2. Mose 18:21 - O Debleskro Drom 2021 (Sinte)

²¹ Tu, rode tuke dran i tsele menshende tchatche murshen win, hoi ap o Debleste shunenna, sawe mursha, hoi pengro lab rikrenna, un kekes i lowenge chochenna! Un kolen tchip pral i Israelitarja! Kre pralstunen lendar pral i serja, wawaren pral i sheel, un pale pral i paash-sheel un pral deesh.

O Debleskro Lab 2024 (Sinte-Manouche)

²¹ Tou, rode touke dran i tsele menshende čače morshen vin, hoy ap o Debleste shounenna, save morsha, hoy pengro lab rikrenna, oun kekes i lovenge rhorhenna! Oun kolen čip pral i Israelitarya! Kre pralstunen lendar pral i zerya, vavaren pral i sheel, oun pale pral i paash-sheel oun pral deesh.

2. Mose 18:21 ပူးပေါင်းရင်းမြစ်များ

1. Mose 22:12

Penas o bolepaskro: “Tape kol tchawes gar an! Un kre les tchi! Kanna djinau me, kai shuneh o tselo djijeha ap o Debleste un kreh, hoi job penell. Tu rikral tiro jek tchawes mandar gar pale.”

1. Mose 42:18

Ap o triinto diwes penas o Josef ap lende: “Te krenn tumer, hoi penau, atchenn tumer djido. Me darau o Deblestar.

1. Mose 47:6

O them Egiptia hi ninna tuke koi. Rode tiro dadeske un tire phralenge o feteder kotar them win, te djiwenn le kote! Muk len te djiwell an o them Gosen! Un te dikeh, kai hi mursha mank lende, kai krenn pengri budi mishto, kre te wenn le pralstune pral mire viechende.”

2. Samuel 18:1

Un o David dikas pal, kitse lurde pash leste hi, un tchiwas pralstunen pral lende, pral hako sero un pral hako sheel murshende.

2. Samuel 23:3

Mantsa rakras o Israeleskro Dewel, un kowa, kai rikras peskre wasta pral o Israel, penas mange: “Koon rai pral i menshende hi, un djal pal o tchatchepen, un rikrell peske o Debles glan peskre jaka pash kowa, hoi lo krell,

1. Rajengro liil 18:12

Hoi hi, te djau kanna tutar, un o baro Debleskro ducho lell tut krik un anell tut ap i wawar kotar phub, hoi me gar djinau? Un me wau palle pash o Ahab un penau leske, tu hal kai, un job hatsell tut gar? Palle mukell lo man te marell. Tu djineh, me, tiro budepaskro, shunau ap o baro Debleste fun tiknes pre.

1. Rajengro liil 18:3

Un o Ahab mukas o Obadja te kharell, – kowa his o pralstuno pral leskro kheer. O Obadja shunas peskro tselo djijeha ap o baro Debleste.

Esra 7:25

Un tu Esra, tchip o goswepah, hoi tiro Dewel tut dell, tchatchepangren un rakepangren an i budi dren, te rakrenn le o tchatchepen win i tsele menshenge, kai wergel o panjestar Eufrat djiwenna, halauterenge, kai i laba tiro Deblestar prindjrenn. Un koon kal laba gar prindjrell, koleske sikrenn, hoi tumaro Dewel lestar kamell!

Nehemia 5:9

Un me penom: “Gar mishto hi kowa, hoi tumer kai krenna! Tumer hunte djiwans glan o baro Debleskre jaka, un krans, hoi mishto hi, te nai praassens men kol wawar menshe gar, kai trul mende djiwenn un maro merepen kamenn.

Nehemia 7:2

Un me tchiwom dui pralstunen pral o foro Jerusalem, miro phrales, o Hanani, un o Hananja, kai o pralstuno lurdo pral o lurdengro kheer his. Job his i mursh o labestar, un djiwas jaake o Debleha har gar bud wawar.

Hiob 1:1

An o them Uz djiwas i mursh, kowa kharas Hiob. Job his an o tchatchepen tardo, un kek doosh his ap leste. Job mangas o Debles an, un rikras pes dur krik o tchilatchepastar.

Hiob 29:16

O tchorweleske homs me har i dad, un lom koleskro koowa an o wast, kai i wi-themari his.

Hiob 31:13

Te doms miro budepaskres – nai well i mursh, nai well i djuwel – gar tchatches an i tchingepen, kai les tchatches his,

Debleskri gili 15:1

I gili o Davidestar. Baro Dewel, koon nai well an tiro kheer? Kones mukeh tu ap koi berga te djiwell, kai tu khere hal?

Debleskri gili 15:5

Te patsas lo peskre lowe, lell lo gar budeder lowe pale. Ninna te denn le les shukar koowa, anell lo kek chochepen ap koleste, kai kek tchilatchepen kras. Koon jaake djiwella, kowa hi soreles tardo an peskro djipen.

2. Mose 17:9

Un o Mose penas ap o Josua: “Rode menge mursha win un dja lentsa an o kurepen un denn i Amalekarja! Taissar kamau me man ap koi berga tardo te tchiwell, o Debleskro kasht an miro wast.”

2. Mose 18:25

Jaake rodas o Mose peske tchatche murshen win un kras lendar pralstune pral i Israelitarja: Pralstune pral i serja un pralstune pral i sheel, ninna pral i paash-sheel un pral deesh.

Gosewe laba 28:2

Te hi bud tchilatchepen an o them, wenn ninna bud raja pre. Te well sawo mursh o rai, kai djinell bud un haiwell lauter mishto, palle hi o tchatchepen i rah tsiro an o them.

Sikepaskro 12:13

Kowa lauter, hoi kate penlo was, hi khetne lino kowa: Shun ap o Debleste un rike leskre laba! Kowa molell i tsele menshenge.

Jesaja 16:5

Palle well i rajeskri beshepaskri pre tardo. Un jek o Davideskre menshendar hi koi pre beshdo, un hi i latcho rai. Les hi i dji peskre menshenge. Un hi i tchatchepaskro rai, kai krell, hoi tchatcho hi, un dell hakenes peskro tchatchepen.

Jesaja 33:15

Kolla, kai an o tchatchepen tardo hi, un rakrenn, hoi tchatcho hi; kolla, kai kekeske chochepah lowe tele lenn, te wenn le brawelo, un tserdenn pengre wasta pale, te kamell jek len lowe te dell, te anenn le chochepen pre; kolla, kai shunenn gar ap kolende, kai kamenn jekes te marell, un kolla, kai djan gar kolentsa, kai o tchilatchepen krenn,

Jesaja 59:4

Kekeske tumendar, kai djal glan o tchatchepaskro mursheste, djal trul o tchatchepen. Un kek, kai anell tchomone ap i wawareste pre, penell o tchatchepen. Pash tumende hi jaake: Ap kowa, hoi tchi moldo hi, rikrenn tumen, un rakrenn o chochepen. Kowa, hoi an tumare sherja trujel djal, hi har nai chochenn un dukrenn i wawaren. Ko tchilatcho koowa, hoi win well, anell o merepen,

Jeremia 5:1

Djan kol dromma an Jerusalem pral un tele! Krenn tumare jaka pre un rodenn ap kol dromma o forestar! Te hatsenn jekes, kai djiwell an o tchatchepen, un rikrell pes ap o Debleste, palle bistrau i doosh o tselo forestar.

Ezekiel 18:8

Te patsas lo lowe win, lell lo peske gar budeder lowe pale. Job rikrell peskro wast pale, te krell lo kek tchilatchepen. Un an i tchingepen dell lo jak, te lell hakeno peskro tchatchepen.

Ezekiel 22:12

Hi sawe mank tumende, kai mukan pen te plaissrell, te marenn le jekes. Kolen, kai sijaan pash tumende hi, kolendar lenn tumer budeder lowe pale, har patsan lenge. Tumer krenn tumen braweles ap i wawarende, kolen tumer chochenn un ap lende sorjah djan. Un man, o baro Debles, tumaro rajes, bistran tumer.

Zakarie 7:9

Me, o baro Dewel, ko rai pral o bolepen un i phub, penom glan bud bersha mire menshenge: “Tumer hunte denn jak, te well o tchatchepen kerdo. Un hakeno hunte krell peskro dji pre peskro phraleske un well leske latches.

Zakarie 8:16

Kowa hi, hoi hunte krenn tumer: Rakrenn o tchatchepen jek o wawareha. Denn hakeneste peskro tchatchepen, te well o tchingepen krik lino.

4. Mose 1:16

Kolla wan wi-rodedo dran i tsele Israelitarja. Hakeno his o pralstuno pral peskre menshende. Un jon wan i pralstune pral kol bud serja menshende an Israel.

4. Mose 1:4

Lenn deesh-te-dui murshen, jek dran haki bari familja, hoi well kol deesh-te-dui Jakobeskre tchawendar, te wenn le ap tumari rig pash koi budi. Kal mursha hunte wenn i pralstune pral pengre menshende.

4. Mose 10:4

Te phurdenn le ap jekeste, hunte wenn kolla pash tute, kai hi pralstune pral kol bud serja menshende an Israel.

Louka 18:2

“An i foro djiwas i tchatchepaskro rai. Kowa putchas gar pal o Debleste, un daras kek menshestar.

Louka 18:4

I rah tsiro kras ko tchatchepaskro rai lake tchi. Pal i tsiro penas lo ap peste: Tchatchepah, pal o Debleste putchau gar, un witar gar darau i menshendar.

Bičepangre 20:33

Tumer djinenna: Me mangom kekestar tumendar tchomone: kek sonakai, kek rup, kek an-ripaske. Mire wastentsa budrom, te well man un kolen, kai pash mande hi, te chal.

Bičepangre 6:3

Doleske, mire phrala, rodenn mashkral tumende efta murshen win! Kolla hunte wenn mursha, kai hi pherdo Debleskro Ducho un goswepen. Kolla hunte lenn koi budi ap pende.

5. Mose 22:18

Un kol phureder ko forestar hunte lenn ko romes, un denn les dawa,

1. Timoteo 3:3

Job hi kek pipaskro. Job hi kek marepaskro. Les hi i baro dji i wawarenge. Job hi kek tchingepaskro. Job hi gar pal i lowe.

Josua 22:14

Un khetne leha djan deesh pralstune, dran hako baro kheer jek. Hakeno lendar his i pralstuno pral peskri familja.

1. Samuel 8:12

Hi sawe mank lende, kolendar krell lo pralstune pral peskre lurdende: pral jek sero (1.000) un ninna pral paash-sheel (50). Tumare mursh tchawe hunte budrenn ap leskro kotar phub un anenn leskro djob dren, hoi bares was. Ninna hunte krenn le leskre chare, un kol kotja, kai leskre wurdja dran kerdo wenna.

1. Samuel 8:3

Jon djan gar o drom har lengro dad, un rodan kowa, hoi lenge o feteder his, un lan tchorchanes lowe, un phagan o tchatchepen.