2. Mose 17:9 - O Debleskro Drom 2021 (Sinte)

⁹ Un o Mose penas ap o Josua: “Rode menge mursha win un dja lentsa an o kurepen un denn i Amalekarja! Taissar kamau me man ap koi berga tardo te tchiwell, o Debleskro kasht an miro wast.”

O Debleskro Lab 2024 (Sinte-Manouche)

⁹ Oun o Mose penas ap o Yosua: “Rode menge morsha vin oun dja lentsa an o kourepen oun denn i Amalekarya! Taysar kamau me man ap koy berga tardo te čivell, o Debleskro kasht an miro vast.”

2. Mose 17:9 ပူးပေါင်းရင်းမြစ်များ

1. Familjakro liil 7:27

koleskro tchawo, o Nun, un koleskro tchawo, o Josua.

2. Mose 17:13

Un o Josua das i Amalekarja temerl.

2. Mose 18:21

Tu, rode tuke dran i tsele menshende tchatche murshen win, hoi ap o Debleste shunenna, sawe mursha, hoi pengro lab rikrenna, un kekes i lowenge chochenna! Un kolen tchip pral i Israelitarja! Kre pralstunen lendar pral i serja, wawaren pral i sheel, un pale pral i paash-sheel un pral deesh.

2. Mose 24:13

Koi djas o Mose pre ap o Debleskri berga. Leskro budepaskro Josua djas leha.

2. Mose 33:11

O baro Dewel rakras o Moseha, har mala rakran khetne, kai dikenn pen an i jaka. Palle djas o Mose pale ap i platsa, kai i menshe hi. Leskro terno budepaskro, o Josua, – koleskro dad hi o Nun, – atchas an o Debleskro plachteno kheer.

2. Mose 4:17

Un kau kasht le an tiro wast! Koleha kress tu ko baro koowa.”

2. Mose 4:2

Penell o baro Dewel ap o Mose: “Hoi hi tut kote an o wast?” “Jek kotar kasht”, penell o Mose.

2. Mose 4:20

Kote las o Mose peskri romjat un peskre tchawen, un tchiwas len ap i burika. Un jon djan an o them Egiptia. Un o Debleskro kasht las job peha.

4. Mose 11:28

Koi his o Josua, koleskro dad o Nun hi, kowa budras o Moseske fun tiknes pre. Un job penas leske: “Mose, miro rai, pen te mukenn le kowa!”

4. Mose 13:16

Kalla hi i laba kol murshendar, kolen o Mose bitchras, te hatsenn le win, har ko them hi. Un o Mose das o Hoshea o lab Josua. Koleskro dad his o Nun.

4. Mose 13:8

O Hoshea, koleskro dad o Nun hi, dran o kheer Efrajim.

4. Mose 27:18

Un o baro Dewel penas ap o Moseste: “Le o Josua pash tute, koleskro dad o Nun hi. O Josua hi i mursh, ap koleste miro ducho tchiddo hi. Un tchip tire wasta ap leste,

Bičepangre 7:45

Mare phure hidjran kau kheer lentsa, bis te anas len o Josua an o them Kanaan. Kote djiwan wawar menshe, kai o Debles gar prindjrenna. Kolen tradas o Dewel win, un das ko them mare phurende. O Debleskro tikno kheer dran viechengre balla atchas an o them Kanaan un his gomme koi, har o David o baro rai was.

5. Mose 32:44

O Mose un o Josua, koleskro dad o Nun his, rakran kai gili glan i kanda i menshendar Israel.

Hebrearja 4:8

Glan o David djiwas o Josua. Kowa anas mare phuren an o them Israel. Te wals o them Israel ko them, pral koleste o Dewel rakras, rakrals lo bud bersha pal ko tsiro buder gar pral i wawar diwes.

Josua 8:18

Koi penas o baro Dewel ap o Josua: “Rike tiro charo pre, hoi an tiro wast hi, un sike ap o foro Ai! An tiro wast kamau me o fores te dell.” Un o Josua rikras peskro charo pre un sikras ap o foro.

Josua 8:3

Kote kras pes o Josua un i tsele lurde ap o drom, te djan le pre pash o foro Ai. Un o Josua rodas 30.000 (trijanda-serja) tchatche kurepangre win, un bitchras len an i rat koi.