2. Mose 15:17 - O Debleskro Drom 2021 (Sinte)

¹⁷ Tu aneh len ap i berga, hoi tu tuke win rodal, kote, kai tu khere hal, te djiwenn le pash tute. Koja berga hi tiro kheer, baro Dewel, hoi tu tuke tire wastentsa kral, te wess kote sharedo.

O Debleskro Lab 2024 (Sinte-Manouche)

¹⁷ Tou aneh len ap i berga, hoy tou touke vin rodal, kote, kay tou khere hal, te djivenn le pash toute. Koya berga hi tiro kheer, baro Devel, hoy tou touke tire vastentsa kral, te vess kote sharedo.

2. Mose 15:17 ပူးပေါင်းရင်းမြစ်များ

2. Samuel 7:10

Un me kamau mire menshen Israel i them te dell, kai nai atchenn jon. Un koi djiwenn le, kai trashenn jon buder gar, un kai wenn jon gar buder tele rikedo kol tchilatche menshendar, har an ko tsiro,

1. Rajengro liil 8:13

Un me mukom tuke kau railo kheer te krell, te djiwess koi dren un nai atcheh hako tsireske.”

Debleskri gili 114:2

koi was o them Juda kowa them, kai le o baro Debles an-mangan. Un o Israel was kowa them, pral koleste job o baro rai hi.

Debleskri gili 2:6

“Ap i berga Zion, kai mange hi, tchiwom me i baro rajes, koles me wi-rodom.”

Debleskri gili 44:2

Maro Dewel, mare kandentsa shunam mer, har mare phure menge penan, hoi tu kral an lengre diwessa glan i rah tsiro.

Debleskri gili 68:16

Baro hi i berga Bashan. Lat his bud bergetikre sherja.

Debleskri gili 76:2

An o them Juda prindjrell hakeno o Debles, an o tselo them Israel hi lo prindjedo.

Debleskri gili 80:15

Ab pale pash mende, tu, o Dewel pral o bolepen un i phub! Dik dran o bolepen ap mende, un de pale jak ap tiro drakengro ruk!

Debleskri gili 80:8

Tu, Dewel un rai pral o bolepen un i phub, hade men pale pre! Dik latches ap mende, jaake djal menge pale mishto.

2. Mose 15:13

Tire menshenge kamlo hal, kolenge, kai tu i sorjah win lal un ap i latcho drom anal, hoi pash tiro Debleskro kheer djal.

2. Mose 23:20

Me bitchrau i bolepaskro glan tumende, koon dell jak ap tumende ap o drom, hoi tumer djan. Un kowa anell tumen an ko them, hoi me tumenge wi-rodom.

2. Mose 25:8

Kamau lendar, te krenn le mange i kheer, te djiwap nai mashkral lende.

2. Mose 32:34

Un kanna dja pale! An kol menshen an ko them, kai me rakrom lestar. Miro bolepaskro djal glan tute. Te well miro tsiro, dau i Israelitarjen pengri phagi.”

Jeremia 2:21

Me tchiwom tut dren har i wi-rodedo drakengro ruk, i latcho shukar ruk. Un hoi was kanna dran tute? I diwjo djungelo ruk!

Jeremia 31:23

Kowa penell o baro Dewel, ko rai pral o bolepen un i phub, kai o Israeleskro Dewel hi: “An ko tsiro, kai anau len pale dran kol themma, kai jon pandle his, penenn i menshe dran i forja an o them Juda: O baro Dewel mu tchiwell peskri bacht ap tute, tu them, kai o tchatchepen khere hi, un o Dewel ap peskri berga djiwell.

Jeremia 32:41

Miro dji sala, te nai krau lenge latchepen. Un me mukau len soreles an kau them well, un jon hunte mukenn les buder gar. Tchatchepah, kowa krau miro tselo djijeha un miri tseli sorjah.

Ezekiel 37:26

Un me pandau miro dji ap lende, un krau lentsa win, te nai djiwenn le an o latchepen. Kowa te atchell hako tsireske jaake. Un me mukau len bud te well, un krau lendar i soreli natsjona. Un miro kheer atchell mashkral lende hako tsireske.

Ezekiel 37:28

Miro kheer atchell mashkral lende hako tsireske. Palle dikenn un haiwenn i menshe an i wawar themma, te rodom me o baro Dewel, i Israelitarjen mange win, te wenn le mire menshe.

5. Mose 33:19

Jon denn wawar menshen gole ap pengri Debleskri berga, un kote anenn le viechen o Debleske, hoi leske tchatcho hi. Lengro brawlepen hatsenn le an o baro pani, un kutch koowa lenn le dran i santa.

Josua 22:19

Te hi tumaro them tumenge pale-tchiddo, palle awenn wergel, un lenn tumaro kotar them pash mende an o them o baro Deblestar, kai leskro kheer tardo hi! Kote hi maro baro Debleskri chatchepaskri tardo. Ma krenn i wawar altaro! Koleha hadans tumen pral o baro Debleste un ninna pral mende.