2. Mose 16:7 - O Debleskro Drom 2021 (Sinte)

⁷ Un taissarlakro dikenn tumer o railepen o baro Deblestar. Job shunas, har tumer tumen ap leste choiran. Har choiran tumen ap mende, choiran tumen tchatchepah ap leste, gar ap mende. Hoi ham mer, te choirenn tumen ap mende?”

O Debleskro Lab 2024 (Sinte-Manouche)

⁷ Oun taysarlakro dikenn t'mer o raylepen o baro Deblestar. Yob shounas, har t'mer t'men ap leste rhoyran. Har rhoyran t'men ap mende, rhoyran t'men čačepah ap leste, gar ap mende. Hoy ham mer, te rhoyrenn t'men ap mende?”

2. Mose 16:7 ပူးပေါင်းရင်းမြစ်များ

2. Mose 16:10

Har o Aron ap i tsele Israelitarja rakras, dikas hakeno kote, kai o mulo tato them hi. Un ap jek kopo was o railepen o baro Deblestar an i wolka diklo.

2. Mose 16:12

“Me shunom, har chojedo i Israelitarja his. Rake ap lende un pen: ‘An i rat chan tumer mass. Un taissarlakro chan tumer tumen tchalo ap o maro, te dikenn, te hom me tumaro baro Dewel.’”

2. Mose 16:8

Palle penas o Mose: “Ap i rat dell lo tumen mass un taissarlakro jaake bud maro, te wenn tchalo. O baro Dewel shunas, har choiran tumen ap leste. Koon ham mer? Gar ap mende choiran tumen, na-a, han chojedo ap o baro Debleste.”

2. Mose 24:10

Un jon dikan o Israeleskro Debles. Un tel leskre herja his tchomone, hoi wi-dikas har kol kutch barra, hoi kharenna Safire. Un kowa his jaake djudjo un blaueto har o bolepen.

2. Mose 24:16

Un o railepen o baro Deblestar mukas pes tele ap i berga Sinai. Un i wolka tchakras i berga shob diwessa. Un ap o eftato diwes das o baro Dewel dran koi wolka ap o Moseste gole.

2. Mose 40:34

Koi was i wolka ap o Debleskro plachteno kheer. Un o kheer was pherdo railepen o baro Deblestar.

Jesaja 35:2

Shukar har diwje blume well o them, un giwell un dell gole i bachtjatar. O baro Dewel krell les railo har i berge Libanon, un shukar har i berga Karmel un i tala Sharon. Un i menshe dikenn o railepen o baro Deblestar, ko baro koowa, hoi maro Dewel kras.

Jesaja 40:5

O baro Debleskro railepen well diklo. Un i tsele menshe dikenn les. Kowa penas o baro Dewel.”

3. Mose 9:6

un o Mose penas: “O baro Dewel penas, te krenn tumer kawa, te sikrell lo pes tumenge an peskro railepen.”

4. Mose 14:10

Kol tsele menshe penan: “Witsrenn len mulo i barrentsa!” Koi was o baro Debleskro railepen pral o Debleskro kheer. Un i tsele Israelitarja dikan kowa.

4. Mose 14:27

“Har rah tchingrenn kol tchilatche menshe ap mande? Me shunom, har kol Israelitarja djungeles pral mande rakran.

4. Mose 16:11

Tu un tire tsele menshe tchiwan tumen khetne, te hadenn tumen pral o baro Debleste. Kowa hi gar o Aron, pral koleste hadan tumen.”

4. Mose 17:5

jaake har penas o baro Dewel kowa o Moseske. Kol sane sasterne patria his i sikepen, te denn kol Israelitarja jak, te well kek mursh, kai gar o Aroneskre menshendar hi, un anell sungepaskro koowa glan o baro Debleste, te djal leske gar jaake har o Koracheske un kolenge, kai pash leste his.

Johanni 11:4

Har o Jesus kowa shunas, penas lo: “Kau nasslepen was gar ap leste, te merell lo. Job was nasselo, te dikenn tumer, hawi bari soor o Debles hi, un te well o Debleskro tchawo sharedo.”

Johanni 11:40

Penas o Jesus ap late: “Penom me tuke gar: Te patseh tu, dikeh tu o Debleskri bari soor?”