2. Mose 19:18 - O Debleskro Drom 2021 (Sinte)

¹⁸ Un trul koi tseli berga Sinai his jagakro ducho, har was o baro Dewel an i jag tele ap i berga. Un i jagakro ducho djas pre dran i berga jaake har dran i baro bob. Un koi tseli berga trissas soreles.

O Debleskro Lab 2024 (Sinte-Manouche)

¹⁸ Oun troul koy tseli berga Sinay his yagakro dourho, har vas o baro Devel an i yag tele ap i berga. Oun i yagakro dourho djas pre dran i berga yaake har dran i baro bob. Oun koy tseli berga trissas zoreles.

2. Mose 19:18 ပူးပေါင်းရင်းမြစ်များ

1. Mose 11:5

Koi was o baro Dewel tele, te dikell lo ko foro un ko baro kheer, hoi kol menshe krenn.

1. Mose 15:17

Un har o kham tele djas un rati was, dikas o Abram i bob, dran koleste i jagakro ducho pre djas. Un jag djas mank kol kotja mass.

1. Mose 19:28

Un o Abraham dikas tele ap kol forja Sodom un Gomorra un pral ko tselo them pash o pani Jordan, un dikas i bari jagakro ducho pre te djal har dran i baro bob.

Nehemia 9:13

Un ap i berga Sinai wal tu tele, un dran o bolepen rakral tu lentsa. Un tu penal lenge tchatchepaskre laba, hoi mishto hi, un sikral len tchatche dromma, un dal len latche laba, hoi penan lenge, hoi te krenn le.

Debleskri gili 104:32

Job dikell i phub an, un joi trissella. Job taprell i berge an, un i jagakri tampa djal pre dran lende.

Debleskri gili 114:4

I berge stan har bakre, un i tikne berge har terne bakre.

Debleskri gili 114:7

O baro Dewel his koi. Doleske was kowa jaake. Hakeno ap i phub hunte trissell glan o baro Debleste, ko Debleste o Jakobestar.

Debleskri gili 144:5

Baro Dewel, tchip o bolepen ap i rig un ab tele! Tape i berge an, te well jagakro ducho win!

Debleskri gili 18:9

Jagakro ducho djas dran leskro nak pre, baro tatepen was dran leskro mui win, ninna jag das karje lestar win.

Debleskri gili 68:9

kote trissas i phub, un o bolepen das baro brishin glan tute, o Debleste ap i berga Sinai, awa, glan o Debleste pral o Israel.

Debleskri gili 77:18

Dran o bolepen das baro sorelo brishin. O bolepen das bari gole, un i jag das karje ap o bolepen kate un kote.

Debleskri gili 77:19

Tu kral bari gole ap o bolepen. Koi jag ap o bolepen kras i rat har te wals diwes. I phub trissas i darjatar.

2. Mose 19:13

Koles hunte taprell kek an. Witsrenn les mulo i barrentsa! Tumer nai denn les ninna tele karje. Krenn kowa ninna i viecheske, hoi tchiwas peskre herja ap koi berga. Kowa atchell gar djido. Te well ko tsiro, kai shunenn, har phurdell jek ap i phurdepaskri, palle wenn pre ap i berga!”

2. Mose 19:17

O Mose anas len pash i berga, kai o Dewel hi. Un jon atchan tardo tele glan i berga.

2. Mose 20:18

Un i tsele Israelitarja shunan, har o bolepen gole das, un dikan, har jag dran o bolepen tele karje das. Ninna shunan le, har jek ap i phurdepaskri phurdas, un dikan i jagakro ducho. Un har jon kawa shunan un dikan, nashan le penge un atchan i kotar dureder tardo un trissan i darjatar.

2. Mose 24:17

O railepen o baro Deblestar his glan i Israelengre jaka har i bari jag, hoi pral ap koi berga chatchella.

2. Mose 3:2

Un kote mukas pes o baro Debleskro bolepaskro lestar te dikell, an i jag an i burra. O Mose dikas, kai i burra chatchan un chatchran gar pre.

2. Mose 34:2

Le tuha, hoi tut hunte well, te djas sik taissarlakro pral ap i berga Sinai pre. Kote am pash mande!

Jesaja 6:4

Koi gole lendar mukas i telstune barra o kherestar te trissell. Un o kheer his pherdo jagakro ducho.

Jesaja 64:1

Ab har i jag, hoi chatchrell truk kasht, un mukell o pani an i piri te kerell! Sike koon tu hal mank kolende, kai kamenn tut gar, te trissenn i menshe dran wawar themma glan tute,

Jeremia 4:24

Me dikom ap kol bare un tikne berge. Kolla trissan.

Habakuk 3:6

Tchiwell job peskro piro ap i phub, palle trissell li. Lell job i wawar themma an o jak, trashenn i tsele menshe. Kol bare phure berge phagenn an kotja, un kol tikne phure berge perenn khetne, te nashell job – har an o phuro tsiro – pral i phub.

Zakarie 14:5

Koi tala djal jaake dur har Azel. An koi tala mank o baro Debleskre berge nashenn tumer tumenge jaake, har tumare phure nashan penge, har i berge trissan an ko tsiro, kai o Usija o baro rai pral o them Juda his. Un palle well miro baro Dewel. Un leskre tsele bolepangre wenn khetne leha.

Mateo 24:7

I pralstune pral bare themma kurenn pen i wawar pralstunentsa. Un i menshe dran jek them marenn kolen an i wawar them. An bud themma hi i menshen gar doha te chal. Un kate un kote well i phub trisslemen.

5. Mose 33:2

O baro Dewel was un rakras mentsa pash i berga Sinai. Job was jaake har o kham pre djal pral i berge Seir. Mer dikam leskro railepen har hams pash i berga Paran. Khetne leha wan bud serja bolepangre. Ap leskri tchatchi rig his i jag.

5. Mose 4:36

Dran o bolepen win rakras lo ap tumende, te sikrell lo tumen leskro drom. Un ap i phub mukas lo tumen peskri bari jag te dikell. Un dran koi jag win shunan tumer kol laba, hoi job ap tumende rakras.

5. Mose 5:22

Kal laba rakras o baro Dewel ap tumende halauter, har wan khetne pash i berga. Dran i jag win, dran koi kali pessi wolka win rakras lo bari goljah. Kek wawar lab tchiwas lo pashel. Un job tchinas len ap dui barra un das len mande.

5. Mose 5:4

Kote ap i berga rakras job dran i jag win, jak an jak tumentsa.

2. Tessalonikarja 1:7

Tumer, kai wenn kanna palla lino, tumen dell lo i bari bacht. Kowa dell lo tumen mentsa khetne ap ko diwes, kai well maro rai Jesus pale dran o bolepen, un lauter dikenn les. Leskre sorele bolepangre wenn leha,

2. Tessalonikarja 1:8

un i jag hi trul lende. Palle well o Debleskri choli pral kolende, kai kaman lestar tchi te djinell, kolla kai shunan gar ap o latcho lab maro rajestar, o Jesusestar, un kaman gar ap leskro drom te djal.

Hebrearja 12:18

Shunenn, mire phrala! Tumaro tsillo, kai wenn khetne o Debleha, hi gar ko emligo har pash i Israelitarja. Jon djan pash i berga Sinai, un pash i jag, hoi dikan le nai. Trul lende his kali rat un i sorelo ducho phurdas.

Hebrearja 12:26

An o phuro tsiro trissas i phub, har o Dewel rakras. Kanna penell lo: An ko tsiro, hoi wella, trissell i phub i wawar kopo, un gar i phub kokres, na-a, ninna o bolepen trissella.

2. Petro 3:10

Kek djinell o diwes, kai maro rai Jesus pale wella. Ko diwes wella jaake har i dre-phagepaskro wella. Palle djal o bolepen krik bari goljah. I bolepangre momlia chatchrenna krik. Ninna i phub un ko tselo koowa, hoi ap i phub hi, chatchrella pre.

Debleskro tsiro 15:8

Un o Debleskro kheer his pherdo tampa, hoi was dran o Debleskro railepen un soor. Un kek nai djas kote an o Debleskro kheer dren, bis te anan kol efta bolepangre efta kope i bari phagi pral i phub.

Debleskro tsiro 9:2

Koi was i jagakri khand dran o telstunepen win, har i jagakri khand dran i baro bob win wella. Un koi jagakri khand hadas pes pre, un tchakras o kham un o bolepen, jaake te was rat.

Čačepangre 5:5

I berge trissan glan o baro Debleste, kai sikras pes ap i berga Sinai glan peskre menshende Israel. Lengro Dewel hi lo, – job, o baro Dewel.