2. Mose 15:11 - O Debleskro Drom 2021 (Sinte)

¹¹ Kek hi jaake har tu, o baro Dewel. Kek hi jaake har tu mank lauterende, kai kharenn pen Dewel! Tu hal o tchatcho Dewel, un kek wawar hi jaake sorelo har tu! Tu kral dareno koowa, hoi kek wawar nai krella.

O Debleskro Lab 2024 (Sinte-Manouche)

¹¹ Kek hi yaake har tou, o baro Devel. Kek hi yaake har tou mank lauterende, kay kharenn pen Devel! Tou hal o čačo Devel, oun kek vavar hi yaake zorelo har tou! Tou kral dareno koova, hoy kek vavar nay krella.

2. Mose 15:11 ပူးပေါင်းရင်းမြစ်များ

2. Samuel 7:22

Baro Dewel, miro rai, har baro hal tu! Kek hi jaake har tu! Un dell kek dewel har tu, pal lauter, hoi mer mare kandentsa shunam.

1. Rajengro liil 8:23

un penas: Baro Dewel, tu o Dewel pral o Israel, kek dewel hi har tu pral an o bolepen, witar gar tele ap i phub. Tu rikreh tiro lab, hoi tire menshende dal, un hal lenge latches, kolenge, kai djiwenn glan tute pengro tselo djijeha.

1. Familjakro liil 16:25

O baro Dewel hi o pralstuno, un hakeno hunte sharell les. Mank i tsele wawar debla hi job kowa, konestar daras mer.

2. Familjakro liil 2:5

Koon nai krell leske i kheer? O tselo bolepen hi gar bares doha leske. Koon palle hom me, te krap leske i kheer? Halauter hoi nai krau, hi, te krap i platsa, kai nai chatchrah sungepaskro koowa glan leste.

2. Familjakro liil 6:14

un penas: Baro Dewel, tu o Dewel pral o Israel, kek dewel hi har tu: kek an o bolepen, witar gar ap i phub. Tu rikreh tiro lab, hoi tire menshende dal, un hal lenge latches, kolenge, kai djiwenn glan tute pengro tselo djijeha.

Debleskri gili 113:5

Koon an o bolepen un ap i phub hi jaake har maro baro Dewel?

Debleskri gili 119:120

Tutar darau jaake, te trissau. Tu deh i phagi kolen, kai shunan gar ap tute.

Debleskri gili 136:4

Job kokres krell baro koowa, hoi kek wawar nai krella. Leskro latchepen atchella hako tsireske!

Debleskri gili 145:17

An lauter, hoi o baro Dewel krell, djal lo pal o tchatchepen. An lauter, hoi krell lo, hi lo latcho.

Debleskri gili 22:23

Tutar kamau me te rakrell pash mire phralende. Kote, kai wenn le khetne, kamau me tut te sharell.

Debleskri gili 35:10

Lauter, hoi an mande hi, penell: Baro Dewel, koon hi jaake har tu? Tu leh o tchorweles win dran i wasta kolendar, kai sorleder hi har job. Tu leh koles, kai bibachtelo un tchorwelo hi, win dran i wasta kolendar, kai tchoran leskro koowa.

Debleskri gili 60:2

Job kras lat an ko tsiro, har lo an o marepen his i menshentsa Aram dran Mesopotamia un Zoba. Har was lo pale, maras o Joab i Edomarja an i Londi Tala: deesh-te-dui serja murshen.

Debleskri gili 66:5

Awenn un dikenn, hoi o Dewel kras. I menshenge atchell o rakepen krik, te dikenn le, hoi kras lo ap lende.

Debleskri gili 77:11

Kote penom me: Kawa hi miro nasslepen, te kras pes o Dewel wawartchandes. I soor o pralstunestar well buder gar diklo.

Debleskri gili 77:14

Miro Dewel, halauter, hoi tu kreh, hi tchatcho. Kek wawar dewel hi jaake sorelo har tu.

Debleskri gili 77:19

Tu kral bari gole ap o bolepen. Koi jag ap o bolepen kras i rat har te wals diwes. I phub trissas i darjatar.

Debleskri gili 86:10

Tu hal baro un kreh baro koowa, hoi kek wawar nai krella. Tu kokres hal o Dewel.

Debleskri gili 86:8

Miro rai, dell kek debles har tut. Kek nai krell kowa, hoi tu kreh.

Debleskri gili 89:18

Tu kokres hal lengro railepen un lengri soor, un dran tiro latchepen nai hadah mare sherja.

Debleskri gili 90:11

Koon patsell, te nai well tiri choli jaake baro? Un koon darell tiri choljatar?

2. Mose 18:11

Kanna haiwom, te hi o baro Dewel bareder har hako wawar dewel. Job las i Israelitarja win dran o wast i Egiptarendar, kai kran pen bares pral lende.”

2. Mose 20:3

Un tut well kek wawar Dewel har man.

2. Mose 3:20

Doleske tchiwau bari bibacht ap i Egiptarja, un krau baro koowa mank lende, hoi sikrella miri soor. Pal kowa mukenn le tumen te djal.

2. Mose 8:10

Un jon tchoran kol bud djambe khetne. Un o tselo them khandas lendar.

2. Mose 8:6

Un job penas: “Taissar.” Un o Mose penas: “Jaake har tu penal, jaake te dikess un haiwess, te hi kek wawar jaake, har maro baro Dewel.

2. Mose 9:14

Te shuneh tu kau kopo pale gar, palle kamau me i djungleder bibacht pral tute un tire pralstunende un pral tire tsele menshende te bitchrell, te dikess un haiwess, te hi kek ap kai phub jaake har me.

Jesaja 30:11

Djan tele tumaro dromestar! Mukenn o tchatcho drom! Penenn menge buder gar, hoi o Israeleskro Dewel penell.”

Jesaja 40:18

Koon hi har o Dewel? Hi tchomone jaake har job?

Jesaja 40:25

“Koon hi jaake har me”, putchell o tchatcho Dewel, te nai penenn tumer: “O baro Dewel hi jaake har kowa?”

Jesaja 46:9

Mukenn tumenge an o shero te djal, har an o phuro tsiro his: Me hom o Dewel, un dell kek wawar har man. Kek hi jaake har me!

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Jesaja 6:3

Un jek das ap o wawareste gole un penas: Latcho - un tchatcho - har kek wawar - hi o baro Dewel, ko rai pral o bolepen un i phub. I tseli phub hi pherdo leskro railepen!

Jeremia 10:16

Har wawartchandes hi ko Dewel, koles o Jakobeskre tchawe an-mangenna! Job hi kowa, kai kras halauter. Un i Israelitarja hi leskre menshe. Job kharell: o baro Dewel, ko rai pral o bolepen un i phub.

Jeremia 49:19

Har i lewo win well dran i burra pash o pani Jordan, wau me, un tradau i Edomarjen sik dran lengro them, un tchiwau koles pral o them, kones me win rodom. Kek hi har me! Kek hunte penell mange, hoi te krap! un kek rai hi sorleder har me!

3. Mose 19:2

Pen ap i tsele Israelitarja: Me, o baro Dewel, hom tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake har i Debleskre menshe djiwenn.

Micha 7:18

Kek Dewel hi har tu, kai lell o tchilatchepen krik, hoi mer kram, un kai bistrell koi doosh, hoi anam ap mende – mer, kai tire menshendar pral atcham. Tu atcheh gar chojedo pral mende hako tsiro, un kreh tiro dji pre menge.

Louka 12:5

Me kamau tumen te sikrell, konestar hunte tchatchepah trashenn: Trashenn o Deblestar, kai les i soor hi, te witsrell lo jekes pal o merepen an o bengeskri jag! Awa, kowa penau tumenge: Kolestar trashenn!

5. Mose 1:30

Tumaro baro Dewel djal glan tumende win un kurell pes tumenge, jaake har lo glan tumare jaka an o them Egiptia tumenge kras.

5. Mose 3:24

“Baro Dewel, miro rai, tu sikral man, tiro budepaskres, tiro barepen un tiro sorelo wast. An o bolepen un ap i phub hi kek wawar dewel, kai nai krell sawo baro koowa an sawi bari soor har tu.

5. Mose 33:26

Israel, kek dewel hi har tiro Dewel. Pherdo railepen hi lo beshdo ap wolke un djal pral o bolepen, te well lo ap tiri rig.

5. Mose 4:34

Kek wawar dewel djas un las peske menshen win dran i wawar them, har job kras, har las lo tumen win dran o them Egiptia. Job sikras peskri bari soor un kras sau koowa, hoi kek wawar nai krell, un anas bud bibacht ap i Egiptarjen. Job kuras pes tumenge. Peskro sorelo wasteha un peskri pre-hadedi mussjah las lo tumen win, un kras i Egiptarenge bari daar. Kowa lauter dikan tumer.

Debleskro tsiro 13:4

I menshe djinan, kowa his o baro lolo sap, hoi das o viecheste peskri soor. Doleske sharan le o lolo sapes. Un jon sharan ninna o vieches, un penan: “Kek hi sorleder har o viecho! Kek nai kurell pes leha un well sorleder!”

Debleskro tsiro 15:4

Tutar darella hakeno, tiro labestar penenn le: Har baro un shukar hi lo! Maro rai, o baro Dewel hal tu. Kek wawar hi jaake har tu. I raja wenna dran hake themma; glan tute witsrenn le pen tele, te sharenn le tut. Lauter dikan, har pal o tchatchepen tu djal, har tu i menshende lengri phagi dal.

Debleskro tsiro 4:8

Un hakenes lendar his shob tchirklengre mussja. Kolla his dren un win pherde jaka. Un jon giwenn o tselo diwes un i tseli rat: Latcho - un tchatcho - har kek wawar - hi o Dewel, ko rai pral halauter. Hako tsiro djiwell lo, kanna, un an ko tsiro, hoi his, un hoi wella.

1. Samuel 2:2

Kek hi jaake baro un tchatcho har o baro Dewel. Dell kek wawar Dewel har job. Ap kekeste nai rikrah men har ap maro Debleste.