2. Mose 15:20 - O Debleskro Drom 2021 (Sinte)

²⁰ Un i Mirjam, o Aroneskri pheen, his i Debleskri rakepaskretsa. Un joi las peskri bashepaskri, hoi kharella pauka, an o wast, un i tsele djuwja lan ninna pengre bashepangre, un djan lake palla, un bashran un khelan.

O Debleskro Lab 2024 (Sinte-Manouche)

²⁰ Oun i Miryam, o Aroneskri pheen, his i Debleskri rakepaskretsa. Oun yoy las peskri bashepaskri, hoy kharella pauka, an o vast, oun i tsele djouvya lan ninna pengre bashepangre, oun djan lake palla, oun bashran oun khelan.

2. Mose 15:20 ပူးပေါင်းရင်းမြစ်များ

1. Mose 31:27

Hoske nashal tuke tchorchanes? Hoske chochral man un penal mange gar, kai kameh tuke te djal? Bachteles djoms me tumentsa i kotar peha ap o drom i gipah un i bashepah.

2. Samuel 1:20

Penenn kowa gar an ko foro Gat, un rakrenn gar koi pral ap i dromma an Ashkelon, te wenn gar bachtelo i djuwja an Filistia, te denn le gar gole i bachtjatar, kolla tcha kolendar, kai gar tchinle hi ap pengro mass!

2. Samuel 6:14

O David khelas peskri tseli sorjah glan o baro Debleste. Un trul leste his les i rashajeskri laintikri damdira.

2. Samuel 6:16

Un har o Debleskro mochton an o Davideskro foro anlo was, dikas i Michal, kolakro dad o Saul his, dran i wochni, un dikas o baro rajes o David, har job khelas un stas glan o Debleste, un an lakro dji dikas li tele ap leste.

2. Samuel 6:5

Un o David un i tsele menshe an Israel khelan bachteles glan o baro Debleste, giwan gilja, un kran bashepen ap dorjengre bashepangre, ap tikne pauke un ap wawar bashepangre.

2. Rajengro liil 22:14

Kote djan o rashai Hilkija, o Ahikam, o Achbor, o Shafan un o Asaja pash i Debleskri rakepaskretsa Hulda. Koja djiwas an o newo kotar o forestar Jerusalem. Lakro rom his o Shallum. Leskro dad his o Tikwa. Koleskro dad his o Harha. O Shallum das garda ap o ripjengro kheer. Un kol mursha rakran lah.

1. Familjakro liil 15:16

Un o David penas i pralstunenge pral i Levitarja, te rodenn jon gipangren win dran pengre phralende. Kalla hunte giwenn i bachtjatar i bari goljah, un bashrenn ap i dorjengre bashepangre un wawar bashepangre.

1. Familjakro liil 6:3

O Kohat, leskre tchawe his: o Amram un o Jizhar un o Hebron un o Usijel.

Nehemia 6:14

Miro Dewel, biste kowa lenge gar, hoi o Tobija un o Sanballat kran, un ninna hoi i Noadja an o Debleskro lab pral mande win rakras, un kol tsele wawar, kai kran, har te rakrans le Debleskre laba win, un kaman mange daar te krell.

Debleskri gili 149:3

Sharenn leskro lab an tumaro khelepen! Bashrenn leske ap i pauka un i harfa!

Debleskri gili 150:4

Sharenn les o bashepah ap i pauke, un khelenn leske! Sharenn les o bashepah ap i dorjengre bashepangre un tikne phurdepangre!

Debleskri gili 30:11

Shun, baro Dewel, un ab mange latcho! Ab ap miri rig, miro baro Dewel!”

Debleskri gili 68:11

te djiwan nai tire menshe kote. Tu, maro Dewel, hal jaake latcho, te mukal kol tchorwelen kote khere te well.

Debleskri gili 68:25

Miro Dewel, tu hal miro baro rai. Halauter dikenn har tu weh an tiri soor, un dren djah an tiro Debleskro kheer.

Debleskri gili 68:26

I gipangre djan glan tute un i bashepangre pal tute. Un mashkral dren djan i terne tcha un denn pengre pauke.

Debleskri gili 81:2

Giwenn i bachtjatar o Debleske! Job hi mari soor. Sharenn o Jakobeskro Debles!

2. Mose 2:4

O tikno tchaweskri pheen khatras pes gar dur, te dikell joi, hoi leha djala.

Sikepaskro 3:4

O ropaske hi jek tsiro, un o sapaske hi jek tsiro. Dell tsirja, kai rowell maro dji, un wawar tsirja, kai khelah i bachtjatar.

Jeremia 31:4

Israel, miri pirni! Me krau tut pale baro. Tutar well pale i natsjona. Tu kress tut pale shukar, bashress un djas win ap o khelepen.

Micha 6:4

Me hom kowa, kai anas tumen dran o them Egiptia win, kai hans pandle budepangre. Me dom tumen o Mose, o Aron un i Mirjam, te djan le glan tumende.

4. Mose 12:1

Koi rakras i Mirjam un o Aron djungeles pral o Moseste un penan: “Kowa hi gar mishto, te las job peske i romjat, kai hi i menshendar Kush. Rakras o baro Dewel kokres ap o Moseste? Rakras lo mentsa gar?” Un o baro Dewel shunas kowa.

4. Mose 20:1

Un kol tsele Israelitarja wan an o mulo tato them Zin, an o ersto tchon. Un i menshe tchiwan pengre plachtene khera pre pash o foro Kadesh. Un i Mirjam meras koi un was paskedo.

4. Mose 26:59

Koleskri romni kharas Jochebed, lakro dad his o Levi. Koja was boldo an o them Egiptia. Un joi anas o Aron, o Mose un lengri pheen, i Mirjam ap i phub.

Louka 2:36

An o foro Jerusalem djiwas i phuri Debleskri rakepaskretsa. Joi kharas Hanna. Lakro dad his o Penuel. Job hi kol menshendar, kai wenna pal o Asser. Efta bersha his i Hanna romedino.

Bičepangre 21:9

Koles his star tcha, kai gar romedino his. Kolla tcha his pherdo Debleskro Ducho, un jon penan i patslenge, hoi o Dewel lende sikras.

1. Korintarja 11:5

Haki romni, kai mangell o Debles an, un haki romni, kai penella, hoi o Dewel late sikras, un kowa krell li, te hi lat tchi ap o shero, koja anella ladj ap peste. Kowa hi jaake, har te wans lake i balla tele tchinlo.

1. Korintarja 14:34

Te wenn tumer khetne an o Debleskro kheer, ma mukenn i djuwjen te rakrell. Jon hunte shunenn ap kowa, hoi penlo wella. Jaake hi ninna tchinlo an o Moseskre lila.

Čačepangre 11:34

Un o Jefta was pale an Mizpa pash peskro kheer. Un kote was leskri tchai win, un was bashepah un khelepah pash leste. Joi his lauter, hoi les his. Les his kek wawar tchai, witar kek wawar tchawo.

Čačepangre 21:21

Te dikenn tumer, te wenn i terne tcha dran Shilo khelepah un gipah win dran o foro, palle stenn dran tumaro khatepen win! Un hakeno tumendar taprell peske jek terni tchai, te romedinerell lo lat. Un khetne lah djal lo khere an o them Benjamin.

Čačepangre 4:4

An ko tsiro his i tchatchepaskri djuwel an o them Israel. Koja his i Debleskri rakepaskretsa. Lakro lab his Debora. Lakro rom his o Lappidot.

1. Samuel 10:5

Pal kowa weh tu pash o foro Gibea-Elohim, kai i lurde i Filistarendar jak denn. Te weh tu kote an o foro, dikeh tu, har Debleskre rakepangre i berga tele wenn. Un glan kolende hi bashepangre, kai bashrenn ap dorjengre bashepangre un ap phurdepangre, un denn ap tikne pauke. Un i Debleskre rakepangre rakrenn o Debleskro rakepen win.

1. Samuel 18:6

Ap ko diwes, kai i lurde pale wan, un o David o Filistares mulo das, koi nashan i djuwja win dran i tsele forja an o them Israel, te wenn le pash o baro rajeste Saul. Un jon giwan un khelan, dan gole i bachtjatar, un dan ap pengre tikne pauke, un bashran ap pengre bashepangre.