2. Mose 17:10 - O Debleskro Drom 2021 (Sinte)

¹⁰ Un o Josua kras, hoi o Mose leske penas, un anas i Israelitarja an o kurepen. Un jon kuran pen kol menshentsa Amalek. Un o Mose djas pre ap i berga. Khetne leha djan o Aron un o Hur.

O Debleskro Lab 2024 (Sinte-Manouche)

¹⁰ Oun o Yosua kras, hoy o Mose leske penas, oun anas i Israelitarya an o kourepen. Oun yon kouran pen kol menshentsa Amalek. Oun o Mose djas pre ap i berga. Khetne leha djan o Aron oun o Hour.

2. Mose 17:10 ပူးပေါင်းရင်းမြစ်များ

1. Familjakro liil 2:19

Un har i Asuba meras, las peske o Kaleb i Efrata, un joi anas leske o Hur ap i phub.

2. Mose 17:11

Un jaake djas, te hidjrell o Mose peskre mussja pre, palle his o Israel sorleder har o Amalek. Te mukell lo i mussja tele, palle his o Amalek sorleder.

2. Mose 17:12

Har o Moseskre mussja leske phares wan, lan kol dui wawar i bar, te beshell lo pes. Un jek tchiwas pes tchatches un jek serwes pash leste tardo, un jon rikran leskre mussja pre. Jaake kran le bis te o kham tele djas.

2. Mose 24:14

Ap i phurende penas o Mose: “Kate atchenn, bis te wau me pale! O Aron un o Hur atchenn pash tumende. Te hi jekes i tchingepen i wawareha, nai djan le pash lende! Jon penenn palle, hoi kerdo te well.”

2. Mose 31:2

Shun, me rodom jekes win, te krell lo kai budi mange. Kowa hi o Bezalel. Leskro dad hi o Uri. Koleskro dad his o Hur dran o kheer Juda.

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Johanni 15:14

Te krenn tumer, hoi me tumenge penom, han mire mala.

Johanni 2:5

Leskri dai penas ap i budepangre: “Krenn kowa, hoi job tumenge penella!”

Josua 11:15

Jaake penas o baro Dewel kowa ap o Mose, leskro budepaskro, te krell lo kowa. Un jaake penas o Mose les ap o Josua, te krell lo kowa ninna. Un o Josua rikras pes ap i tsele laba, hoi o baro Dewel o Moseske penas, un kras kowa jaake.