2. Mose 16:23 - O Debleskro Drom 2021 (Sinte)

²³ Un job penas ap lende: “Kawa hi, hoi o baro Dewel penas: Taissar hi i diwes, kai well kek budi kerdo. Kowa hi i diwes o baro Debleske, te well job sharedo. Kau maro, hoi kamenn te pekell, kowa pekenn! Kowa, hoi kamenn te kerell an o pani, kowa kerenn an o pani! Lauter, hoi pral atchella, hadenn pre i taissarlake!”

O Debleskro Lab 2024 (Sinte-Manouche)

²³ Oun yob penas ap lende: “Kava hi, hoy o baro Devel penas: Taysar hi i dives, kay vell kek boudi kerdo. Kova hi i dives o baro Debleske, te vell yob sharedo. Kava maro, hoy kamenn te pekell, kova pekenn! Kova, hoy kamenn te kerell an o pani, kova kerenn an o pani! Lauter, hoy pral ačella, hadenn pre i taysarlake!”

2. Mose 16:23 ပူးပေါင်းရင်းမြစ်များ

Nehemia 9:13

Un ap i berga Sinai wal tu tele, un dran o bolepen rakral tu lentsa. Un tu penal lenge tchatchepaskre laba, hoi mishto hi, un sikral len tchatche dromma, un dal len latche laba, hoi penan lenge, hoi te krenn le.

Nehemia 9:14

Un tu sikral len, har te rikrenn le o diwes, hoi tuke hi. Kowa hi o Debleskro diwes. Un an wawar laba, hoi penas lenge o Mose, koles tiro wast his, sikral tu len, hoi tu lendar kameh un har nai djan le tire dromma.

2. Mose 16:19

Un o Mose penas ap lende: “Kek tumendar hadell tchomone pre pral i rat.”

2. Mose 23:12

Shob diwessa budress tu! Ap o eftato diwes budress tu gar! Ninna tire grumja, tiri burika, tire budepangre un i wi-themarja, hoi pash tute hi, budrenn ap ko diwes gar, jaake te nai lenn le pale newi soor.

2. Mose 31:15

Shob diwessa budress tu. O eftato diwes kress tu tchi. Ko diwes hi o baro Debleske. Kowa, kai budrella, well mulo dino.

Jeremia 17:22

Un hidjrenn tchi ap o Debleskro diwes dran tumare khera. Un budrenn gar! Ko diwes hi o Debleske. Rikrenn les jaake dren, har me kowa tumare phurenge penom.

3. Mose 23:3

Rikrenn o Debleskro diwes! Shob diwessa budrenn, ap o eftato diwes krenn kek budi! Ko diwes hi o baro Debleske. Ap leste awenn khetne glan leste! Ap kau diwes krenn kek budi, kai tumer ninna djiwenna!

4. Mose 11:7

Ko manna dikas win har tikno djob, parno-djelto.

4. Mose 11:8

Un kol menshe nashan kate te kote, un lan kowa khetne, un kran jarro dran leste, un keran kowa an pirja, un kran merklia kolestar. Ko manna his an o mui har maro, kai djet dren hi.

Louka 23:56

Un jon djan an o foro pale, un kran kutch djet, hoi mishto sungella, te makenn le les dren. Ap o Debleskro diwes kran le kek budi, jaake har kowa pash i biboldende hi.

5. Mose 5:12

Rike o Debleskro diwes! Ma bude ap leste. Jaake penas tuke tiro baro Dewel.

Debleskro tsiro 1:10

Ap o Debleskro diwes was o Debleskro Ducho soreles pral mande. Un me shunom pal mande i sorelo rakepen. Kowa his har i gole, hoi dell i phurdepaskri.