i saster pral lende, hi le mange pale-čiddo.

2. Mose 20:25 ပူးပေါင်းရင်းမြစ်များ

1. Rajengro liil 6:7

I barra ko khereske wan dino, glan te was o kheer kerdo. Jaake was kek sasterno depaskro shunlo, kek tower, witar kek wawar sasterne koola, an ko tselo tsiro, har o Debleskro kheer kerdo was.

2. Mose 20:24

Hi mange doha, te krenn mange i chatchepaskri dran phub! Koi pre anenn mange kol marede bakren un grumjen, hoi chatchrenn tseles mange, ninna kolen, hoi mange marenn, te chan tumer lengro mass khetne glan mande. Kote, kai kamau, te mangenn man an, kote wau me pash tumende un dau tumen miri bacht un miri soor.

2. Mose 24:4

Koi tchinas o Mose hako lab, hoi o baro Dewel penas, an i liil. Un sik taissarlakro stas job pre un kras i chatchepaskri tele glan i berga, kote pre vieche chatchedo wenna o baro Debleske. Ninna tchiwas lo deesh-te-dui barra pre kol deesh-te-dui bare familjenge, kai wan o Israeleskre tchawendar: jek bar haki familjake.

Ezekiel 40:42

Un kol star chapangre, hoi kol viechenge hi, hoi o Debleske tseles chatchedo wenn, kolla his dino dran bare barra, 75 (efta-deesh-te-pantch) centimetarja lengsto, un ninna jaake buchlo, un i paash metari baro. Koi pre wenn kol tchurja un wawar koola tchiddo, kolentsa i vieche maredo wenn, sawe vieche, kai wenn tseles chatchedo, un hake wawaren ninna.

Josua 8:31

Kowa kras lo jaake, har o Mose, o baro Debleskro budepaskro, ap i Israelitarja penas: “dran barra, hoi gar paash his un ap kolende kek sasteha dino was.” Kowa hi jaake tardo an o Moseskro liil, kai tchinlo hi, har i Israelitarja hunte djiwan. Un ap kol barra chatchran le viechen o baro Debleske, sawen, hoi wan tseles chatchedo, un ninna sawen, kai chan le khetne glan o Debleste.