2. Mose 17:14 - O Debleskro Drom 2021 (Sinte)

¹⁴ Palle penas o baro Dewel ap o Moseste: “Tchin kawa pre, te bistrenn le kowa gar! Un rake les o Josua an o dji, te bistrell lo kau kurepen gar. Un pen leske ninna, te kamau me te marap i tsele Amalekarja jaake, te wenn le hakenestar bistedo ap kai phub.”

O Debleskro Lab 2024 (Sinte-Manouche)

¹⁴ Palle penas o baro Devel ap o Moseste: “Čin kava pre, te bistrenn le kova gar! Oun rake les o Yosua an o dji, te bistrell lo kava kourepen gar. Oun pen leske ninna, te kamau me te marap i tsele Amalekarya yaake, te venn le hakenestar bistedo ap kay phoub.”

2. Mose 17:14 ပူးပေါင်းရင်းမြစ်များ

2. Samuel 1:1

O David shunas, kai o Saul meras, har was lo dran o kurepen kol Amalekentsa pale pale, un atchas dui diwessa an o foro Ziklag.

2. Samuel 8:12

Kolla his i menshe an i themma Edom, Moab, Ammon, Filistia, Amalek. Ninna kowa tchiwas lo an o Debleskro kheer, hoi las lo o rajestar pral o foro Zoba, o Hadad-Eser, koleskro dad o Rehob hi.

1. Familjakro liil 4:42

Mank kolende, kai wan pal o Simeon, his ninna sawe – jaake pantch-sheel mursha – kolla djan pash i berga Seir: Lengre pralstune his o Pelatja un o Nearja un o Refaja un o Usijel, kolengro dad his o Jishi.

1. Familjakro liil 4:43

Un jon maran kolen, kai atchan pral kolendar dran Amalek, kai nashan penge kote. Un kate djiwenn le gomme kau diwes.

Esra 9:14

Har nai was kowa jaake, te kras kowa kanna pale, te shunas gar ap tire laba, un te las menge romjen kol wawar menshendar, kai sawo djungelo koowa krenn? Hunte well tiri choli gar jaake pral mende, bis te atchell kek mendar ap o djipen? Bis te kek menshe mendar buder koi hi, kai pral atchan un nai djiwenn dureder?

Hiob 18:17

Kek ap i tseli phub djinell gomme, koon job his. Pash hakeneste well lo bistedo.

Hiob 19:23

Kamoms, te wans mire laba an i liil tchinlo, te wenn le gar bistedo.

Debleskri gili 9:6

Tu dal trad kol menshen an wawar themma, un maral kolen, kai kaman tutar tchi te djinell. Lengre laba hi bistedo kanna un hako tsireske.

2. Mose 12:14

Bistrenn kau diwes gar! Krenn lestar i baro diwes, kai sharenn o baro Debles, tumer un tumare tchawe, kai wenna pal tumende! Hako bersh well kawa jaake pash tumende kerdo kanna un hako tsiro.

2. Mose 13:9

Kawa well tuke har i sikepen ap tiro wast, un i sikepen mashkral tire jaka, te bistress tu kowa gar, un peness i wawarenge, har las tut o baro Dewel peskro sorelo wasteha win dran o them Egiptia.

2. Mose 17:13

Un o Josua das i Amalekarja temerl.

2. Mose 24:4

Koi tchinas o Mose hako lab, hoi o baro Dewel penas, an i liil. Un sik taissarlakro stas job pre un kras i chatchepaskri tele glan i berga, kote pre vieche chatchedo wenna o baro Debleske. Ninna tchiwas lo deesh-te-dui barra pre kol deesh-te-dui bare familjenge, kai wan o Israeleskre tchawendar: jek bar haki familjake.

2. Mose 32:33

Un o baro Dewel penas: “Me lau kokres o lab kolestar krik dran miro liil, kai miro drom mukas.

2. Mose 34:27

O baro Dewel penas o Moseske: “Tchin kal laba an i liil, te rikrenn tumen ap lende. Palle han mire menshe, un me rikrau miro lab, hoi dom miro wast pre un krau tuke un i Israelenge, hoi me penom.”

Gosewe laba 10:7

Latche menshe wenn gar bistedo. Kowa, hoi le kran, hi o Debleskro latchepen. I tchilatche wenn bistedo.

Jeremia 30:2

O baro Dewel, kai o Israeleskro Dewel hi, penas ap leste: Tchin tuke halauter, hoi tuke penom, an i liil!

Jeremia 36:2

Le i liil un tchin halauter dren, hoi penom tuke pral o Israel un o Juda, un i menshende an kol tsele wawar themma dran ko tsiro, kai o baro rai Josia djiwas bis kau diwes.

4. Mose 24:20

Un har o Bileam kol Amalekarja dikas, penas lo kal laba: “Amalek hi ko pralstuno mashkral kol natsjone. Ninna job well maredo an ko tsiro, hoi wella.”

4. Mose 33:2

Un jaake har o baro Dewel o Moseske penas, tchinas kowa pre, hawo drom jon djan un ap hawe platse jon atchan. Kalla hi kol platse, kai jon pengre plachtene khera pre tchiwan ap lengro drom.

5. Mose 31:9

O Mose tchinas kal tchatchepaskre laba an i liil, un das les kol phureden pral Israel un kol rashajende dran o kheer Levi, kai o Debleskro mochton hidjran, kai o Debleskre deesh laba dren hi.

Josua 4:7

Palle penenn tumer lenge: ‘O pani dran o Jordan atchas tardo glan o mochton, kai o baro Debleskre deesh laba dren his, har was o mochton mank o pani ap i wawar rig hidjedo. Un kal barra hi kate, te bistrenn i Israelitarja kowa kek tsireske.’”

1. Samuel 15:18

Un o baro Dewel bitchras tut pash i tchilatche Amalekarja un penas tuke: ‘Mare len un de lauter paash, hoi len hi! Kure tut lentsa, bis te lauter mulo hi.’

1. Samuel 30:1

Un har o David un kol mursha, kai pash leste hi, pal triin diwessa an o foro Ziklag wan, his o foro paash un chatchedo. I Amalekarja peran dren an o them Negev un ninna an o foro Ziklag.

1. Samuel 30:17

Un o David peras pral lende o wawar diwes taissarlakro un maras len o tselo diwes bis ap i rat. Un kek lendar nai nashas peske, kokres 400 (star-sheel) terne mursha beshan ap khamele, un nashan.