2. Mose 15:15 - O Debleskro Drom 2021 (Sinte)

¹⁵ I bare raja an o them Edom trashan, un kol sorele raja an o them Moab trissan. I tsele menshe an o them Kanaan daran, awa, lauteren tapras i daar.

O Debleskro Lab 2024 (Sinte-Manouche)

¹⁵ I bare raya an o them Edom trashan, oun kol zorele raya an o them Moab trissan. I tsele menshe an o them Kanaan daran, ava, lauteren tapras i daar.

2. Mose 15:15 ပူးပေါင်းရင်းမြစ်များ

1. Mose 36:15

Un kolla hi i raja, kai wenna o Esaeskre tchawendar: Leskro phureder tchawestar, o Elifas, wenna o rai Teman, o rai Omar, o rai Zefo, o rai Kenas, o rai Korach, o rai Gatam, o rai Amalek. Kolla hi i raja, kai wenna pal o Elifas an o them Edom. Lengri mami hi i Ada.

1. Mose 36:40

Un kolla hi i laba kol rajendar, kai wenna pal o Esau. Pal lende wan pengre menshe kharedo. Ninna kol forja, kai djiwan le, lan lengro lab: o rai Timna, o rai Alwa, o rai Jetet, o rai Oholibama, o rai Ela, o rai Pinon, o rai Kenas, o rai Teman, o rai Mibzar, o rai Magdijel, o rai Iram. Kolla hi i raja pral i Edomarja an lengre forja an o them, kai lengro his. Lengro phuro dad hi o Esau. Lestar wenna i Edomarja.

2. Samuel 17:10

Palle lell hakeno daar, ninna te hi lo i kurepaskro, un les i dji hi har i lewo. O tselo Israel djinella, kai tiro dad i tchatcho mursh hi, un leskre lurde tchatche kurepangre hi.

Debleskri gili 48:5

Bare raja dran wawar themma wan khetne un djan khetne pengre lurdentsa pash o foro pre.

Debleskri gili 68:2

O Dewel stell pre, un tradell kolen krik, kai kamenn les gar; awa, kolla, kai hi chojedo ap leste, hunte nashenn lestar.

Jesaja 13:7

Doleske hi i menshen buder kek soor, te krenn le tchomone, un daar peras ap lende.

Jesaja 19:1

Kate sikrell o Dewel, hoi pral o them Egiptia wella: O baro Dewel ulerell ap i sik wolka un well pral o them Egiptia. Un i tsele chochene debla an Egiptia trissenna glan leste. Un i Egiptarenge perell o dji an i cholopja.

Jeremia 49:23

Laba pral o foro Damaskus. I menshe an i forja Hamat un Arpad shunan tchilatcho koowa. Jon lan bari daar un djinenn gar, hoi te krenn. I traash well pral lende har o baro pani, hoi gar tardo atchell.

Ezekiel 21:7

Tu, mensho, dik kote, kai o foro Jerusalem hi! Rake kolestar, hoi djal o khereske, kai well o Dewel an-mangedo! Un pen i menshenge an o them Israel, hoi pral lende wella!

Nahum 2:10

Tumer lurde, randenn rup, randenn sonakai! O foro hi pherdo brawlepen, pherdo kutch koowa!

Habakuk 3:6

Tchiwell job peskro piro ap i phub, palle trissell li. Lell job i wawar themma an o jak, trashenn i tsele menshe. Kol bare phure berge phagenn an kotja, un kol tikne phure berge perenn khetne, te nashell job – har an o phuro tsiro – pral i phub.

Habakuk 3:7

Me dikom, har daran kol menshe, kai djiwenn an plachtene khera an o them Kushan, un har trissan i menshe an o them Midian.

5. Mose 2:4

Un pen i menshenge Israel: Ap tumaro drom wenn tumer kanna an o them tumare phralendar, kol menshendar, kai wenn pal o Esau, un djiwenn ap i berge Seir. Un jon darenn tumendar. Jaake denn jak,

5. Mose 20:8

Un i pralstune hunte putchenn i murshendar pale: Hi mank tumende jek, koles daar hi, un koleskro dji trissella? Kowa hunte djal pale an peskro kheer, te krell lo gar i djia peskre phralendar darenes.

Josua 14:8

Mire phrala, kai mantsa pre djan, kran i menshenge daar. Me rikrom ap o baro Debleste, kai miro Dewel hi, un patsom leske.

Josua 2:11

Un har kowa shunam, was bari traash ap mende, un an kekeste mendar atchas i soor, te djal lo pre ap tumende. O baro Dewel hi tumaro Dewel, un hi o Dewel pral an o bolepen un kate tele ap i phub.

Josua 2:24

Un jon penan ap o Josua: “O baro Dewel das o tselo them an maro wast. Ninna halauter kolla, kai koi djiwenn, hi har bango darjatar glan mende.”

Josua 2:9

un penas ap lende: “Me haiwom, te das o baro Dewel tumen kau them. I bari traash glan tumende peras ap mende. Un hakeno, kai kate djiwell, hi har bango darjatar glan tumende.

Josua 5:1

Un i tsele bare raja pral i Amorarja, kai ap koi rig o panjestar Jordan djiwan, kai o kham tele djal, ninna i tsele bare raja pral i Kanaanitarja, kai pash o Baro Pani djiwan, kolla halauter shunan, har las o baro Dewel o pani dran o Jordan krik glan i Israelitarja, bis te jon halauter ap i wawar rig his. Un har jon kowa shunan, was bari traash ap lende, un an kekeste atchas i soor te djal lo pre ap i Israelitarja.

1. Samuel 14:16

Un kol mursha, kai jak denn pash o Saul an o foro Gibea an o them Benjamin, kal mursha dikan, har i Filistarja nashan jek rigjatar ap i wawar.