2. Mose 20:2 - O Debleskro Drom 2021 (Sinte)

² Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

O Debleskro Lab 2024 (Sinte-Manouche)

² Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals.

2. Mose 20:2 ပူးပေါင်းရင်းမြစ်များ

1. Rajengro liil 18:39

Har i tsele menshe kowa dikan, peran le ap pengre muja un dan gole: “O baro Dewel, job hi o Dewel! O baro Dewel, job hi o Dewel!”

2. Rajengro liil 17:12

Jon mangan i mule deblen an, ninna te penas o baro Dewel lenge: “Ma krenn kowa!”

2. Rajengro liil 17:7

Kau koowa was ap i Israelende doleske, kai djan jon gar ko drom o baro Deblestar, kai lengro Dewel hi, un len win las dran o them Egiptia, dran o wast o Faraestar, ko rajestar pral o them Egiptia. Un jon mangan wawar deblen an,

2. Familjakro liil 28:5

Doleske das les leskro baro Dewel an o wast o baro rajestar pral o them Syria. Kol Syrarja dan i lurden dran Juda khetne, un lan bud lendar pandles, un anan len an pengro foro Damaskus. Ninna i lurde dran Israel kuran pen i lurdentsa dran Juda, un wan i sorleder un maran bud lendar.

Debleskri gili 50:7

“Mire menshe, shunenn! Me kamau rakrell. Israel, shun, har me, tiro Dewel penau tuke, kai kowa, hoi kral, gar mishto hi.

Debleskri gili 81:10

Pash tumende hunte well kek wawar dewel, un tu mangess kek wawar debles an!

Debleskri gili 81:11

Me hom tiro baro Dewel, kai tut dran o them Egiptia win anas. Kre tiro mui dur pre, un me dau tut bud chapen.

Debleskri gili 81:7

Me lom tumendar ko pharo koowa tele, hoi ap tumare phika his, un tumare wasta hunte hidjrenn buder gar kol phare barra.

2. Mose 13:14

An ko tsiro, hoi wella, te putchenn tutar tire tchawe: ‘Hoske kreh tu kowa?’ palle peness tu ap lende: ‘O baro Dewel las men i sorelo wasteha win dran o them Egiptia, kai hunte budram tel dawa.

2. Mose 13:3

Un o Mose penas ap i tsele menshende: “Kau diwes an o tchon Abib djan tumer win dran o them Egiptia. Kote, kai tumer pandle budepangre hans, las tumen o baro Dewel peskro sorelo wasteha win. Rikrenn kau diwes an tumare shere! Un chan kek shutlo maro!

2. Mose 15:13

Tire menshenge kamlo hal, kolenge, kai tu i sorjah win lal un ap i latcho drom anal, hoi pash tiro Debleskro kheer djal.

2. Mose 15:16

I trashatar his le har bango. Tiri sorjatar wan le har barra, har tu mukal tire menshen glan lende win te djal, tire menshen, kai tu tuke win rodal, baro Dewel.

2. Mose 15:26

Un job penas: “Te shuneh tu ap mande, tiro baro Debleste, un kreh, hoi me penau, lauter, hoi an mire jaka tchatcho hi, un rikreh tut ap mire laba un kreh, hoi me tutar kamau, palle tchiwau me kek nasslepen ap tute, hoi tchiwom ap i Egiptarja. Me hom o baro Dewel, kai tut sasto krell.”

2. Mose 20:1

Un o Dewel penas:

2. Mose 29:46

Un jon dikenna, te hom me o baro Dewel, un lom len win dran o them Egiptia, te djiwap mashkral lende, me, lengro baro Dewel.

2. Mose 6:6

Doleske pen ap i Israelitarja: ‘Me hom o baro Dewel! Me lau tumen win dran tumari phari budi, hoi i Egiptarja ap tumende tchiwan. Miri bari choli well ap lende, un bari sorjah lau tumen win.

Jesaja 43:3

Me, o baro Dewel, hom tiro Dewel. Me, o Israeleskro Dewel lau tut win dran o merepen. Me dau lenge o them Egiptia, te ginap tut win. I themma Etiopia un Seba dau koi pashel.

Jeremia 16:14

Dikenn, well ko tsiro, penell o baro Dewel, kai well gar buder sowel dino kal labentsa: … pash o djido Debleste, kai las kol Israelitarjen win dran o them Egiptia.

Jeremia 2:6

Un putchan pen gar: Kai hi o baro Dewel, kai anas men dran o them Egiptia win, un djas glan mende an o mulo tato them, an ko diwjo un truk them, kai tchi har santa un barra hi, kai kek drom hi, un kek mensho djiwell?

Jeremia 31:1

O baro Dewel penell: An ko emligo tsiro hom me o Dewel o tselo Israeleskre familjenge, un jon hi mire menshe.

Jeremia 31:33

Ko newo koowa, hoi palle i menshentsa Israel win krau, hi wawartchandes. Me dau len mire laba an lengre djia un an lengre sherja. Me wau lengro Dewel, un jon wenn mire menshe. Kawa penell o baro Dewel.

Jeremia 34:13

Kawa penell o baro Dewel, kai o Israeleskro Dewel hi: Me krom tumare phurentsa win, har anom len dran o them Egiptia win, kai jon pandle budepangre his,

Ezekiel 20:19

Me, o baro Dewel, hom tumaro Dewel. Rikrenn tumen ap mire laba, hoi tumenge sikrenn, hoi tumendar kamau! Djiwenn pal mire tchatchepaskre laba!

Ezekiel 20:5

Pen lenge: Kawa penell o baro Dewel, maro rai: Me rodom i Israelitarja win, te wenn le mire menshe. Har jon gomme an o them Egiptia his, penom lenge, koon me hom. Awa, me hadom miro wast pre, te dap man sowel, un penom kolenge dran o kheer Jakob: Me, o baro Dewel, hom tumaro Dewel.

Ezekiel 20:7

Un me penom ap lende: Hakeno tumendar hunte witsrell kol djungele figuren krik, hoi lo an-mangell. Rikrenn tumen pale kol chochene deblendar, kolen i Egiptarja an-mangenn, te wenn tumer gar pale-tchiddo! Me, o baro Dewel, hom tumaro Dewel.

Hosea 12:10

Me, o baro Dewel, hom tiro Dewel fun ko tsiro, kai anom tut dran o them Egiptia. Me mukau tut pale an plachtene khera te djiwell, har an ko tsiro, har homs pash tute an o mulo tato them.

Hosea 13:4

Me o baro Dewel, hom tiro Dewel, fun ko tsiro, kai anom tut dran o them Egiptia win. Tu te prindjress kek wawar debles har man, Un kek wawar nai lell tut dran o merepen win har me kokres.

3. Mose 11:45

Me hom o baro Dewel, un anom tumen dran o them Egiptia win, te wap tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake har i Debleskre menshe djiwenn.

3. Mose 19:36

I waga, hoi sikrell har pharo tchomone hi, hunte sikrell kowa an o tchatchepen. Ninna kol barra, hoi pre tchiwenn, hunte wenn jaake pharo har tchatcho hi. Un kol pirja, kolentsa tumer palla dikenn, har bud tchomone hi, kolla hunte wenn jaake baro har tchatcho hi. Me, o baro Dewel, hom tumaro Dewel, kai tumen dran o them Egiptia win anas.

3. Mose 23:43

Krenn kowa jaake, te djinenn tumare tchawe, te mukom me, o baro Dewel, i Israelitarjen an patjengre khera te djiwell, har anom len win dran o them Egiptia. Me, o baro Dewel, hom tumaro Dewel.

3. Mose 25:38

Me, o baro Dewel, hom tumaro Dewel, un anom tumen dran o them Egiptia win, te dap tumen o them Kanaan, te wap tumaro Dewel.

3. Mose 25:42

I tsele Israelitarja hi mire budepangre, kolen me dran o them Egiptia win anom. Jon nai wenn gar bikedo, te wenn le ginle budepangre.

3. Mose 25:55

Tumer Israelitarja han mange. Mire budepangre han tumer, kolen anom me dran o them Egiptia win. Me, o baro Dewel hom tumaro Dewel.

3. Mose 26:1

Ma krenn tumen chochene deblen, witar kek figure un pre-tchiddo barra, oder barra an kolende i shero dino hi, te mangenn len an! Me, o baro Dewel, hom tumaro Dewel.

3. Mose 26:13

Me, o baro Dewel, hom tumaro Dewel, un anom tumen dran o them Egiptia win, te atchenn gar buder lengre pandle budepangre. Kote hans har grumja, kai hunte budrenn i kashteha trul lengri meen. Ko kashtes phagom me, te nai djan pale pre hadede sherja.

Amos 2:10

Me anom tumen win dran o them Egiptia, djom glan tumende star-deesh bersha an o mulo tato them, un dom tumen o them, kai i Amorarja khere his, te well lo tumenge.

Remarja 10:12

Kau lab hi i tsele menshenge: i biboldenge, ninna kolenge, kai kek bibolde hi. Len halauteren hi jek rai. Un job dell o djipen lauterende, kai les mangenna.

Remarja 3:29

O Dewel hi gar kokres i biboldengro Dewel. Na-a, job hi ninna o Dewel kolenge, kai kek bibolde hi.

5. Mose 13:10

Na-a, tu dess les mulo. Tu wess o ersto, kai lell i bar an peskro wast, te witsress ap leste, un pal tute i tsele wawar.

5. Mose 15:15

Un tu bistress gar, te hals i budepaskro an o them Egiptia, un tiro baro Dewel las tut kote win. Doleske penau me tuke kowa kau diwes.

5. Mose 20:1

Te djan tumer win an o kurepen, te kurenn tumen kolentsa, kai kamenn tumen gar an o them, un tumer dikenn lengre graja un kurepaskre wurdja un lengre lurden, kai hi bud budeder har tumer, palle ma darenn lendar! Tumaro baro Dewel hi tumentsa, kowa kai tumen dran o them Egiptia win anas.

5. Mose 5:15

Ma biste, kai hals i budepaskro an o them Egiptia, un me, tiro baro Dewel, las tut win miro sorelo wasteha un pre-hadedi mussjah. Doleske penau me tuke: Rike miro diwes jaake.

5. Mose 5:6

Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

5. Mose 7:8

Dran peskro kamlepen tumenge rodas o baro Dewel tumen win, te rikrell lo peskri sowel dren, hoi job tumare phurende das. Doleske anas lo tumen peskro sorelo wasteha win dran o them, kai pandlo hans, dran o wast o Faraestar, ko rajestar pral Egiptia.

Čačepangre 2:1

Un o baro Debleskro bolepaskro was dran o foro Gilgal pre ap koi platsa, hoi kharella Bochim, un penas: “Me lom tumen dran o them Egiptia win, un anom tumen an kau them, jaake har man sowel dom glan tumare phure dadende, te dau les tumende. Un me penom, te rikrap hako tsireske miro lab, hoi tumende dom.

Čačepangre 6:10

Un me penom tumenge: Me, o baro Dewel, hom tumaro Dewel. Ma mangenn kol deblen an, hoi i Amorarja an-mangenn, an kolengro them tumer djiwenn. Un tumer shunan gar ap mande.’”