2. Mose 16:20 - O Debleskro Drom 2021 (Sinte)

²⁰ His sawe koi, kai shunan gar ap o Moseste un mukan tchomone pral o wawar diweske. Kowa was lauter khandlo, un kirme his dren. Un o Mose choiras pes pral lende.

O Debleskro Lab 2024 (Sinte-Manouche)

²⁰ His save koy, kay shounan gar ap o Moseste oun moukan čomone pral o vavar diveske. Kova vas lauter khandlo, oun kirme his dren. Oun o Mose rhoyras pes pral lende.

2. Mose 16:20 ပူးပေါင်းရင်းမြစ်များ

2. Mose 16:19

Un o Mose penas ap lende: “Kek tumendar hadell tchomone pre pral i rat.”

2. Mose 16:21

Un hako diwes taissarlakro djan le win un lan o maro khetne, jaake bud har jek nai chal. Pal i tsiro, har o kham tateder was, nashas kowa har pani.

2. Mose 16:24

Kote hadan le pre o wawar diweske taissarlakro, jaake har o Mose penas. Un tchi khandas un kek kirmo was dren.

4. Mose 12:3

O Mose his i mensho, kai kras pes gar bares. Kek mensho his ap i phub, kai his jaake har o Mose un hadas pes gar.

4. Mose 16:15

Koi was o Mose chojedo, un penas ap o baro Debleste: “Ma dik latches ap kowa, hoi jon tut denna! Me lom gar i burika lendar, un krom len kek tchilatchepen.”

Mateo 6:19

Anenn tumenge kek brawlepen ap i phub khetne! Kote hi i kirme, hoi i ripja chana. Koi krell o pani o saster paash. Kote hi i tchorepangre, kai tchorenn tumaro brawlepen.

Markus 10:14

Har o Jesus kowa dikas, was lo chojedo, un penas ap lende: “Mukenn kol tchawen pash mande te well! Ma rikrenn len pale! Sawe har jon, kolen das o Dewel gole, te djiwenn le khetne leha an o bolepen.

Markus 3:5

Kowa dukas les, kai lengro dji har i bar his. Un job dikas chojemen ap lende un penas ap ko mursheste: “Sike tiro wast!” Un job sikras peskro wast. Un ko wast was sasto.

Louka 12:15

Palle penas o Jesus ap kolende, kai trul leste tardo hi: “Denn garda! Ma nashenn bud brawlepen palla! O tselo brawlepen, hoi i mensho khetne anas, krell o mensheskro djipen gar braweles.”

Louka 12:33

Bikrenn, hoi tumen hi! Denn kol lowe i tchorwelende! Palle hi kowa jaake, har te krenn tumen i lowengro gono, hoi gar paash djala! Jaake krenn tumenge i baro brawlepen, hoi nashrenn nai gar. Kowa hi an o bolepen, kai kek tchorepaskro tumaro koowa hatsella, un kek kirme les nai pre chan!

Efesarja 4:26

Te wenn tumer an i choli, palle denn garda, te krenn kek tchilatcho koowa! Mukenn o kham gar tele te djal pral tumari choli!

Hebrearja 13:5

Ma nashenn i lowe palla! Kowa, hoi tut hi, kowa muk tuke doha te well! O Dewel penas: Me bistrau tut gar, un mukau tut kek tsireske!