2. Mose 16:28 - O Debleskro Drom 2021 (Sinte)

²⁸ Kote rakras o baro Dewel ap o Moseste: “Har rah krenn tumer kowa gar, hoi me tumenge penau, un djiwenn gar jaake, har me tumenge penom?

O Debleskro Lab 2024 (Sinte-Manouche)

²⁸ Kote rakras o baro Devel ap o Moseste: “Har rah krenn t'mer kova gar, hoy me t'menge penau, oun djivenn gar yaake, har me t'menge penom?

2. Mose 16:28 ပူးပေါင်းရင်းမြစ်များ

2. Rajengro liil 17:14

Jon kaman gar te shunell, un pandan pengre djia har lengre phure ninna kran, kai patsan gar lengro baro Debles.

2. Rajengro liil 17:15

Un jon rikran gar leskre laba. Un ko lab, hoi das lo lengre phurende, kai lo penas, te hi lo lengro Dewel un jon leskre menshe, ko lab his lenge tchi moldo. Jon mukan pen gar lestar trad te dell, un nashan kol deblen palla, hoi tchi molenna. Un jaake djiwan le tchitcheske. Jon kran sawo koowa har kol menshe an i themma trul lende, kolendar o baro Dewel lenge penas, te krenn le gar har jon krenna.

Debleskri gili 106:13

Sik bistran le lauter, hoi job kras, un putchan gar, hoi job lendar kamell.

Debleskri gili 78:10

Jon rikran pen gar ap o Debleskre laba, hoi job lentsa win kras, un kaman gar ap leskro drom te djal.

Debleskri gili 78:22

Jon patsan gar, te hi lengro Dewel ap lengri rig, un dikan gar ap leste, te dell lo len, hoi len hunte well.

2. Mose 10:3

Kote djas o Mose un o Aron pash o Farao dren un penan ap leste: “Kawa penell o baro Dewel, o Dewel pral i Hebrearja: ‘Har rah kameh tu gar te dikell, kai hom sorleder har tu? Muk mire menshen te djal, te nai mangenn le man an!

2. Mose 16:27

Har o eftato diwes was, his sawe koi, kai djan win, te lenn le maro khetne. Jon hatsan tchi.

2. Mose 16:29

Dom me, o baro Dewel, tumen gar o Debleskro diwes? Doleske dau me tumen ap o shobto diwes doha maro, te nai chan les dui diwessa. Jaake atchell hakeno tumendar khere. Kek mukell ap o eftato diwes i platsa, kai lo khere hi.”

Jesaja 7:13

Kote pre penas o Jesaja: “Shunenn, tumer, kai wenna o Davideskre tchawendar! Hi tumenge gar doha, te krenn menshen khino? Krenn kanna ninna miro Debles khino?

Jeremia 4:14

Jerusalem, te kameh win lino te well, palle thob tiro tchilatchepen tiro djijestar tele! Har rah kameh tu ko tchilatchepen an tiro shero te rikrell?

Jeremia 9:6

Doleske penell o baro Dewel, ko rai pral o bolepen un i phub: Har o rup an i jag djudjes kerdo well, jaake kamau mire menshen dukentsa djudjes te krell. Dell tchi wawares, hoi krap me nai mire menshenge.

Ezekiel 20:13

Ninna an o mulo tato them mukan pen i Israelitarja tchi mandar te penell. Jon djiwan gar jaake, har lendar kamom. Un ap mire tchatchepaskre laba dan le tchi. Un mire tchatchepaskre laba hi kolla, kolentsa o mensho djido atchell, te rikrell lo pes ap lende. Un jon kran bud koowa ap o Debleskro diwes, hoi hunte krans le gar, un jaake wom gar sharedo. Kote kamom miri choli pral lende win te tchorell, te hunte merans le lauter an o mulo tato them.

Ezekiel 20:16

Kowa wals i phagi doleske, kai dan le tchi ap mire tchatchepaskre laba, un kran gar, hoi lendar kamom, un rikran gar o Debleskro diwes dren. Na-a, pengre chochene deblen nashan le palla!

Ezekiel 5:6

I menshe an Jerusalem mukan pen tchi mandar te penell, un shunan gar ap mande. Jon wan tchilatcheder har kol themma, kai trul lende hi. Mire tchatchepaskre laba witsran le pal pende, un djiwan gar jaake har lendar kamom.

4. Mose 14:11

Un o baro Dewel penas ap o Mose: “Har rah rakrenn kol menshe djungeles pral mande? Un har rah kamenn jon gar ap mande te patsell, witar gar, kai krom jaake bud baro un sorelo koowa pash lende?

4. Mose 20:12

O baro Dewel penas ap o Moseste un ap o Aroneste: “Tumer patsan gar, hoi penom, un sharan man gar glan kol Israelitarja. Doleske anenn tumer gar kol menshen an ko them, hoi me len dau.”

Markus 9:19

Koi penas o Jesus ap lende: “Hawe menshe han tumer, kai hi tumen kek patsepen! Har rah hunte atchap pash tumende? Har rah rikrap me pash tumende win? Anenn les kate pash mande!”