2. Mose 15:7 - O Debleskro Drom 2021 (Sinte)

⁷ Railo un baro hal, un khetne stakral, koon pes pral tute hadas. Tiri choli was har i jag pral lende. Har i jag o phuss chatchrell, jaake lendar tchi atchell.

O Debleskro Lab 2024 (Sinte-Manouche)

⁷ Raylo oun baro hal, oun khetne stakral, koon pes pral toute hadas. Tiri rholi vas har i yag pral lende. Har i yag o phouss rhačrell, yaake lendar či ačell.

2. Mose 15:7 ပူးပေါင်းရင်းမြစ်များ

Hiob 9:4

O Dewel hi gosewo an peskro dji un les hi bari soor. Kekeske, kai las pes glan te tchingrell lo leha, djas kowa mishto.

Debleskri gili 148:13

Kolla lauter mu sharenn o baro Debleskro lab. Leskro lab hi bareder har i tsele wawar laba. Leskro railepen djal pral i phub un o bolepen.

Debleskri gili 59:13

Jon praassenna un chochenna. Hako labeha, hoi jon penenn, dukrenn le tut. Muk lengro pre-phurdepen i shello lenge te well, jaake te hunte perenn le, un wenn kokres dren pandlo.

Debleskri gili 68:33

Tumer themma ap kai phub, giwenn o Debleske, bashrenn leske, maro rajeske!

Debleskri gili 83:13

Kolla penan: “Mer kamah o Debleskro them menge te lell.”

2. Mose 14:27

Kote hadas o Mose peskro wast pral o baro pani. Un har o kham pre djas, was o pani pale un peras ap kol Egiptarja, kai ap o naashepen his. Jaake tradas len o baro Dewel mashkral an o baro pani.

2. Mose 5:12

Koi djan kol menshe trujel an o tselo them Egiptia, te tchiwenn le penge phuss khetne.

2. Mose 9:16

Me mukom tut doleske djido, te dikess miri bari soor, un te rakrenn le mandar ap i tseli phub.

Jesaja 37:17

Baro Dewel, dik, hoi menge djala, un shun, har o Sanherib tut, o djido Debles, praassell. Tchatcho hi, baro Dewel, kai maran i raja pral o them Assur i menshen an bud themma, un kran dran lengre themma i mulo them.

Jesaja 37:23

Koon hi kowa, pral koleste tchilatche laba rakral? Un kones tire labentsa praassal? I pre-phurdo hal, un ap mande tele dikal, pral o Israeleskro Debleste tut hadal!

Jesaja 37:29

Tiri choli was glan mire kanda. Tiro pre-phurdo rakepen hi prindjedo mandar. Kanna shun, hoi tuke krau: An tiro nak i gustri tchiwau, un i ledertikri rima trul tiri meen pandau, un ap ko drom, kai tu wal, bitchrau me tut kanna pale pale.

Jesaja 37:36

Un an koi rati was o baro Debleskro bolepaskro kote, kai i lurde dran o them Assur sowan, un maras 185.000 (sheel-ochta-deesh-te pantch serja) mursha lendar. Un har le taissarlakro pre stan, his kote lauter mule tchiddo.

Jesaja 37:38

Un har lo an-mangas an o kheer leskro deblestar, o Nisroch, dan les leskre tchawe, o Adrammelech un o Sharezer, mulo o chareha. Un jon nashan penge krik an o them Ararat. Un leskro tchawo Asarhaddon was baro rai pal leste.

Jesaja 47:14

Dik, jon wan har tchinlo phuss, hoi i jag pre chatchrell! Kaja hi gar i tikni jag, pash kolate besheh un tut tatsreh. Na-a, jaake sorelo hi koi jag, te nai nashenn le gar penge, un nai lenn gar pengro djipen win.

Jesaja 5:16

O baro Dewel, ko rai pral o bolepen un i phub sikrell peskri soor, un krell, hoi tchatcho hi. O tchatcho Dewel sikrell, te hi lo kokres o Dewel, kai rakrell o tchatchepen win.

Jesaja 5:24

Doleske merenn le tele har o senlepen, koleskre draba nasselo hi, un koleskri bluma tele perell, un har o khass, pral koleste i jag djal un les pre chatchrell. Jon kaman gar te djal o drom o baro Deblestar, kai hi o rai pral o bolepen un i phub. Un i labendar lengro latcho Deblestar kaman le tchi te djinell.

Jeremia 10:6

Baro Dewel, kek hi har tu hal! Tu hal baro un sorelo! Un tiri bari soor dikan i menshe.

Micha 4:11

Kanna shun Jerusalem, lurde dran bud themma krenn pen khetne, te djan le ap tute pre Jon penenn: Nashedo hi kau foro. Dikas, har lo tele djal!

Zakarie 14:3

Palle djal o baro Dewel win, te kurell job pes jaake kol lurdentsa dran i wawar themma, har kuras lo pes peskre menshenge an i phure tsirja.

Zakarie 14:8

An ko tsiro nashenn djide panja dran o foro Jerusalem win. Ko jek paash nashell an o baro pani, hoi kote hi, kai o kham pre djal. Ko wawar paash nashell an o baro pani, hoi kote hi, kai o kham tele djal. Ko pani nashell an i nijal har an o wend.

Zakarie 2:8

Un o ersto penas ap o wawareste: “Naash un pen ko terno mursheske i dorjah: ‘An o foro Jerusalem wenn jaake bud menshe un vieche, te nai wenn kek massurja trul leste.

Mateo 3:12

Job hi har i hacho, kai rikrell i witsepaskri an peskro wast, te witsrell lo o djob pral, jaake te perell o phuss tele ap i phub. Peskro djob anell lo an peskro djobeskro kheer dren. Un o phuss chatchrell lo an i jag, hoi hako tsiro chatchella.”

Bičepangre 9:4

Un job peras ap i phub un shunas i rakepen. Kowa penas ap leste: “Saulo, Saulo, hoske leh tu man palla?”

5. Mose 33:26

Israel, kek dewel hi har tiro Dewel. Pherdo railepen hi lo beshdo ap wolke un djal pral o bolepen, te well lo ap tiri rig.

5. Mose 4:24

Job hi i soreli jag, hoi halauter pre chatchrell, un kamell, te kamenn tumer les kokres.

Hebrearja 12:29

Ma bistrenn, maro Dewel hi jaake har i soreli jag!