2. Mose 15:14 - O Debleskro Drom 2021 (Sinte)

¹⁴ An i wawar themma i menshe shunan, hoi tu tire menshenge kral. I daar tapras len un jon trissan, ninna kol menshen, kai an o them Filistia djiwan.

O Debleskro Lab 2024 (Sinte-Manouche)

¹⁴ An i vavar themma i menshe shounan, hoy tou tire menshenge kral. I daar tapras len oun yon trissan, ninna kol menshen, kay an o them Filistia djivan.

2. Mose 15:14 ပူးပေါင်းရင်းမြစ်များ

1. Familjakro liil 14:17

Un o David his i sharedo mursh an i tsele themma. Un o baro Dewel kras, te was i traash glan leste ap i tsele themma.

Debleskri gili 48:6

Jon dikan kowa un lenge atchas o dji tardo. Len tapras i daar un jon nashan penge.

Debleskri gili 48:7

Lengri daar his jaake baro, te trissan le. Lengri traash his har i traash i djuwjatar, kai lell li i ternepen.

Jesaja 14:29

Tumer menshe an o them Filistia, ma awenn bachtelo, te was o kasht, koleha dino wan, kanna phagedo. Te merell i sap, well i djungleder sap pal leste. Un lestar well i wawar sap, hoi hi gomme djungleder un nai hadell pes har i tchirklo.

Jesaja 14:31

Denn soreles gole, tumer, kai han tardo pash o foreskre wudja! Rowenn bari goljah, tumer, kai djiwenn an o foro! Trissenn i darjatar an o tselo them Filistia! Fun kotar, kai norden hi, well jagakro ducho un bud bud lurde, un kek kolendar atchell pale.

Jesaja 23:5

Te shunenn kowa i Egiptarja, lenn le traash pral kowa, hoi lenge pral Tirus penlo was.

Ezekiel 32:9

Kowa, hoi tuha djas, har tu tele djal, shunenn le an bud themma, ninna an sawen, kolen tu gar prindjreh. Un i menshe an bud themma lenn bari daar.

Habakuk 3:6

Tchiwell job peskro piro ap i phub, palle trissell li. Lell job i wawar themma an o jak, trashenn i tsele menshe. Kol bare phure berge phagenn an kotja, un kol tikne phure berge perenn khetne, te nashell job – har an o phuro tsiro – pral i phub.

Habakuk 3:7

Me dikom, har daran kol menshe, kai djiwenn an plachtene khera an o them Kushan, un har trissan i menshe an o them Midian.

4. Mose 14:14

penenn le kowa kol menshenge an kau them. Kolla shunan, kai tu, baro Dewel, mashkral tire menshende hal, un kai nai dikenn jon tut, un tiri wolka pral lende tardo hi, un kai tu, o baro Dewel, glan lende djah, an i wolka ap o diwes, un rati an i jag.

4. Mose 22:5

Un job bitchras murshen pash o Bileam, koleskro dad o Beor hi. O Bileam djiwas mank peskre menshende an o foro Petor, kai pash ko pani Eufrat tchiddo hi. O baro rai mukas leske te penell: “Am pash mande! I bari natsjona djas dran o them Egiptia win un hi kate an o tselo them. Kal menshe tchiwan pengre plachtene khera pre ap i wawar rig mandar.

5. Mose 2:25

Kau diwesseha krau te darenn tumendar i menshe an hake themma. Koon tumendar shunella, trashell un trissell i darjatar.”

Josua 10:2

Kote tapran i menshe an o foro Jerusalem bari daar. O foro Gibeon his i baro foro, jaake baro har kol forja, kolen i baro rai his, un his bareder har o foro Ai his. Un lengre tsele mursha his tchatche kurepangre.

Josua 2:11

Un har kowa shunam, was bari traash ap mende, un an kekeste mendar atchas i soor, te djal lo pre ap tumende. O baro Dewel hi tumaro Dewel, un hi o Dewel pral an o bolepen un kate tele ap i phub.

Josua 9:24

Un jon penan ap o Josua: “Maro rai, mer shunam, te hi kowa tchatcho, te penas o baro Dewel ap o Mose, koles leskro tchatcho wast his, te dell lo tumen o tselo them, un te hunte wenn halauter mulo dino, hoi dren djiwenn. Doleske his men bari daar maro djipaske, un kram kawa jaake.

Josua 9:9

Un jon penan: “Dran i them dur katar krik wan tire budepangre kate pash tute. Mer shunam, har baro tiro Dewel hi un hoi job, o baro Dewel, halauter kras an o them Egiptia,

1. Samuel 4:7

tapras len i daar, un jon penan: “Lengro dewel was ap lengri platsa. Mer ham nashedo. Sawo koowa his gomme gar koi.

1. Samuel 4:8

Hawi bibacht! Koon nai lell men win dran i wasta sawe sorele deblendar? Kolla hi kol debla, kai maran i Egiptarja an o mulo tato them.