2. Mose 20:23 - O Debleskro Drom 2021 (Sinte)

²³ Doleske krenn tumenge kek wawar debles, kek dran rup, witar kek dran sonakai.

O Debleskro Lab 2024 (Sinte-Manouche)

²³ Doleske krenn t'menge kek vavar debles, kek dran roup, vitar kek dran sonakay.

2. Mose 20:23 ပူးပေါင်းရင်းမြစ်များ

2. Rajengro liil 17:33

Jaake mangan le o baro Debles an un ninna wawar deblen, jaake har kol menshe kran, kolendar jon wan.

2. Rajengro liil 17:41

Un kal menshe, kai wan dran wawar forja, mangan o baro Debles an, un mangan ninna pengre deblen an. Un ninna lengre tchawe un tchawengre tchawe krenn jaake har lengre phure kran bis ap kau diwes.

2. Mose 32:31

O Mose djas pash o baro Debleste pale un penas: “Ach, kol menshe anan bari doosh un ladj ap pende. I debles dran sonakai kran jon penge.

2. Mose 34:17

Ma krenn tumen kek debles dran saster, sonakai un rup!

Ezekiel 20:39

Tumer dran o kheer Israel, shunenn, hoi o baro Dewel, tumaro rai, penell: Krenn, hoi kamenn! Hakeno tumendar nai mangell peskro chocheno debles an! Tchatchepah, pal kowa well ko tsiro, kai shunenn pale ap mande, un anenn buder kek ladj ap mande tumare chochene deblentsa, un koleha, hoi lenge chatchrenn.

Ezekiel 43:8

Jon kran pengre bare khera langs miro kheer, lengre wudja langs mire wudja, jaake te his jek massuri halauter mank mande un lende. Un jaake anan le ladj ap mande pengro djungelo koweha, hoi le kran. Doleske marom len an miri choli.

Daniel 5:23

Un tu hadal tut pral leste, ko bolepaskro rajeste, un penal, te anenn le i khore dran leskro kheer glan tute. Un tumer pijan mool dran lende, tu un tire bare mursha, ninna tire romja un wawar djuwja. Un tu sharal i deblen dran rup un sonakai, dran lolo saster un wawar saster, kasht un bar, kol deblen, kai gar dikenn un gar shunenn. Ko Debles, koles tiro ducho an peskro wast hi, un pash koleste tire tsele dromma hi, koles hadal tu gar.

Daniel 5:4

Koi pashel sharan le i deblen dran sonakai, rup, lolo saster, wawar saster, kasht un bar.

3. Mose 19:4

Ma nashenn i chochene deblen palla! Krenn tumen kek debla tumare wastentsa! Me, o baro Dewel, hom tumaro Dewel.

Zefanja 1:5

Me marau lauteren, kai pral ap pengre khera i bolepangre momlia an-mangenn. Ninna kolen marau, kai witsrenn pen tele glan mande, un denn pen sowel ap mande, un ap i wawar rig denn le pen sowel ap ko mulo debleste, kai kharell Milkom.

5. Mose 27:15

“Praassedo well kowa, kai krell pes i sasterni figura, ninna i kashteni figura, te mangell lo lat tchorchanes an! Sawi figura kerdi mensheskre wastentsa hi djungeles glan o baro Debleskre jaka.” Un i tsele menshe hunte penenn: Amen!

5. Mose 29:17

Doleske denn tumen jak, te well kau diwes mank tumende kek mursh un kek djuwel, witar kek dadeskro kheer un kek bari familja, kai rissrenn pen tele maro baro Deblestar, te mangenn le i deblen kol wawar menshendar an. Dran sawo koowa wals bibacht un merepen menge halauterenge.

Debleskro tsiro 22:15

Win hi kolla, kai mukan o Debleskro drom, kolla, kai kran bengeskro koowa, kolla, kai lubran trujel, kolla, kai maran wawaren, kolla, kai mangan wawar koowa an har o Debles, un hakeno, kai kamell un krell o chochepen.

Čačepangre 17:3

Un job das kol 1.100 (jek-sero-jek-sheel) rupene lowe peskri date pale pale. Un leskri dai penas: “Me dau ko rup o baro Debleste, te well kek bibacht ap tute, miro tchaweste. Kol lowentsa te well i kashteni figura kerdo, pral kolate rup tchoredo hi.”