2. Mose 14:8 - O Debleskro Drom 2021 (Sinte)

⁸ Un o baro Dewel pandas o Faraeskro dji, jaake te las job i Israelitarja palla, har jon i hadede wastentsa bachteles win djan.

O Debleskro Lab 2024 (Sinte-Manouche)

⁸ Oun o baro Devel pandas o Faraeskro dji, yaake te las yob i Israelitarya palla, har yon i hadede vastentsa barhteles vin djan.

2. Mose 14:8 ပူးပေါင်းရင်းမြစ်များ

Debleskri gili 105:43

Har anas lo peskre wi-rodede menshen win, sanas lengro dji. Un jon giwan i bachtjatar.

Debleskri gili 86:13

Tiro latchepen mange hi baro. Tu lal miro djipen win dran o merepen.

2. Mose 10:27

Un pale pandas o baro Dewel o Faraeskro dji, te mukas lo len pale gar te djal.

2. Mose 13:16

Kawa well tuke har i sikepen ap o wast un mashkral tire jaka, te bistress gar, te las men o baro Dewel peskro sorelo wasteha dran o them Egiptia win.”

2. Mose 13:18

Doleske mukas lo len i baro drom trul o Filistarengro them te djal. Ko drom anas len an o mulo tato them pash ko baro pani, hoi kharella ‘Baro Lolo Pani’. Un i Israelitarja djan penge dran o them Egiptia jaake har te djan le an o kurepen.

2. Mose 13:9

Kawa well tuke har i sikepen ap tiro wast, un i sikepen mashkral tire jaka, te bistress tu kowa gar, un peness i wawarenge, har las tut o baro Dewel peskro sorelo wasteha win dran o them Egiptia.

2. Mose 14:17

Me krau, te pandenn i Egiptarja pengre djia jaake, te lenn le tumenge palla. Un me sikrau miro barepen un miri soor ap o Farao, ap leskre wurdja un ap leskre kurepangre.

2. Mose 14:4

Palle pandau me leskro dji, te lell lo len palla. Un me sikrau miro barepen un miri soor ap leste un ap leskre tsele lurdende. Un i Egiptarja haiwenn: Me hom o baro Dewel.” Un i Israelitarja kran jaake har o Mose lenge penas.

2. Mose 14:7

Ninna las lo peskre shob-sheel feteder wurdja peha, un i tsele wawar wurdja, hoi an o them Egiptia hi. Ap hako wurdin his kurepangre tardo.

2. Mose 15:9

I Egiptarja penan: Las len palla, las len dren! Las menge, hoi lengro hi! Hakenes hi doha koi! Las mare chare, das len temerl!

2. Mose 4:21

Un o baro Dewel rakras ap o Moseste: “Te hal an o them Egiptia, palle kre ko tselo baro koowa, hoi me tut an tiro wast dom, glan o Farao! Un me kamau leskro dji har i bar te krell, te mukell job gar tire menshen dran i Egiptia win.

2. Mose 6:1

Koi penas o baro Dewel ap o Mose: “Kanna dikess tu, hoi me o Faraeske krau. Dran miri bari soor mukell lo len te djal. Miro wast well jaake sorelo ap leste, te tradell lo len dran o them win.”

2. Mose 9:12

Un o baro Dewel pandas o Faraeskro dji, un job shunas gar ap lende. Jaake was, hoi o baro Dewel ap o Mose penas.

Ropaskre gilja 3:65

Kre lengre djia har i barra, un tchip tiro praassepen ap lende!

3. Mose 26:13

Me, o baro Dewel, hom tumaro Dewel, un anom tumen dran o them Egiptia win, te atchenn gar buder lengre pandle budepangre. Kote hans har grumja, kai hunte budrenn i kashteha trul lengri meen. Ko kashtes phagom me, te nai djan pale pre hadede sherja.

4. Mose 33:3

Jon djan dran o foro Ramses ap o 15. (deesh-te-pantchto) diwes an o ersto tchon. Kowa his o duito diwes kol bare diwessa ‘Passa’. Peskro sorelo wasteha anas len o baro Dewel win glan i jaka kol tsele Egiptarja,

Bičepangre 13:17

O Dewel, koles mer Israelitarja an-mangah, kowa rodas mare phuren win. Un jon wan bud, har jon an o them Egiptia wi-themarja his. Kote anas lo len bari sorjah win.

5. Mose 26:8

Un o baro Dewel kras baro un sorelo koowa, hoi kek wawar nai krell, un anas bari traash ap i Egiptarja, un anas men peskro sorelo wasteha dran o them Egiptia win.

Josua 11:20

O baro Deblestar was, te kran kol menshe pengre djia har bar, jaake te djan le an o kurepen khatar o Israel, un wan halauter lendar maredo. I Israelitarja hunte wan lenge gar latches. Na-a, jon hunte dan len halauteren mulo, jaake har o baro Dewel kowa ap o Mose penas.

Čačepangre 4:7

Un me bitchrau o Sisera, ko pralstuno lurdes pral o Jabineskre lurdende, pash tute win peskre wurdjentsa un peskre tsele lurdentsa pash ko tikno pani, hoi kharella Kishon. Un kote dau les an tiro wast.’”