2. Mose 18:22 - O Debleskro Drom 2021 (Sinte)

²² Kolla wenn i tchatchepangre mursha, kai rakrenn hako tsiro o tchatchepen pral i menshende win. Pral hako tikno tchingepen rakrenn jon kokres o tchatchepen win. Un o baro koowa anenn le glan tute. Jaake well tuke gar jaake phares, un jon hidjrenna tuha khetne.

O Debleskro Lab 2024 (Sinte-Manouche)

²² Kolla venn i čačepangre morsha, kay rakrenn hako tsiro o čačepen pral i menshende vin. Pral hako tikno čingepen rakrenn yon kokres o čačepen vin. Oun o baro koova anenn le glan toute. Yaake vell touke gar yaake phares, oun yon hidjrenna touha khetne.

2. Mose 18:22 ပူးပေါင်းရင်းမြစ်များ

Esra 7:25

Un tu Esra, tchip o goswepah, hoi tiro Dewel tut dell, tchatchepangren un rakepangren an i budi dren, te rakrenn le o tchatchepen win i tsele menshenge, kai wergel o panjestar Eufrat djiwenna, halauterenge, kai i laba tiro Deblestar prindjrenn. Un koon kal laba gar prindjrell, koleske sikrenn, hoi tumaro Dewel lestar kamell!

2. Mose 18:18

Tu mareh tut tele un kol tsele menshen, kai trul tute hi. Kai budi hi jaake baro, te nai krell lat kek kokres.

2. Mose 18:23

Te kreh tu kowa jaake, palle hi tuke koi budi gar jaake pharo, hoi o Dewel tut das. Un i tsele Israelitarja nai djan khere i tchalo djijeha.”

2. Mose 18:26

Kolla rakran pral i menshende o tchatchepen win. Pral i tikno tchingepen rakran jon kokres o tchatchepen win. Un o bareder koowa anan le glan o Mose.

4. Mose 11:17

Me kamau tele te well, un kote tuha rakrell, un lau i kotar ko duchestar, hoi ap tute hi, un tchiwau les ap lende, te nai krenn jon khetne tuha kai phari budi, hoi hi har i pharo koowa ap tire phika. Tu hunte hidjress kowa gar lauter kokres.

4. Mose 15:33

Un kolla, kai hatsan les koi pashel, har job kashta pre hadas, anan les pash o Moseste un pash o Aroneste un glan i tsele menshende.

4. Mose 27:2

Kolla wan pash o wudar glan o Debleskro kheer un penan ap o Moseste un ap o Eleasar, ko rashajeste, glan kol pralstunende un i tsele Israelitarja, kai koi hi:

4. Mose 36:1

Un i pralstune pral i menshende, kai wenn pal o Gilead, wan pash o Moseste. O Gileadeskro dad his o Machir, un leskro papo his o Manasse dran o kheer Josef. Kal pralstune rakran o Moseha un kol wawar pralstunentsa i menshendar Israel,

Remarja 13:6

Dran kowa denn tumer ninna kol themeskre lowe, hoi o themeskre pralstune tumendar kamenna. Te mangenn le kol lowe tumendar, krenn le koi budi, hoi o Dewel len das.