2. Mose 14:18 - O Debleskro Drom 2021 (Sinte)

¹⁸ Palle dikenn i Egiptarja, te hom me o baro Dewel, te sikrom me miro barepen un miri soor ap o Farao, ap leskre wurdja un leskre kurepangre.”

O Debleskro Lab 2024 (Sinte-Manouche)

¹⁸ Palle dikenn i Egiptarya, te hom me o baro Devel, te sikrom me miro barepen oun miri zoor ap o Farao, ap leskre vourdya oun leskre kourepangre.”

2. Mose 14:18 ပူးပေါင်းရင်းမြစ်များ

2. Mose 10:2

Kowa krom, te nai peness tu tire tchawenge un tire tchawengre tchawenge, har krom me ap i Egiptarja, un hawo baro koowa me krom mank lende an miri soor. Tumer hunte djinenn, te hom me o baro Dewel.”

2. Mose 14:25

Lengre wurdja atchan an i tchik jaake te wan le phares glan. Un i Egiptarja penan: “O baro Dewel kurell pes lenge un hi ap lengri rig. Djas menge katar!”

2. Mose 14:4

Palle pandau me leskro dji, te lell lo len palla. Un me sikrau miro barepen un miri soor ap leste un ap leskre tsele lurdende. Un i Egiptarja haiwenn: Me hom o baro Dewel.” Un i Israelitarja kran jaake har o Mose lenge penas.

2. Mose 6:7

Kamau, te wenn tumer mire menshe, un me kamau tumaro Dewel te well. Un tumer dikenn un haiwenn, te hom me, o baro Dewel, tumaro Dewel, kai las tumen win dran i phari budi, hoi i Egiptarja ap tumende tchiwan.

2. Mose 7:17

Doleske penell o baro Dewel: Dikess un haiwess, te hom me o baro Dewel. Dik, me dau o kashteha, hoi an miro wast hi, ap o pani Nil. Un ko pani well rat.

2. Mose 7:5

Un kol Egiptarja dikenn un haiwenn, kai hom me o baro Dewel, te hadau me miro wast pral o them Egiptia un lau i Israelitarja mashkral lende win.”

Ezekiel 28:22

Un pen: Kawa penell o baro Dewel, maro rai: Kanna sikrau les tuke, tu foro Sidon! Ap tute sikrau, har baro un sorelo me hom, te dikenn un haiwenn i menshe an tute, te hom me o baro Dewel. Te well miri phagi pral tute, sikrau i menshende, te hom o tchatcho Dewel.

Ezekiel 32:15

Te krom me o them Egiptia, te well lo i wi-meredo them, un lom lauter krik, hoi kote dren hi, un dom halauteren, kai kote djiwan, palle dikenn un haiwenn le, te hom me o baro Dewel.

Ezekiel 38:16

Un tu djah ap mire menshen Israel pre, un tire lurde tchakrenn o them har i wolka. An o palstuno tsiro well kowa jaake, te mukau tut pral miro them te well, te nai dikenn i menshe an wawar themma, koon me hom. Te dikenn le hoi krau tuha, Gog, haiwenn le, te hom me o Dewel.