2. Mose 20:12 - O Debleskro Drom 2021 (Sinte)

¹² Dik ap tiro dadeste un ap tiri date, te djal lenge mishto. Jaake djiweh i rah djipen an ko them, hoi tut tiro baro Dewel della.

O Debleskro Lab 2024 (Sinte-Manouche)

¹² Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

2. Mose 20:12 ပူးပေါင်းရင်းမြစ်များ

1. Mose 48:12

Un o Josef las len lestar krik un witsras pes glan leste tele, peskro mui ap i phub.

1. Mose 50:12

Un o Jakobeskre tchawe kran leha jaake, har o Jakob lenge penas.

1. Rajengro liil 2:19

Un i Batsheba djas pash o baro rajeste Salomo, te rakrell li leha pral kowa, hoi o Adonija lestar kamell. Un o baro rai, har dikas lo peskri dai, stas lo pre glan late, tchiwas peskro shero tele glan late, un beshas pes ap peskri rajeskri beshepaskri. Un lake mukas lo ninna i beshepaskri te well, te beshell li pes nai ap leskri tchatchi rig.

2. Rajengro liil 2:12

O Elisa dikas kowa un das gole: “Miro dad, miro dad, tu baro kurepaskro i Israelenge!” Un dikas les gar buder. Koi tapras job peskre koola un phagas len an dui kotja,

2. Mose 21:15

Kowa, hoi dell peskro dades un peskri dat, kowa hunte merell.

2. Mose 21:17

Ma rake bibacht win pral tiro dadeste, witar gar pral tiri date! Koon kowa krell, hunte merell.

Gosewe laba 15:5

O dinelo shunell gar ap leskro dadeste, te dell lo les trad. Kowa, kai shunell koi pre, hi gosewo.

Gosewe laba 17:6

Tchawengre tchawe hi har i rajeskri stadi i phurenge. Un i tchawe sharenn pen pengro papeha un pengri mami.

Gosewe laba 20:20

Kowa, kai pral peskro dades un peskri date bibacht win rakrell, koleske djal har jek, koleskri momeli win djal an i kali rat.

Gosewe laba 28:24

Koon peskro dades un peskri dat wi-randell un penell ‘kowa hi kek doosh’, sawo hi gar feteder har i tchorepaskro.

Gosewe laba 3:16

An peskro tchatcho wast, rikrell o goswepen i lengsto djipen tuke, peskro serwo wasteha dell lo tut brawlepen un railepen.

Gosewe laba 30:11

Hi menshe koi, kai rakrenn pral pengro dad bibacht win, un penenn kek latcho lab pral pengri date.

Gosewe laba 30:17

Kowa, kai praassell peskro dades, un kamell gar ap peskri date te shunell, koleske hunte dens i korake i jaka win, un i bare tchirkle hunte chans len.

Jeremia 35:18

I menshenge dran o kheer Rechab penas o Jeremia: Kawa penell o baro Dewel, ko rai pral o bolepen un i phub, kai o Israeleskro Dewel hi: Tumer shunan ap tumaro dadeste Jonadab, un rikran tumen ap leskre tsele laba, un kran halauter jaake, har job tumenge penas,

Jeremia 35:7

witar gar tchiwenn tumenge khera pre, tchiwenn kek djob an i phub, witar gar drakengre ruka. Tumen hunte well kek drakengro them. An plachtene khera hunte djiwenn tumer tumaro tselo djipen, te djiwenn i lengsto djipen an kau them, an koleste tumer trujel djan.

Ezekiel 22:7

Kolla, kai an Jerusalem djiwenn, dikenn tele ap pengro dadeste un ap pengri date, un chochenn i wi-themarjen, kai pash lende djiwenn. Un kol djuwjen, kolengro rom meras, un kol tchawen, kolengro dad meras, kolen rikrenn le sorjah tele.

3. Mose 19:3

Hakeno tumendar hunte dikell pre ap peskri date un ap peskro dadeste, un hunte rikrell o Debleskro diwes! Me, o baro Dewel, hom tumaro Dewel.

3. Mose 19:32

Glan phure menshende stess tu pre un dikess pre ap lende. Tu rikress tiro Debles glan tire jaka pash halauter, hoi kreh! Me hom o baro Dewel.

Maleachi 1:6

O baro Dewel, ko rai pral o bolepen un i phub, penell: I tchawo hunte hadell peskro dades, un i budepaskro hunte dikell pre ap peskro rajeste. Me hom tumaro dad – hoske hadenn man gar? Me hom tumaro rai – hoske dikenn gar pre ap mande? Tumer rashaja, tumer dikenn tele ap mande. Un tumer putchenn: Hoi kram, kai peneh ‘tumer dikan tele ap mande?’

Mateo 19:19

Dik ap tiro dadeste un ap tiri date, te djal lenge mishto! Un ap koleste, kai pash tute hi hunte wess jaake latches, har hal latches ap tute kokres.”

Markus 10:19

Tu djineh, kai o Dewel penas: De kekes mulo! Romeha, ma choche tiri romjat i wawar djuwjah! Romnija, ma choche tiro romes i wawar mursheha! Ma tchore! Ma pen chochepen pral i wawarende! Ma rande tchi i wawarestar! Dik ap tiro dadeste un ap tiri date, te djal lenge mishto!”

Markus 7:10

O Mose penas: Dik ap tiro dadeste un ap tiri date, te djal lenge mishto! Un ninna penas o Mose: Koon ap peskro dadeste un ap peskri date i bibacht anella, kowa hunte merella!

Louka 18:20

Tu prindjreh kol deesh Debleskre laba: Romeha, ma choche tiri romjat i wawar djuwjah! Romnija, ma choche tiro romes i wawar mursheha! Ma mare kekes! Ma tchore! Ma pen chochepen pral jekeste! Dik ap tiro dadeste un ap tiri date, te djal lenge mishto!”

Efesarja 5:21

O Jesus Kristo hi tumaro rai. Un tumer penenn Rai ap leste. Doleske hunte hadell pes kek tumendar pral o wawareste.

5. Mose 11:8

Doleske rikrenn tumen ap i tsele laba, hoi tumenge kau diwes penau. Palle han soreles doha, te lenn ko them tumenge dren, an koleste kanna djan.

5. Mose 11:9

Un tumer djiwenn i rah tsiro an ko latcho un brawelo them, hoi o baro Dewel pes glan tumare phurende sowel das, te dell lo les lende un lengre tchawende pal lende.

5. Mose 21:18

Te hi i romes i mursh tchawo, kai hi bipandlo, un krell halauter pal peskro shero un shunell gar ap peskro dadeste un peskri date, ninna te tchingrenn le ap leste un denn les dawa,

5. Mose 25:15

Le sawe barra un pirja, kolen o tchatcho barepen hi! Palle djiweh i rah tsiro an ko them, hoi tumaro baro Dewel tut dell.

5. Mose 27:16

“Praassedo well kowa, hoi ap peskro dadeste un peskri date tele dikell!” Un i tsele menshe hunte penenn: Amen!

5. Mose 32:47

Kalla hi laba, hoi tumenge bud moldo hi. Jon hi tumaro djipen. Djiwenn pal lende, un tumer djiwenna i rah tsiro an ko them wergel o panjestar Jordan, kai kanna dren djan, te lenn les tumenge dren.

5. Mose 4:26

Kau diwes dau man sowel glan o bolepen un i phub, te krenn tumer sawo koowa, djiwenn gar rah an o them, hoi tumer dren lenna wergel o pani Jordan. Kokres i tikno tsiro atchenn tumer koi. Palle wenn tumer lauter krik tradedo.

5. Mose 4:40

Denn jak ap kowa, hoi job tumendar kamella, un djiwenn pal leskre laba, hoi tumenge kau diwes penau. Palle djal mishto tumenge un tumare tchawenge pal tumende, un tumer djiwenn i rah tsiro an kau them, hoi tumaro baro Dewel tumenge della, te atchell les tumenge hako tsireske.

5. Mose 5:16

Dik ap tiro dadeste un ap tiri date, te djal lenge mishto. Jaake djiweh i rah djipen an ko them, hoi tut tiro baro Dewel della.

5. Mose 5:33

Djan jaake ap leskro drom, har job tumenge sikras! Palle atchenn djido, un djal tumenge mishto. Un tumer nai djiwenna i rah tsiro an ko them, hoi tumer dren lenn, te well lo tumaro.

5. Mose 6:2

jaake te rikrenn tumaro baro Debles glan i jaka tumaro tselo djipen, un denn jak ap halauter, hoi lo tumendar kamella, ap leskre tsele laba, hoi me tumenge penau, te rikrenn tumen ap lende, tumer un tumare tchawe un tchawengre tchawe. Jaake djiwenn tumer i rah tsiro an tumaro them.

Kolossarja 3:20

Tumer tchawe, shunenn hako tsiro ap tumaro dadeste un ap tumari date! Kowa kamell o rai Jesus tumendar.

Ruth 3:6

Un joi djas tele pash koi platsa, kai denn le o djob win un kras lauter, hoi lakro romeskri dai lake penas.

1. Samuel 22:3

Kotar djas o David dureder un was an o them Moab an o foro Mizpe, un penas kote ap o rajeste pral i Moabarja: “Muk miro dades un miri dai pash tute te well un pash tute te atchell jaake rah, bis te me djinau, hoi o Dewel mantsa krella.”