2. Mose 16:3 - O Debleskro Drom 2021 (Sinte)

³ Un jon penan: “Wals feteder, te dals men o baro Dewel mulo an o them Egiptia, har hams beshdo pash i pirja pherdo mass, un kai his men doha maro, te nai cham men tchalo. Tumer anan men kate an o mulo tato them, te meras halauter i bokatar.”

O Debleskro Lab 2024 (Sinte-Manouche)

³ Oun yon penan: “Vals feteder, te dals men o baro Devel moulo an o them Egiptia, har hams beshdo pash i pirya pherdo mass, oun kay his men doha maro, te nay rham men čalo. T'mer anan men kate an o moulo tato them, te meras halauter i bokatar.”

2. Mose 16:3 ပူးပေါင်းရင်းမြစ်များ

Hiob 3:1

Pal kowa kras o Hiob peskro mui pre, un praassas ko diwes, kai lo boldo was.

Hiob 3:10

Koi rati mukas miri dai wawartchandes te well, un mukas man bari bibacht te dikell.

Hiob 3:20

Hoske mukell o Dewel kolen djido, kai len jaake phares hi? Hoske dell lo kolen o djipen, kolengro dji pherdo ropen hi?

Debleskri gili 107:5

Jon bokan un trushan, un patsan buder gar, te wenn le win.

Debleskri gili 78:19

Un jon rakran pal o Debleste un penan: “Nai dell men o Dewel chapen kate an o mulo tato them?

Debleskri gili 78:25

Awa, maro, hoi i bolepangre chan, das lo lende lauterende. Bud chapen das lo len un kras len tchalo.

2. Mose 14:11

Un jon penan ap o Moseste: “Lal tu men doleske kai an o mulo tato them, te meras kate? His an o them Egiptia kek phub, te was mer paskedo? Hoske kral tu kowa, un lal men dran o them Egiptia win?

2. Mose 17:3

Un lengri trush was jaake baro, te penan le i choljatar ap leste: “Hoske lal tu men dran o them Egiptia win? Kameh, te meras mer kate i trushatar, mer un mare tchawe un mare vieche?”

2. Mose 2:23

Pal i rah tsiro meras o baro rai pral o them Egiptia. Fothe phares hunte budran i Israelitarja tel dawa un dan gole, te shunas len o Dewel.

2. Mose 5:21

“O baro Debleskri choli well ap tumende! Tumer kran, te ham o Faraeske un leskre pralstunenge har djukle. Kanna hi an lengre wasta, te nai marenn le men.”

Jeremia 2:6

Un putchan pen gar: Kai hi o baro Dewel, kai anas men dran o them Egiptia win, un djas glan mende an o mulo tato them, an ko diwjo un truk them, kai tchi har santa un barra hi, kai kek drom hi, un kek mensho djiwell?

Jeremia 42:14

An o them Egiptia kamah te djal, te dikas kek kurepen, un te shunas kek kurepaskri phurdepaskri, un te well men doha maro chapaske. Awa, kote kamah te atchell.”

Jeremia 44:17

Mer kamah kowa te rikrell, hoi mer penam, un koi bolepaskri rajetsake sungepaskro koowa te chatchrell, un lake mool win tchorell. Kowa kram mer, un kran mare phure, mare bare raja un pralstune an i forja o themestar Juda un an i dromma o forestar Jerusalem. Har kowa kram, his men ninna doha maro, un menge djas mishto, un mer dikam kek bibacht.

Ropaskre gilja 4:9

Kolenge, kai o chareha maredo wan, djas feteder har kolenge, kai meran i bokatar. Har kek djob buder bares was, phagan le khetne i bokatar, bis te meran le.

4. Mose 11:15

Te kameh tu mantsa jaake te krell, palle ab mange latcho un de man mulo, te dikap gar miri bibacht.”

4. Mose 11:20

Kowa djal jek tchon, bis te nai sungenn les buder gar, un kowa dran tumaro nak win well. Tumer tchiwan o baro Debles ap i rig, koles, kai mashkral tumende hi. Un tumer rowan glan leste un penan: ‘Hoske djam mer dran o them Egiptia?’ Doleske well kau koowa kanna ap tumende.”

4. Mose 14:2

Un i tsele Israelitarja his chojedo ap o Mose un o Aron un penan: “Ach, te merams mer an ko them Egiptia! Te merams kate an o mulo tato them!

4. Mose 14:3

Hoske anell men o baro Dewel an kau them, kai wah mulo dino o chareha? Un mare djuwja un tchawe perenn an i wasta kolendar, kai kuram men mer. Hi feteder, te djah pale an o them Egiptia.”

4. Mose 16:13

Hi kowa tuke gar doha, kai lal men dran ko them, kai hi bud thud un gwin, un mukeh men te merell an o mulo tato them? Kameh tu ninna rai pral mende te well?

4. Mose 21:5

Un jon tchingran ap o Debleste un ap o Moseste un penan: “Hoske anal tu men dran o them Egiptia win, te meras mer an o mulo tato them, kai hi kek maro un kek pani? Un menge well djungelo ko chapastar, kai kek thulepen dren hi?”

Bičepangre 26:29

O Paulo penas ap leste: “Tikno tsiro, rah tsiro, – me mangau o Debles, te wess tu un kol tsele wawar, kai man kate shunan, patslo har me patslo hom. Hoi gar kamau, hi, te wess pandlo, har me.”

1. Korintarja 4:8

Tumer krenn, har te wans tchalo un djinans halauter. Tumer krenn, har te wans brawelo. Tumer krenn, har te wans raja. Mer ham kek raja. Me kamoms, te wans tchatchepah raja. Palle wams mer tumentsa khetne raja.

2. Korintarja 11:1

Mukenn man jek kopo jaake te rakrap, har te woms dinelo! Shunenn, hoi kamau tumenge te penell!

5. Mose 28:67

Tumen well sawi daar, un tumare jaka hunte dikenn sawo djungelo koowa, kai penenn taissarlakro: Kamaus, te wals rati! Un rati penenn tumer: Kamaus te wals tsalla!

5. Mose 8:3

Un job mukas tumen te bokell, te haiwenn, tumaro chapen well lestar. Un job das tumen o Manna te chal, hoi tumer gar prindjran un tumare phure witar gar. Kowa kras lo, te sikrell lo tumen, te djiwell o mensho gar o chapastar kokres. Na-a, i mensho djiwell hako labestar, hoi dran o mui o baro Deblestar win djal.

Josua 7:7

Un o Josua penas: “Ach, Rai, mo baro Dewel! Hoske anal tu kal menshen pral o pani Jordan, te deh tu men kate an o wast kol menshendar Amor, te denn kolla men mulo? Ach, te atchams kote ap i wawar rig o panjestar Jordan!