2. Mose 19:5 - O Debleskro Drom 2021 (Sinte)

⁵ Kanna shunenn: Te rikrenn tumer lauter, hoi me tumenge penau, un shunenn ap mire tsele laba, palle han tumer mange kutcheder har i tsele wawar menshe ap kai phub. Ninna te hi i tseli phub miro, han tumer kokres mire menshe,

O Debleskro Lab 2024 (Sinte-Manouche)

⁵ Kanna shounenn: Te rikrenn t'mer lauter, hoy me t'menge penau, oun shounenn ap mire tsele laba, palle han t'mer mange koučeder har i tsele vavar menshe ap kay phoub. Ninna te hi i tseli phoub miro, han t'mer kokres mire menshe,

2. Mose 19:5 ပူးပေါင်းရင်းမြစ်များ

1. Mose 17:9

Un o Dewel penas pale ap o Abrahameste: “Tu un tire tchawe un kolengre tchawe un lauter, kai pal tute wenna, tumer hunte krenn tumaro kotar kolestar, hoi mer win kram.

1. Familjakro liil 17:22

Tu rodal tuke kol menshen Israel win, te wenn jon tire menshe hako tsireske. Un tu, baro Dewel, wal lengro Dewel.

Hiob 41:11

Dran leskro mui well jag, awa, jagakre kotja denn win karje.

Hiob 41:3

Koon nai djal i choljah ap mande, un me anau kowa gar ap leskro shero pale? Tel o tselo bolepen hi kek sawo!

Debleskri gili 135:4

O baro Dewel rodas peske o Jakobeskre menshen win, awa, o Israel las lo, te well lo leskro.

Debleskri gili 24:1

I gili o Davidestar. O baro Debleske hi i phub un lauter, hoi koi pre hi, awa, i tseli phub un kolla, kai kote djiwenna.

Debleskri gili 25:10

I tsele dromma hi latcho un tchatcho, kai o baro Dewel kolen anell, kai rikrenn pen ap leskre laba un krenn, hoi job lenge penell.

2. Mose 15:26

Un job penas: “Te shuneh tu ap mande, tiro baro Debleste, un kreh, hoi me penau, lauter, hoi an mire jaka tchatcho hi, un rikreh tut ap mire laba un kreh, hoi me tutar kamau, palle tchiwau me kek nasslepen ap tute, hoi tchiwom ap i Egiptarja. Me hom o baro Dewel, kai tut sasto krell.”

2. Mose 23:22

Te shunenn tumer ap leste un krenn halauter, hoi me tumenge penau, palle djau me ap kolende, hoi ap tumende djan. Un kolla, hoi tumenge o djipen phares krenn, kolenge krau me les ninna phares.

2. Mose 24:7

Un job las o liil, kai job dren tchinas, hoi o baro Dewel peskre menshendar kamella, un draweras kau liil i menshenge glan. Un i tsele menshe penan: “Lauter, hoi o baro Dewel penas, kamah mer te krell, un ap leste shunell.”

2. Mose 34:9

“Miro rai, te dikeh tu latches ap mande, palle dja mentsa, ninna te djan kal menshe pal pengro shero. Biste mari doosh un ko tchilatcho koowa, hoi kram, un muk men pale tire menshe te well.”

2. Mose 6:7

Kamau, te wenn tumer mire menshe, un me kamau tumaro Dewel te well. Un tumer dikenn un haiwenn, te hom me, o baro Dewel, tumaro Dewel, kai las tumen win dran i phari budi, hoi i Egiptarja ap tumende tchiwan.

2. Mose 8:22

O Mose penas: “Kowa djal gar. Kol viechen, hoi mer maro baro Debleske marah, hi pale-tchiddo pash i Egiptarja. Te marah mer kol viechen kote, kai i Egiptarja nai dikenn men, palle hadenn jon barra pre un witsrenn men lentsa mules.

2. Mose 9:29

O Mose penas leske: “Jaake sik har djom dran o foro win, kamau mire wasta pre te hadell ap o baro Debleste. Palle dell o bolepen buder kek gole, un kek barrengro brishin perell buder, te dikess un haiwess, te hi i phub o baro Debleske.

Kamlepaskri gili 8:12

Salomo, tut nai well kol sero kotja rup, un dui-sheel nai wenn i hachen! Man hi miro kotar them mire drakentsa!

Jesaja 1:19

Kamenn tumer ap mande te shunell? Palle nai chan tumer o tselo latchepen, hoi o them win anell.

Jesaja 41:8

Tu, Israel, hal miro budepaskro, tu hal o Jakob, koles mange win rodom, tu weh o Abrahamestar, kai miro maal hi.

Jesaja 43:1

Kanna penell o baro Dewel, kowa, kai tumenge, o Jakobeskre tchawenge, o djipen das, un tutar, Israel, i natsjona kras: Ma dare! Me ginom tut win! Me dom tut pash tiro lab gole, te wess mange.

Jesaja 56:4

Leske penell o baro Dewel: Te rikreh tu o Debleskro diwes dren, un kameh kowa te krell, hoi mange mishto hi, un rikreh tut ap kol laba, hoi mire menshendar win krom,

Jeremia 10:16

Har wawartchandes hi ko Dewel, koles o Jakobeskre tchawe an-mangenna! Job hi kowa, kai kras halauter. Un i Israelitarja hi leskre menshe. Job kharell: o baro Dewel, ko rai pral o bolepen un i phub.

Jeremia 13:11

Jaake har i mursh ko pandepen trul peste pandella, jaake pandom me kol tsele menshen dran Israel un kol tsele menshen dran Juda trul mande, te wenn jon mire menshe. Kamom, te wap dran lende sharedo un miro lab bares un prindjedo well; jon kaman gar ap mande shunell, penell o baro Dewel.

Jeremia 7:23

Me penom lenge: Shunenn ap miro lab, palle kamau me tumaro Dewel te well, un tumer han mire menshe. Djan ap ko drom, kai me tumenge penom, palle djal tumenge mishto.

Ezekiel 16:8

Un me djom miro drom, kai tu hals, un dikom tut. Un tiro tsiro was, te kamess i murshes un kress le bijab. Kote tchiwom miri baja pral tute un tchakrom tut. Un me djom tuha i sowel dren, un pandom miro dji ap tute, un penom: “Tu wess miro.” Kawa hi, hoi penas o baro Dewel, maro rai.

3. Mose 20:24

Tumenge penau: Lengro them dau tumende, te well lo tumaro. Kowa hi i them, kai bud thud un gwin hi. Me, o baro Dewel, hom tumaro Dewel, un rodom tumen mange dran i wawar themma win.

Amos 3:2

Mank i tsele natsjone ap kai phub han tumer kokres kolla, kolen mange win rodom, un ap lende jak dom. Doleske hi tumari doosh jaake baro, un me hunte dap tumen i phagi.

Amos 6:1

Djungeles djal kolenge, kai djiwenn i shukar djipen ap i berga Zion! Djungeles djal kolenge, kai djiwenn an o foro Samaria, un krenn pen kek shero! Djungeles djal tumenge, kai han i raja pral Israel – koi an-dikli natsjona, pash kolende i Israelitarja wenna!

Maleachi 3:17

Un pral lende penell o baro Dewel, ko rai pral o bolepen un i phub: Ap ko diwes, kai me wau, sikrell pes, kai hi le mire. Un me krau miro dji lenge jaake pre, har i mursh peskro dji pre krell peskro tchaweske, kai leske koi hi.

1. Korintarja 10:26

Djinenn, i phub un lauter, hoi koi pre hi, hi o Debleskro.

1. Korintarja 10:28

Kowa hi wawartchandes, te penell tumenge jek: “Kau chapen was i debleste dran kasht un bar dino.” Palle ma chan ko mass, te well koleskro dji gar djungeles, kai kowa tumenge penas. Job nai penals: “Hi mishto, te chap ko chapen.”

5. Mose 10:14

O baro Debleske hi o bolepen, lauter hoi an o pralstunepen hi. Un ninna i phub un lauter hoi dren hi, hi leskro.

5. Mose 11:27

I bacht well ap tumende, te shunenn ap i laba tumaro baro Deblestar, kol laba, hoi me tumenge kau diwes penau.

5. Mose 14:2

Tumer han o baro Debleskre menshe. Job hi tumaro Dewel. Tumen rodas lo win dran i tsele themma ap i phub, te wenn i natsjona, hoi leske hi.

5. Mose 14:21

Tumer hunte chan kek mass i viechestar, hoi mules trujel tchiddo hi. I wi-themares, kai djiwell an tumaro foro, koles nai denn les, te chal job les. Ninna nai bikrenn les ap jekeste dran o wi-them. Tumer han menshe, kai hi o baro Debleske koi, kai tumaro Dewel hi. Tu keress gar i busjakro ternepen an o thud leskri datar.

5. Mose 26:18

Kau diwes penan tumer glan leste: ‘Awa, mer kamah leskre menshe te well, jaake har job penas, un kamah leskre tsele laba te rikrell.’

5. Mose 26:19

Un job krell, te weh tu o pralstuno pral i tsele wawar natsjone, hoi job kras, te wess hadedo, sharedo un railo. Tumer wenn o baro Debleskre menshe, kai leske kokres koi hi, un kek wawareske har lengro Debleske. Kowa penas job.”

5. Mose 28:1

Kau diwes penau tumenge o baro Debleskre tsele laba, pal kolende hunte djiwenn. Shunenn ap tumaro baro Debleste, un krenn pal kal laba! Palle krell tumendar tumaro baro Dewel i natsjona, hoi budeder an-diklo hi har i tsele wawar natsjone ap i phub.

5. Mose 28:9

Te shunenn tumer ap tumaro baro Debleste un djan ap leskre dromma, krell lo tumendar i natsjona, hoi leske hi jaake har lo pes sowel das te krell lo.

5. Mose 4:20

Tumen las o baro Dewel dran o them Egiptia win, har dran i sasterno jagakro bob, jaake bud duka hunte lan kote ap tumende. Tumen las lo koi win, te wenn tumer leskre menshe, kai kokres leske koi hi, jaake har kowa ap kau diwes kate ninna hi.

5. Mose 5:2

Maro baro Dewel djas mentsa i sowel dren pash i berga Horeb.

5. Mose 7:6

Tumer han menshe, kai hi o baro Debleske kokres koi. Tumen rodas lo win dran i menshen an i tsele themma, kai ap i phub hi, te wenn tumer leskre menshe.

5. Mose 9:29

Jon hi tire menshe, kolen tu win lal dran o them Egiptia tiri bari sorjah un tiro sorelo wasteha, te wenn le tire menshe!”

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

Hebrearja 11:8

Ninna o Abraham patsas, hoi o Dewel penas. Har job leske penas: Dja an ko them, hoi me dau tute un tire tchawende, koi shunas o Abraham ap leste, un djas dran peskro them win, un djinas gar, kai job djala.

Hebrearja 8:9

Kau newo drom hi gar jaake, har ko phuro drom, hoi sikrom lende ap ko diwes, kai taprom lengre phuren ap i wasta, te anap len dran o them Egiptia win. Har atchan le gar ap miro drom, mukom len.

Josua 24:24

Un i tsele menshe penan ap o Josua: “O baro Debles, kai maro Dewel hi, koles kamah an-te-mangell. Un ap kowa, hoi job penella, kamah mer te shunell.”

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.

1. Samuel 15:22

O Samuel penas: “Hoi patseh, hi shukar o baro Debleske: Vieche, hoi leske maredo wenn, sawe hoi leske tseles chatchedo wenn un sawe, kolengre feteder kotja mass leske chatchedo wenn? Kamell lo gar budeder, te shunell jek ap kowa, hoi lo penell? Djin, te shuneh tu ap o baro Debleste, hi kowa leske feteder, har te deh les viechen. Te shuneh tu mishto ap leste, hi kowa feteder, har te deh les thulle kotja i bakrestar.