2. Mose 14:21 - O Debleskro Drom 2021 (Sinte)

²¹ Un o Mose hadas peskro wast pral o baro pani. Un o baro Dewel mukas i baro sorelo ducho pral o pani te phurdell, hoi was kotar, kai o kham pre djal. Ko ducho phurdas i tseli rat. Un o baro pani djas pale. Kote, kai pani his, hi kanna phub, hoi gar sapenes hi. Un o baro pani kras pes pre, te was i drom.

O Debleskro Lab 2024 (Sinte-Manouche)

²¹ Oun o Mose hadas peskro vast pral o baro pani. Oun o baro Devel moukas i baro zorelo dourho pral o pani te phourdell, hoy vas kotar, kay o kham pre djal. Ko dourho phourdas i tseli rat. Oun o baro pani djas pale. Kote, kay pani his, hi kanna phoub, hoy gar sapenes hi. Oun o baro pani kras pes pre, te vas i drom.

2. Mose 14:21 ပူးပေါင်းရင်းမြစ်များ

1. Mose 8:1

O Dewel bistras o Noah gar, witar gar i viechen, kai pash leste an o panjeskro kheer his: kol diwje vieche un kolla, kai gar diwje hi. Un o Dewel mukas i baro ducho pral i phub te phurdell. Koi djas o pani tele.

2. Rajengro liil 2:8

Koi las o Elija peskri plaashka, tchiwas lat khetne un das koi peha ap o pani. Koi djas o pani ap dui rigja, jaake kai kol dui ap truk phub wergel djan.

Nehemia 9:11

Tu dal o baro pani, jaake te djas lo ap dui rigja krik, un i drom koi his, kai nai djan tire menshe mashkral ko baro pani ap i wawar rig. Kolla, kai tire menshe palla lan, tassan un djan tele har barra an o telstuno pani.

Hiob 26:12

Peskri sorjah kras lo o baro pani, te well lo diwjo, un job haiwas, har nai das lo o Rahab mulo.

Hiob 38:24

Kai hi ko drom kote, kai dell i jag karje ap o bolepen? Un kai phurdell ko ducho win, hoi well fun kotar, kai o kham pre djal?

Debleskri gili 136:13

O Baro Lolo Pani kras lo an dui kotja. Leskro latchepen atchella hako tsireske!

Debleskri gili 148:8

jag, brishineskre barra, gib un jagakro ducho, un o sorelo phurdepen, hoi krell, hoi job penell.

Debleskri gili 66:6

Dran o baro pani kras job i truk phub. Jon nai djan mashkral ap i wawar rig. Pral kowa giwam i bachtjatar.

Debleskri gili 74:13

Tiri bari sorjah phagal o baro pani pre, stakral i sherja kol bare panjeskre sapendar dren.

Debleskri gili 78:13

Job kras i drom an o baro pani, un mukas len mashkral ap i wawar rig te djal. Ap kol dui rigja his o pani pral tardo har i kheer.

2. Mose 14:16

Tu, hade tiro kasht pre un tiro wast pral o baro pani, te krell lo pes pre un djal ap dui rigja. Jaake te nai djan i Israelitarja mashkral o baro pani ap i drom, hoi gar sapenes hi.

2. Mose 14:20

te was li mashkral i Egiptarja un i Israelitarja. Un joi his kali glan i Egiptarja. Pash i Israelitarja his li i momeli an i rat. Un i tseli rat nai wan i Egiptarja gar pash lende.

2. Mose 15:8

Tu phurdal tiro ducho, un o pani hadas pes bares pre, un atchas tardo har i kheer, un nashas gar buder.

2. Mose 7:19

Un o baro Dewel penas ap o Mose: “Pen ap o Aron: Le tiro kasht un rike tiro wast pral i panja an o them Egiptia: pral i panja, hoi nashenna un pral o pani, hoi tardo hi. Jaake te well o tselo pani rat an o tselo them Egiptia. Ninna an i khore dran kasht un bar hi palle rat dren.”

Jesaja 23:11

O baro Dewel hadas peskro wast pral o baro pani win, un anas traash pral i tsele rajengre themma. Job penas soreles, te wenn i sorele barrengre khera an o them Kanaan paash dino.

Jesaja 43:16

Kawa penell o baro Dewel, kowa, kai kras i drom an o baro pani, te nai djan mank sorele panja.

Jesaja 44:27

Me hom kowa, kai ap o baro pani penell: “Ab truk!” Un kol lengste panja, hoi nashenn an o baro pani, krau me truk!

Jesaja 50:2

Hoske wom me, un kek mensho his koi, dom gole, un kek das pes glan? Hi miri mussi gar lengsto doha, te nai lap tumen gar dran o pandepen win? Hi an mande kek soor, te nai lap gar jekes win dran o wawareskro wast? Dikenn, te tchingrau me ap o baro pani, palle well lo truk i darjatar, un lengste panja wenn har o mulo them. I matchen an lende hi buder gar doha pani, un merenn i trushatar un khandenn palle.

Jesaja 51:10

Hals gar tu kowa, kai o baro pani truk kras, un mank kol panja, hoi jaake dur tele djan, i drom das, jaake te nai djan kolla wergel, kai dran o pandepen win lino wan?

Jesaja 51:15

Me hom o baro Dewel, tiro Dewel, kowa, kai o baro pani diwjo krell, un mukell i baro phurdepen pral leste te djal. Miro lab hi ‘baro Dewel, rai pral o bolepen un i phub’.

Jesaja 63:12

Kai hi kowa, kai peskri bari sorjah ap o Moseskri tchatchi rig was? – Kowa, kai kras, te djal ko pani glan lende ap dui rigja, un peske jaake i baro lab kras, hoi an kek tsiro bistedo well.

Jesaja 63:13

Kai hi kowa, kai mukas mare phuren mank telstune panja te djal, jaake har diwje graja, hoi soreles ap i herja hi?

Habakuk 3:8

Baro Dewel, his tut i choli ap i sorele panja? Wal tu chojedo pral o baro pani, har klissal tu win tire grajentsa, un tire kurepangre wurdja sorleder his har hake wawar?

Bičepangre 7:36

Kau Mose anas i Israelitarjen win un kras baro un sorelo koowa an o Debleskri soor an o them Egiptia, un pash o lolo pani, un star-deesh bersha an o mulo them.

Josua 2:10

Mer shunam, har kras o baro Dewel tumenge i drom an o baro pani, hoi kharella ‘Baro Lolo Pani’, har djan dran o them Egiptia win. Shunam ninna, hoi kran tumer kol dui bare rajentsa pral i Amorarja, o Sihon un o Og, hoi ap i wawar rig o panjestar Jordan his. Tumer maran len un kran halauter paash, hoi lenge his.

Josua 3:17

Un i rashaja, kai o mochton hidjrenn, kai o Debleskre deesh laba dren hi, kolla atchan tardo mashkral an o pani Jordan ap i phub, hoi his buder gar sapeno, bis te djan i tsele Israelitarja ap i wawar rig.

Josua 4:23

Tumaro baro Dewel mukas o Jordan glan tumende truk te well, bis te djan halauter wergel. Jaake har o baro Dewel kowa ninna o Baro Lolo Panjeha kras.