2. Mose 14:24 - O Debleskro Drom 2021 (Sinte)

²⁴ Sik taissarlakro, har o kham gomme gar pre djas, dikas o baro Dewel dran koi jagakri wolka tele ap i tsele Egiptikre lurdende un tchiwas i daar ap lende.

O Debleskro Lab 2024 (Sinte-Manouche)

²⁴ Sik taysarlakro, har o kham gomme gar pre djas, dikas o baro Devel dran koy yagakri folka tele ap i tsele Egiptikre lourdende oun čivas i daar ap lende.

2. Mose 14:24 ပူးပေါင်းရင်းမြစ်များ

Hiob 22:13

Un tu putcheh: “Hoi nai djinell o Dewel? Hi lo gar khatedo pal kale wolke? Har nai rakrell lo o tchatchepen pral mende win?

Hiob 34:20

Ap jek kopo merenn le. Mashkral an i rat trissenn le un hi gar buder. Kol sorele wenn krik lino kek mensheskro wasteha.

Hiob 34:29

Te rikrell pes o Dewel pale, nai penell kek leske: ‘Tu anal doosh ap tute!’ Te khatrell lo pes, nai dikell les kek. Hoi nai krenn i menshe, hoi nai krell i natsjona,

Hiob 40:12

Awa, dik ap kol pre-phurde, un kre len tiknes! Un stake i tchilatchen ap jek kopo khetne!

Debleskri gili 104:32

Job dikell i phub an, un joi trissella. Job taprell i berge an, un i jagakri tampa djal pre dran lende.

Debleskri gili 48:5

Bare raja dran wawar themma wan khetne un djan khetne pengre lurdentsa pash o foro pre.

Debleskri gili 78:14

Ap o diwes djas lo glan lende an i wolka, un rati an i jag, te was len i momeli.

Debleskri gili 90:4

Jek sero bersha hi pash tute har jek diwes, har ko diwes, hoi taissar his, un buder gar koi hi, un har i tikno tsiro an i rat.

2. Mose 13:21

O baro Dewel djas glan lende ap o diwes an i bari wolka, te anell lo len ap o tchatcho drom, un rati an i bari jag, te well lenge i momeli, jaake te nai djan le ap o diwes un ninna an i rat.

2. Mose 14:25

Lengre wurdja atchan an i tchik jaake te wan le phares glan. Un i Egiptarja penan: “O baro Dewel kurell pes lenge un hi ap lengri rig. Djas menge katar!”

Amos 9:4

Ninna te djan le pandles an i wawar them glan kolende, kai pandan len, mukau len kote o chareha te marell. Me rikrau len an o jak, te krap len tchilatchepen, un kek latchepen.

1. Samuel 11:11

Sik taissarlakro mukas o Saul peskre lurden jaake khetne tardo te well, te his hako kopo i triinto kotar khetne tardo. Jaake djan le triin rigjendar ap i platsa, kai i Ammonarja hi. Kowa his gomme glan o tsiro, kai o kham pre djas. Un jon maran i Ammonarja bis mashkral o diwes. Un kolla, kai djides atchan, nashan penge, jaake te atchan gar dui lendar khetne.