2. Mose 2:3 - O Debleskro Drom 2021 (Sinte)

³ Har khatras li les nai buder gar, kras joi i tikni korba, makas i korba mit tchomone dren, kai djal kek pani dren, un tchiwas lakro ternepen koi dren, las koi korba, tchiwas les mank ko baro panjeskro khass pash o pani Nil.

O Debleskro Lab 2024 (Sinte-Manouche)

³ Har khatras li les nay bouder gar, kras yoy i tikni korba, makas i korba mit čomone dren, kay djal kek pani dren, oun čivas lakro ternepen koy dren, las koy korba, čivas les mank ko baro panyeskro khass pash o pani Nil.

2. Mose 2:3 ပူးပေါင်းရင်းမြစ်များ

1. Mose 11:3

Un jon penan jek ap o wawareste: “Awenn, las tchik, te kras barra dran lende, un chatchras len, te wenn le soreles.” Un jon lan tchik un kran barra dran. Un lan teera te tchiwenn le lat mank i barra, te atchenn kol barra khetne.

1. Mose 14:10

An i tala Siddim his bud chebja an i phub, kai pherdo teera his. I raja pral i forja Sodom un Gomorra pengre lurdentsa hunte nashan penge. Un bud peran an kol chebja. Un kol wawar, kai pral atchan, nashan an i berge.

1. Mose 6:14

Kre tuke i panjeskro kheer dran sorelo kasht. Kre bud isema dren. Un mak win un dren teera pre!

2. Mose 1:22

Kanna penas o Farao ap i Egiptarja an peskro tselo them: “Kol tsele mursh tchawe, hoi newes boldo wan, witsrenn an o pani Nil! Un i tchen mukenn te djiwell!”

Jesaja 18:2

Kau them bitchrell peskre bitchepangren pral o baro pani. An tikne shiffe ulerenn le pral i panja. Tumer sik bitchepangre, djan pash kol menshende, kai hi baro un djeteha dren maklo, pash koi natsjona, kolendar i menshe darenna an hake themma, pash kolende, kai bari sorjah i wawarende khetne stakrenn, an kolengro them bare lengste panja nashenna.

Jesaja 19:6

Un kol wawar lengste panja khandenn palle, un i tikne panja nashrenn pengro pani un wenn truk. Un o panjeskro khass un o shilftikro khass well kalo.

Jesaja 35:7

Kote, kai jaake tato his, well pani khetne un atchell tardo. Un kote, kai jaake truk his, krenn panja i phub sapeno. Kote, kai i diwje djukle tchiddo his, well panjeskro khass un shilftikro khass.

Mateo 2:13

Un har jon penge djan, was o Debleskro bolepaskro pash o Josefeste an i suni, un penas ap leste: “Ste pre! Le o ternepas un leskri dat, un naash an o them Egiptia! O Herodes mukell o ternepas te rodell, te marell lo les. Atch koi, bis te penau me les tuke, te wess pale!”

Mateo 2:16

I gosewe mursha djan ap i wawar drom an pengro them, un wan gar pash o Herodeste pale. Har job kowa haiwas, was i bari choli ap leste. Un job bitchras lurden an o foro Betlehem un an i gaba trujel, te marenn le kol tsele mursh tchawen, kai dui bersha un terneder hi. Kol dui bersha his ko tsiro, kai i gosewe mursha leske penan, te was o tchawo boldo bis ko diwes.

Bičepangre 7:19

un rodas i drom, har te rikrell lo mare menshen tele. Un jon hunte budran tel dawa, un hunte mukan pengre tikne tchawen, te merenn jon.