2. Mose 15:1 - O Debleskro Drom 2021 (Sinte)

¹ An kowa tsiro giwas o Mose un i Israelitarja kaja gili, un jon penan: Me kamau te giwap i gili o baro Debleske. Baro un sorelo hi lo! Graja un mursha witsras lo an o baro pani.

O Debleskro Lab 2024 (Sinte-Manouche)

¹ An kova tsiro givas o Mose oun i Israelitarya kaya gili, oun yon penan: Me kamau te givap i gili o baro Debleske. Baro oun zorelo hi lo! Graya oun morsha vitsras lo an o baro pani.

2. Mose 15:1 ပူးပေါင်းရင်းမြစ်များ

Nehemia 9:11

Tu dal o baro pani, jaake te djas lo ap dui rigja krik, un i drom koi his, kai nai djan tire menshe mashkral ko baro pani ap i wawar rig. Kolla, kai tire menshe palla lan, tassan un djan tele har barra an o telstuno pani.

Hiob 36:24

Ma biste, te sharess o Debles koleske, hoi job kras, har ninna wawar menshe sharenn les pengre giljentsa!

Debleskri gili 105:43

Har anas lo peskre wi-rodede menshen win, sanas lengro dji. Un jon giwan i bachtjatar.

Debleskri gili 106:12

Palle patsan le leskre laba, un giwan leske gilja.

Debleskri gili 107:15

Jon hunte parkrenn pen pash o baro Debleste, te was lo jaake latches ap lende, un kras baro shukar koowa ap i menshende,

Debleskri gili 107:8

Jon hunte parkrenn pen pash o baro Debleste, te was lo jaake latches ap lende, un kras baro shukar koowa ap i menshende.

Debleskri gili 32:7

Pash tute nai khatrau me man, glan kowa, hoi mange daar krell. Doleske sharau tut i bachtelo djijeha pral kowa, har tu man win lal dran i bibacht.

Debleskri gili 76:6

I sorele mursha wan wi-tchoredo un meran. Un i kurepangre lan pengre mussja gar pre.

Debleskri gili 76:7

Har dal tu len trad, tu, o Jakobeskro Dewel, peran i graja un kolla, kai ap lende beshdo hi, an o sopen.

2. Mose 14:26

O baro Dewel penas ap o Moseste: “Hade tiro wast pral o baro pani, te well o pani pale un perell ap i Egiptarja, lengre wurdja un kurepangre.”

2. Mose 14:27

Kote hadas o Mose peskro wast pral o baro pani. Un har o kham pre djas, was o pani pale un peras ap kol Egiptarja, kai ap o naashepen his. Jaake tradas len o baro Dewel mashkral an o baro pani.

2. Mose 15:21

Un i Mirjam giwas lenge glan: Me kamau te giwap i gili o baro Debleske. Baro un sorelo hi lo! Graja un mursha witsras lo an o baro pani.

2. Mose 18:11

Kanna haiwom, te hi o baro Dewel bareder har hako wawar dewel. Job las i Israelitarja win dran o wast i Egiptarendar, kai kran pen bares pral lende.”

Gosewe laba 29:6

I tchilatcho taprell pes an peskro tchilatchepen. Kowa, kai an o tchatchepen tardo hi, djal bachteles peskro drom.

Jesaja 42:10

Giwenn o baro Debleske i newi gili! Sharenn les ap i tseli phub bis an i palstune themma! Sharenn les, tumer, kai ap o baro pani ulerenn, un tumer lauter, kai an o baro pani djiwenn! Ninna tumer, kai an o panjeskre themma djiwenn, sharenn les!

Jeremia 51:21

Tiri sorjah dom me grajen un klissepangren paash, ninna wurdja un kol kurepangre, kai koi pral tardo hi.

Hosea 2:17

Kote dau late pale lakro drakengro them, un koi tala Achor well lake har i baro wudar, pal koleste lake o kham pre djal. Un kote nashell li pale kamles pal mande, har an ko tsiro, kai li terno his, har an ko tsiro, kai li dran o them Egiptia djas.

Habakuk 3:18

Miro dji hi bachtelo pral o baro Debleste, Miro dji giwell un djinell: Miro Dewel lell man win dran o merepen.

4. Mose 21:17

Ap ko tsiro giwas o Israel koi gili: Pani, ab pre! Giwenn pral leste!

Kolossarja 2:15

Un i raja un lauter, kolen hi penepaske mashkral o bolepen un i phub, kolla nashran pengri soor, har o Jesus Kristo ap o trushel meras. Kote sikras o Dewel glan lauterende, kai hi o Jesus Kristo sorleder har jon.

Debleskro tsiro 15:3

Un jon giwan koi gili, hoi o Debleskro budepaskro, o Mose, giwas. Jon giwan lat o terno bakreske, un penan: Baro un shukar hi halauter, hoi tu kral, maro rai, tu sorelo Dewel! Mishto un tchatcho hi tire dromma, baro rai pral i tsele themma!