2. Mose 15:10 - O Debleskro Drom 2021 (Sinte)

¹⁰ Tu phurdal tiro ducho, – un o baro pani tchakras len. Jon tassan un djan tele har saster an o baro pani.

O Debleskro Lab 2024 (Sinte-Manouche)

¹⁰ Tou phourdal tiro dourho, – oun o baro pani čakras len. Yon tassan oun djan tele har saster an o baro pani.

2. Mose 15:10 ပူးပေါင်းရင်းမြစ်များ

1. Mose 8:1

O Dewel bistras o Noah gar, witar gar i viechen, kai pash leste an o panjeskro kheer his: kol diwje vieche un kolla, kai gar diwje hi. Un o Dewel mukas i baro ducho pral i phub te phurdell. Koi djas o pani tele.

2. Samuel 18:8

Un jon kuran pen an ko tselo them koi. Un o weesh chas ap ko diwes budeder menshen har o charo chas.

Nehemia 9:11

Tu dal o baro pani, jaake te djas lo ap dui rigja krik, un i drom koi his, kai nai djan tire menshe mashkral ko baro pani ap i wawar rig. Kolla, kai tire menshe palla lan, tassan un djan tele har barra an o telstuno pani.

Debleskri gili 135:7

Job mukell wolke pral i phub pre te djal, dell brishin ap i phub, ninna koi jag, hoi ap o bolepen pre un tele karje dell. Job anell o baro ducho win, hoi pral i phub phurdell.

Debleskri gili 147:18

Job penell i lab, un o gib well pani; job bitchrell i ducho, hoi phurdell pral i phub, un o pani, hoi djajedo his, nashella palle.

2. Mose 14:21

Un o Mose hadas peskro wast pral o baro pani. Un o baro Dewel mukas i baro sorelo ducho pral o pani te phurdell, hoi was kotar, kai o kham pre djal. Ko ducho phurdas i tseli rat. Un o baro pani djas pale. Kote, kai pani his, hi kanna phub, hoi gar sapenes hi. Un o baro pani kras pes pre, te was i drom.

2. Mose 15:5

I panja wan un len tchakran; har barra djan le tele, har barra djan le tele.

Gosewe laba 30:4

Koon djas pre an o bolepen un pale tele? Koon las o phurdepen an peskre wasta? Koon pandas i tsele panja an i baja? Koon penas, har dur i phub te djal? Har kharell lo? Har kharell leskro tchawo? Djineh tu kowa?

Jesaja 11:15

Un o baro Dewel mukell i kotar o baro panjestar pash o them Egiptia truk te well. Un leskro wast mukell i sorelo tato ducho pral o pani Eufrat te djal, te atchenn lestar kokres efta tikne panja pral, hoi nashenn, jaake te nai djan le pengre kirchentsa koi wergel.

Jeremia 10:13

Te dell job gole, well bud pani khetne an o bolepen; i wolke mukell job te well fun dural, un mukell jag pral un tele karje te dell an o brishin. Ninna o phurdepen well win dran peskro kheer.

Jeremia 46:17

Kharenn ko lab o Faraestar, ko rajestar pral o them Egiptia: ‘Baro Mujeskro, koleskro tsiro trujel hi’.

Amos 4:13

O Dewel hi kowa, kai kras i berge, un mukell o phurdepen pral i phub te djal. Job sikrell i menshende, hoi kamell lo te krell. Job mukell o kham pre un tele te djal. Job hi o rai pral i tseli phub. Leskro lab hi: Baro Dewel, rai pral o bolepen un i phub.

Mateo 8:27

Un peskre mala kran bare jaka un putchan pendar: “Hawo mursh hi kowa! Ninna o sorelo ducho un o baro pani shunenn ap leste.”

5. Mose 11:4

ninna ap leskre lurdende, kai tumenge palla lan. Pral lengre graja un wurdja mukas job o pani khetne te phagell. Un jon lauter tassan an o Baro Lolo Pani. Jaake hi kowa bis kau diwes.