2. Mose 17:6 - O Debleskro Drom 2021 (Sinte)

⁶ Un me tchiwau man glan tute tardo ap o baro bar pash i berga Horeb. Un palle dess tu ap o baro bar, un dran leste nashella pani, jaake te well len te pijell.” Un o Mose kras kowa jaake glan i jaka kol phurendar.

O Debleskro Lab 2024 (Sinte-Manouche)

⁶ Oun me čivau man glan toute tardo ap o baro bar pash i berga Horeb. Oun palle dess tou ap o baro bar, oun dran leste nashella pani, yaake te vell len te piyell.” Oun o Mose kras kova yaake glan i yaka kol phourendar.

2. Mose 17:6 ပူးပေါင်းရင်းမြစ်များ

Nehemia 9:15

Un maro dran o bolepen dal tu len, har len bok his. Un mukal lenge dran o baro bar pani win nashell, har len trush his. Un tu penal lenge, te djan le koi un lenn o them dren. Ko them koleske tu tiro wast hadal, un dal tut sowel, te dess len ko them.

Debleskri gili 105:41

Job phagas i baro bar, un pani nashas win, un nashas an o mulo them har i lengsto baro pani.

Debleskri gili 114:8

Job hi kowa, kai kras pani dran i baro bar, un mukas dran barra tikne panja te nashell.

Debleskri gili 46:4

ninna te wals o baro pani diwjo un chojedo, un djals sawi sorjah pre, te perenn i berge khetne.

Debleskri gili 74:15

Tu mukal pani te nashell, kai kek his. Un kote, kai sorele panja nashan, hi le kanna buder gar koi.

Debleskri gili 78:18

An pengre djia patsan le gar, te nai dals len o Dewel ko chapen, pal kowa len bok his.

Debleskri gili 78:20

Kowa hi tchatcho: Job phagas o baro bar, un bud pani was win un nashas tele kate te kote pral o them. Nai dell lo men ninna maro? Haiwell lo peskre menshenge mass te anell?”

Debleskri gili 81:7

Me lom tumendar ko pharo koowa tele, hoi ap tumare phika his, un tumare wasta hunte hidjrenn buder gar kol phare barra.

2. Mose 14:16

Tu, hade tiro kasht pre un tiro wast pral o baro pani, te krell lo pes pre un djal ap dui rigja. Jaake te nai djan i Israelitarja mashkral o baro pani ap i drom, hoi gar sapenes hi.

2. Mose 16:10

Har o Aron ap i tsele Israelitarja rakras, dikas hakeno kote, kai o mulo tato them hi. Un ap jek kopo was o railepen o baro Deblestar an i wolka diklo.

Jesaja 48:21

O baro Dewel anas len ap o drom an o mulo them, un jon trushan gar. Dran i baro bar mukas lo lenge pani te well. Job phagas ko bar an dui kotja, un mukas dran leste pani te nashell.

4. Mose 20:8

“Le ko lengsto kasht un le i tsele menshen khetne, tu un tiro phraal, o Aron, un rakrenn ap ko baro bar glan lengre jaka! Kowa dell tumen pani. Jaake aness tu lenge pani dran ko baro bar, un dess i tsele menshende te pijell un lengre viechen ninna.”

Johanni 4:10

Penas o Jesus ap late: “Te djinals tu, hoi o Dewel kamell tut te dell, un koon tutar ko pani mangella, mangals tu mandar, te dap tut o pani. Un me doms tut o pani, hoi dell o djipen.”

Johanni 4:14

Koon ko pani pijella, hoi me les dau, kowa lell an peskro tselo djipen buder kek trush. Ko pani, hoi me les dau, well an leste i djido pani, hoi dell les o djipen, hoi gar pre-herella.”

1. Korintarja 10:4

Un jon pijan lauter ko jek pipen, kai was o Deblestar. Jon pijan ko pani, kai was dran i baro bar win, kai lentsa djas. Ko bar his o Jesus Kristo.

5. Mose 1:2

[Deesh-te-jek diwessa hi o drom lengsto mank i berga Horeb un o foro Kadesh-Barnea ap i berge Seir.]

5. Mose 8:15

Job sikras tumen o drom an ko baro mulo tato them, kai tumen daar his, an koleste tchilatche sapa un skorpione hi. Kote, kai o kham lauter pre chatchras, un kek pani dell, mukas lo tumenge pani dran i baro sorelo bar te nashell,

Debleskro tsiro 22:17

O Debleskro Ducho un o terno bakreskri pirni penenna: “Ab!” Un koon kowa shunell, penella: “Ab!” Un kones trush hi, kowa wella! Koon kamell, kowa lell tchitcheske o pani, hoi o djipen dell.