2. Mose 15:22 - O Debleskro Drom 2021 (Sinte)

²² Un i Israelitarja mukan o Baro Lolo Pani pal pende. Un o Mose anas len an o mulo tato them, hoi kharella Shur. Un jon djan triin diwessa trujel an o mulo them, un hatsan kek pani.

O Debleskro Lab 2024 (Sinte-Manouche)

²² Oun i Israelitarya moukan o Baro Lolo Pani pal pende. Oun o Mose anas len an o moulo tato them, hoy kharella Shour. Oun yon djan triin divessa trouyel an o moulo them, oun hatsan kek pani.

2. Mose 15:22 ပူးပေါင်းရင်းမြစ်များ

1. Mose 16:7

Un o baro Debleskro bolepaskro hatsas lat pash i pani, hoi wella dran i phub. Ko pani his an o mulo tato them pash o drom, hoi djala an Shur.

1. Mose 20:1

Un o Abraham djas dureder un was an o them Negev. Job atchas mank kol dui forja Kadesh un Shur un djiwas an o foro Gerar.

1. Mose 25:18

Leskre tchawe, kai pal leste wan, djiwan an o them mashkral Hawila un Shur. Shur hi tchiddo glan o them Egiptia ap o drom, hoi djala an Assur. Jaake was tchatcho, hoi pral o Ismael penlo was: ‘Job lell peske i kotar them gar dur peskre phralendar, te choirell lo len.’

Debleskri gili 136:16

Job anas peskre menshen ap o drom mashkral o mulo tato them. Leskro latchepen atchella hako tsireske!

Debleskri gili 77:20

Tu djal mashkral o baro pani. Tire herja djan an o telstuno pani. Un kek nai dikas, kai tire herja stakran.

Debleskri gili 78:52

Palle anas job peskre menshen win, un djas glan lende har i bakrengro djal glan peskre bakre, un sikras len o drom an o mulo tato them.

Debleskri gili 78:53

Job rikras peskre wasta pral lende. Un len hunte was kek daar. Un kolla, kai len palla lan, an o baro pani jon tassan.

2. Mose 17:1

Un i tsele Israelitarja djan win dran o mulo tato them, hoi kharella Sin, un djan dureder hako kopo har o baro Dewel les lenge penas. Un jon wan ap i platsa, hoi kharella Refidim. Kote his kek pani te pijell.

2. Mose 3:18

Un i phureder shunenna ap tiro lab. Palle dja lentsa pash o baro rajeste pral o them Egiptia. Un penenn ap leste: ‘O baro Dewel, koles i Hebrearja an-mangenna, was pash mende. Kanna muk men triin diwessa dur an o mulo tato them te djal, te maras viechen maro Debleske.’”

4. Mose 33:8

Dran Pi-Hachirot djan le win un djan mashkral o baro pani an o mulo tato them. Un pal triin diwessa an o mulo tato them Etam wan le an Mara.

1. Samuel 15:7

Un o Saul das i Amalekarjen an o tselo them mank Hawila un Shur, hoi glan o them Egiptia tchiddo hi.

1. Samuel 27:8

An ko tsiro peras o David peskre murshentsa an ko them dren, kai djiwenn i Geshurarja un i Girsarja un i Amalekarja. Kolla his i rah tsiro kote an o them, un djiwan bis pash o mulo them Shur un bis tele pash o them Egiptia.