2. Mose 17:13 - O Debleskro Drom 2021 (Sinte)

¹³ Un o Josua das i Amalekarja temerl.

O Debleskro Lab 2024 (Sinte-Manouche)

¹³ Oun o Yosua das i Amalekarya temerl.

2. Mose 17:13 ပူးပေါင်းရင်းမြစ်များ

2. Mose 17:12

Har o Moseskre mussja leske phares wan, lan kol dui wawar i bar, te beshell lo pes. Un jek tchiwas pes tchatches un jek serwes pash leste tardo, un jon rikran leskre mussja pre. Jaake kran le bis te o kham tele djas.

2. Mose 17:14

Palle penas o baro Dewel ap o Moseste: “Tchin kawa pre, te bistrenn le kowa gar! Un rake les o Josua an o dji, te bistrell lo kau kurepen gar. Un pen leske ninna, te kamau me te marap i tsele Amalekarja jaake, te wenn le hakenestar bistedo ap kai phub.”

Louka 21:24

Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.”

Josua 10:28

Un ko diwes las o Josua ninna o foro Makkeda dren. Un o baro rajes un lauteren, kai an ko foro djiwan, das lo mulo, un mukas kekes djido. Un o baro rajeha pral o foro Makkeda, kras lo jaake har lo les ninna o baro rajeha pral o foro Jericho kras.

Josua 10:32

Un o baro Dewel das o foro Lakish an o Israeleskro wast. Un ap o wawar diwes lan le o foro dren, un dan lauteren o chareha mulo, kai kote djiwan. Jaake har kran le an o foro Libna, kran le kate ninna.

Josua 10:37

un lan o foro dren, un dan o baro rajes un i tsele menshen o chareha mulo, ninna kolen, kai an i forja koi trujel djiwan. Un jon mukan kekes te nashell. Jaake har lo kowa an o foro Eglon kras, kras lo kate ninna.

Josua 10:42

Un o Israeleskro baro Dewel his ap lengre rig. Jaake las o Josua kol tsele bare rajen un lengre themma ap jek kopo dren.

Josua 11:12

Ninna kol tsele wawar forja las o Josua dren un das kolen o chareha mulo, kai koi dren his, ninna lengre bare rajen. Kowa kras lo jaake har o Mose, o baro Debleskro budepaskro, leske penas.