2. Mose 16:12 - O Debleskro Drom 2021 (Sinte)

¹² “Me shunom, har chojedo i Israelitarja his. Rake ap lende un pen: ‘An i rat chan tumer mass. Un taissarlakro chan tumer tumen tchalo ap o maro, te dikenn, te hom me tumaro baro Dewel.’”

O Debleskro Lab 2024 (Sinte-Manouche)

¹² “Me shounom, har rhoyedo i Israelitarya his. Rake ap lende oun pen: An i rat rhan t'mer mass. Oun taysarlakro rhan t'mer t'men čalo ap o maro, te dikenn, te hom me t'maro baro Devel.”

2. Mose 16:12 ပူးပေါင်းရင်းမြစ်များ

1. Rajengro liil 20:28

Kote was o Debleskro mursh pash o baro rajeste pral Israel, un penas leske: Kawa penell o baro Dewel: “I Syrarja penan, me o baro Dewel, woms i dewel, kai ap i berge djiwell, un gar i dewel, kai ap o telstuno them djiwell. Doleske dau me kal tsele bud lurden an tiro wast, te haiwenn tumer, kai me o baro Dewel hom.”

Debleskri gili 105:40

Jon mangan lestar mass, un job mukas pesse tchirkle te well. O mareha dran o bolepen kras lo len tchalo.

2. Mose 12:6

Un rikrenn les pash tumende bis ap o deesh-te-starto diwes. Rati ap ko diwes, hunte marell haki Israeltikri familja peskro bakro.

2. Mose 16:11

Un o baro Dewel rakras ap o Moseste un penas:

2. Mose 4:5

Un o baro Dewel penas: “Mose, kre kawa glan i Israelitarja! Palle patsenn le ap tute, te mukom man me, o baro Dewel, glan tute te dikell. Palle djinenn le, te hom me o Dewel, koles lengre phure, o Abraham, o Isaak un o Jakob an-mangan.”

2. Mose 6:7

Kamau, te wenn tumer mire menshe, un me kamau tumaro Dewel te well. Un tumer dikenn un haiwenn, te hom me, o baro Dewel, tumaro Dewel, kai las tumen win dran i phari budi, hoi i Egiptarja ap tumende tchiwan.

2. Mose 7:17

Doleske penell o baro Dewel: Dikess un haiwess, te hom me o baro Dewel. Dik, me dau o kashteha, hoi an miro wast hi, ap o pani Nil. Un ko pani well rat.

Jeremia 31:24

An o them Juda un an leskre tsele forja djiwenn pale menshe, ninna hache un bakrengre, kai djan pengre bakrentsa trujel.

Ezekiel 34:30

Palle dikenn un haiwenn le, te hom me, o baro Dewel, lengro Dewel, kowa, kai lentsa hi, un te hi jon dran o kheer Israel mire menshe. Kawa penell o baro Dewel, maro rai.

Ezekiel 35:13

Jaake phurdan tumen pre, un tumaro baro mujeha hadan tumen pral mande. Me shunom halauter.

Ezekiel 39:22

Un an ko tsiro dikenn un haiwenn i Israelitarja, te hom me o baro Dewel, lengro Dewel, un bistrenn kowa buder gar.

3. Mose 11:44

Me, o baro Dewel, hom tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake, te well tchi tardo mank mande un tumende. Ma krenn tumen pale-tchiddo ap i tikno viecho, hoi djal pral i phub.

Zakarie 13:9

Un kolenge, kai pral atchenn, wenn phare tsirja, kai hunte djan le dren, te wenn le djudjo kerdo, jaake har rup un sonakai djudjo kerdo well an i jag. Palle denn le ap mande gole, un me shunau len. Me penau: ‘Jon hi mire menshe.’ Un jon penenn: ‘Tu baro Dewel, hal maro Dewel.’”

4. Mose 11:4

Mank i Israelitarja his ninna wawar menshe, kai lentsa djan. Kolen was i bari bok pal mass. Koi rowan kol Israelitarja ninna pale, un penan: “Koon dell men mass chapaske?

4. Mose 14:27

“Har rah tchingrenn kol tchilatche menshe ap mande? Me shunom, har kol Israelitarja djungeles pral mande rakran.