2. Mose 2:15 - O Debleskro Drom 2021 (Sinte)

¹⁵ Har o Farao kowa shunas, kamas job o Moses te marell. O Mose nashas an ko them Midian. Kote beshas job pes pash i brunna.

O Debleskro Lab 2024 (Sinte-Manouche)

¹⁵ Har o Farao kova shounas, kamas yob o Moses te marell. O Mose nashas an ko them Midian. Kote beshas yob pes pash i brounna.

2. Mose 2:15 ပူးပေါင်းရင်းမြစ်များ

1. Mose 24:11

Un job mukas i khamele tele te tchiwell pash o pani glan o foro. His an i rati, har i djuwja o pani lenna.

1. Mose 25:2

Un joi anas leske tchawen ap i phub. Kolengre laba hi: Simran, Jokshan, Medan un Midian, Jishbak un Shuach.

1. Mose 25:4

O Midianeskre tchawe his: o Efa, o Efer, o Henoch, o Abida un o Eldaa. Kolla lauter hi i tchawe un tchawengre tchawe o Abrahameskri romjatar Ketura.

1. Mose 29:2

Un job dikas pes trujel un dikas i brunna ap o them. Ap triin platse pash i brunna his bud bakre un busja tchiddo. Dran koi brunna lan i bakrengre o pani, hoi denn le pengre viechen te pijell. Un i baro bar his ap i brunna tchiddo.

1. Rajengro liil 11:18

Un jon wan an o them Midian, un djan dureder an o mulo them Paran. Un dran Paran lan le murshen pentsa, un wan an o them Egiptia pash o Farao, ko rai pral Egiptia. Kowa das o Hadadeste i kheer, chapen un i kotar phub.

2. Mose 18:4

Ko wawar kharas Elijeser. Har kawa boldo was, penas o Mose: “O Dewel miro dadestar was ap miri rig. Job las man win dran o wast o Faraestar, kai kamas man mulo te dell.”

2. Mose 4:19

Un o baro Dewel penas ap o Moseste an o them Midian: “Dja an o them Egiptia palpale! Kol tsele mursha, kai kaman tut te marell, djiwenn buder gar.”

Gosewe laba 22:3

Koles i gosewo dji hi, kowa dikell, har i bibacht wella un khatrell pes. Kolen tchi an o shero hi, kolla nashenn dureder, un i bibacht well ap lende.

Habakuk 3:7

Me dikom, har daran kol menshe, kai djiwenn an plachtene khera an o them Kushan, un har trissan i menshe an o them Midian.

Mateo 10:23

Te lenn le tumen an jek foro palla, palle nashenn an i wawar foro! Tchatchepah, me penau tumenge, tumer wenna gar an hako foro an o them Israel jaake rah har o Mensheskro Tchawo gar pale was.

Johanni 4:6

Koi his o Jakobeskro pani. O Jesus was khino ap ko dur drom un beshas pes pash ko pani. His deesh-te-dujenge.

Bičepangre 7:29

Har o Mose kowa shunas, nashas job peske, un djas an ko them Midian. Koi wan leske dui tchawe boldo.

Hebrearja 11:27

Dran peskro patsepen djas o Mose win dran o them Egiptia, un daras gar o baro rajestar pral o them Egiptia, te well job chojedo ap leste. Na-a. Job rikras jaake ap o Debleste, koles kek nai dikella, har te dikals les lo peskre jakentsa.