2. Mose 16:31 - O Debleskro Drom 2021 (Sinte)

³¹ Un i Israelitarja dan ko maro o lab ‘Manna’. Un job his har tikno parno djob, un latcho har i merkli, kai gwin dren hi.

O Debleskro Lab 2024 (Sinte-Manouche)

³¹ Oun i Israelitarya dan ko maro o lab Manna. Oun yob his har tikno parno djob, oun lačo har i merkli, kay gvin dren hi.

2. Mose 16:31 ပူးပေါင်းရင်းမြစ်များ

2. Mose 16:14

Un har o kham was, un i phub buder gar sapeno his, his tikne sane kotja ap i phub tchiddo, hoi dikan win har tikne kotja djajedo pani.

2. Mose 16:15

Kawa dikan i Israelitarja un penan jek ap o wawareste: “Hoi hi kawa?” Jon djinan gar, hoi kowa hi. O Mose penas ap lende: “Kawa hi ko maro, hoi o baro Dewel tumenge bitchras.

2. Mose 16:30

Jaake kran i tsele Israelitarja tchi ap ko diwes.

2. Mose 16:32

Un o Mose penas: “Kawa hi, hoi o baro Dewel menge penas, te kras mer: Jek khoro pherdo well pre hadedo mare menshenge, kai pal mende wenna. Jaake nai dikenn le o maro, hoi das lo men te chal an o mulo tato them, har anas lo men dran o them Egiptia.”

Kamlepaskri gili 2:3

Har i phabjengro ruk mank i diwje ruka an o weesh, jaake hi miro pirno mank i terne murshende. Bachteles hom beshdo an leskro shatto, un leskre phabja hi gudlo mange.

5. Mose 8:16

un das tumen Manna te chal an o mulo tato them, ko maro, hoi tumare phure gar prindjran. Kote sikras lo tumen: Te hi lo gar tumentsa, nai krenn tchi. Ninna kamas lo win te hatsell, hoi an tumare djia hi, te nai krell lo les tumenge pal kowa mishto.

5. Mose 8:3

Un job mukas tumen te bokell, te haiwenn, tumaro chapen well lestar. Un job das tumen o Manna te chal, hoi tumer gar prindjran un tumare phure witar gar. Kowa kras lo, te sikrell lo tumen, te djiwell o mensho gar o chapastar kokres. Na-a, i mensho djiwell hako labestar, hoi dran o mui o baro Deblestar win djal.