2. Mose 14:29 - O Debleskro Drom 2021 (Sinte)

²⁹ Jaake djan i Israelitarja mashkral o baro pani ap i wawar rig. Jon djan ap i drom, hoi gar sapenes hi. Un o pani his tardo ap i tchatchi rig, ninna ap i serwi rig lendar, har bare barra, hoi trul i foro tardo hi.

O Debleskro Lab 2024 (Sinte-Manouche)

²⁹ Yaake djan i Israelitarya mashkral o baro pani ap i vavar rig. Yon djan ap i drom, hoy gar sapenes hi. Oun o pani his tardo ap i čači rig, ninna ap i servi rig lendar, har bare barra, hoy troul i foro tardo hi.

2. Mose 14:29 ပူးပေါင်းရင်းမြစ်များ

2. Rajengro liil 2:8

Koi las o Elija peskri plaashka, tchiwas lat khetne un das koi peha ap o pani. Koi djas o pani ap dui rigja, jaake kai kol dui ap truk phub wergel djan.

Nehemia 9:11

Tu dal o baro pani, jaake te djas lo ap dui rigja krik, un i drom koi his, kai nai djan tire menshe mashkral ko baro pani ap i wawar rig. Kolla, kai tire menshe palla lan, tassan un djan tele har barra an o telstuno pani.

Debleskri gili 106:9

Job tchingras ap o Baro Lolo Pani. Koi djas o pani pale, un i phub his buder gar sapeno. Un job mukas len mank o pani te djal har te wals truk them.

Debleskri gili 136:13

O Baro Lolo Pani kras lo an dui kotja. Leskro latchepen atchella hako tsireske!

Debleskri gili 78:13

Job kras i drom an o baro pani, un mukas len mashkral ap i wawar rig te djal. Ap kol dui rigja his o pani pral tardo har i kheer.

2. Mose 14:22

Koi djan i tsele Israelitarja mashkral o baro pani ap i drom, hoi gar sapenes hi. Un o pani his tardo ap i tchatchi rig, ninna ap i serwi rig lendar, har bare barra trul i foro tardo hi.

2. Mose 15:19

Ap ko tsiro har o Farao un leskre graja un wurdja un kurepangre mashkral an o baro pani djan, mukas o baro Dewel o pani pral lende pale te well. I tsele Israelitarja djan ap i drom, hoi gar sapenes his, mashkral o baro pani ap i wawar rig.

2. Mose 15:8

Tu phurdal tiro ducho, un o pani hadas pes bares pre, un atchas tardo har i kheer, un nashas gar buder.

Jesaja 11:15

Un o baro Dewel mukell i kotar o baro panjestar pash o them Egiptia truk te well. Un leskro wast mukell i sorelo tato ducho pral o pani Eufrat te djal, te atchenn lestar kokres efta tikne panja pral, hoi nashenn, jaake te nai djan le pengre kirchentsa koi wergel.

Jesaja 43:2

Te djah tu an o pani, me hom pash tute, te tassenn tut kol sorele panja gar. Un te djah tu an i jag, palle chatchell li tut gar, un nai krell tuke tchi.

Jesaja 51:10

Hals gar tu kowa, kai o baro pani truk kras, un mank kol panja, hoi jaake dur tele djan, i drom das, jaake te nai djan kolla wergel, kai dran o pandepen win lino wan?

Jesaja 51:13

Bistran tumer o baro Debles, kowa, kai tumen kras? Job hi kowa, kai o bolepen buchles pral i phub kras, un i phub pre tchiwas. Hoske darenn tumer o tselo tsiro glan i choli kolendar, kai rikrenn tumen tele un kamenn tumen te marell? Lengri choli nai taprell tumen gar!

1. Korintarja 10:1

Mire phrala, ma bistrenn, har djas mare phurenge, har djan jon an o mulo them. I wolka djas glan lende lauterende un sikras lende, kai o Dewel pash lende his. Un jon halauter djan o Moseste palla mashkral o baro pani ap i wawar rig. Mer nai penams: Har wan jon an i wolka un an o baro pani, wan le ap o Moseskro lab taufedo.

Josua 3:16

atchas o pani, hoi pralstunes lendar his, tardo har i kheer dur pral pash o foro Adam, hoi pash Zaretan tchiddo hi. Un ko pani, hoi telstunes lendar his un tele an o Londo Baro Pani nashell, kowa nashas buder gar pal un djas krik. Un jaake nai djan i tsele menshe ap i wawar rig, pash ko foro Jericho.