2. Mose 18:4 - O Debleskro Drom 2021 (Sinte)

⁴ Ko wawar kharas Elijeser. Har kawa boldo was, penas o Mose: “O Dewel miro dadestar was ap miri rig. Job las man win dran o wast o Faraestar, kai kamas man mulo te dell.”

O Debleskro Lab 2024 (Sinte-Manouche)

⁴ Ko vavar kharas Eliyeser. Har kava boldo vas, penas o Mose: “O Devel miro dadestar vas ap miri rig. Yob las man vin dran o vast o Faraestar, kay kamas man moulo te dell.”

2. Mose 18:4 ပူးပေါင်းရင်းမြစ်များ

1. Mose 49:25

Tiro dadeskro Dewel well ap tiri rig. Job hi o sorelo Dewel. Job dell tut brishin dran o bolepen un pani dran i phub, ninna bud tchawe un vieche.

1. Familjakro liil 23:15

Leskre tchawe his o Gershon un o Elijeser.

1. Familjakro liil 23:17

O Elijeser, les hi kokres jek tchawo, o Rechabja. Koles his bud tchawe.

Debleskri gili 18:1

I gili o rajeske pral i gipangre. O David, kai o baro Debleskro budepaskro hi, kras kai gili un giwas lat o baro Debleske ap ko diwes, har o baro Dewel les win las dran i wasta lauterendar, kai leske tchilatchepen kaman, un ninna dran i wasta o baro rajestar Saul.

Debleskri gili 18:48

un kras man sorleder har kolla, kai kuran pen mantsa, un witsras i menshen dran wawar themma tel mande.

Debleskri gili 34:4

Giwenn mantsa gilja o baro Debleske! Krenn leskro lab mantsa khetne baro!

Debleskri gili 46:1

I gili jekestar, kai hi dran i familja Korach. Kai gili hi o rajeske pral i gipangre, te giwell lo lat har koi gili ‘terne tcha’.

2. Mose 10:28

Un o Farao penas ap leste: “Dja tuke mandar! Un de tut jak, te wess buder gar glan mire jaka! Ap ko diwes, kai tu pale glan mire jaka weh, dau tut mulo.”

2. Mose 2:15

Har o Farao kowa shunas, kamas job o Moses te marell. O Mose nashas an ko them Midian. Kote beshas job pes pash i brunna.

2. Mose 2:22

Har joi i mursh tchawo ap i phub anas, penas o Mose: “Me nashom an i them, hoi hi gar miro them. Doleske dau les ko lab Gershon.”

2. Mose 4:20

Kote las o Mose peskri romjat un peskre tchawen, un tchiwas len ap i burika. Un jon djan an o them Egiptia. Un o Debleskro kasht las job peha.

Daniel 6:22

Kote rakras o Daniel o baro rajeha un penas: “Baro rai, te djiwess hako tsireske!

Bičepangre 12:11

Kanna djinas o Petro, kai kowa kek suni his, un job penas: “Kanna djinau tchatchepah, kai bitchras o rai Jesus peskro bolepaskres mange. Un kowa las man dran o Herodeskre wasta win, ninna dran halauter, hoi kaman i bibolde mantsa te krell.”

Bičepangre 7:29

Har o Mose kowa shunas, nashas job peske, un djas an ko them Midian. Koi wan leske dui tchawe boldo.

2. Timoteo 4:17

O rai Jesus his ap miri rig, un das man i soor, te nai penap kote o tselo latcho lab lestar, jaake te shunan les ninna kolla, kai hi kek bibolde. Un job las man jaake dran lengre wasta win, har te woms dran i leweskro mui win lino.

Hebrearja 11:34

Wawar wan an i jag witsedo, un i jag nai chatchan len gar. Wawaren kaman i menshe i chareha te marell, un jon nai nashan penge. Kolla, kai kek soor buder an lende his, kolen kras o Dewel soreles. An o kurepen lan le i soor, te tradan le i wawar lurden krik.

Hebrearja 13:6

Jaake hunte daras gar un nai penah: O Dewel hi ap miri rig, me hunte darap gar. Hoi nai krell i mensho ap mande?