2. Mose 14:14 - O Debleskro Drom 2021 (Sinte)

¹⁴ O baro Dewel kurell pes tumenge. Tumer hunte krenn tchi.”

O Debleskro Lab 2024 (Sinte-Manouche)

¹⁴ O baro Devel kourell pes t'menge. T'mer hounte krenn či.”

2. Mose 14:14 ပူးပေါင်းရင်းမြစ်များ

2. Familjakro liil 20:15

Un o Jahasijel penas: “Shunenn mishto, menshale dran o them Juda un dran o foro Jerusalem, un tu, baro rai Josafat! Kawa penell o baro Dewel tumenge: Ma darenn, un denn gar tiknes palla glan kol bud lurdende, kolen tumer dikenna! Kau kurepen hi gar tumaro kurepen, o Debleskro kurepen hi.

2. Familjakro liil 20:17

Gar tumer hunte kurenn tumen kote. Atchenn glan lende tardo! Atchenn kote un dikenn, har me, o baro Dewel, tumen dran lengro wast win lau. Me hom pash tumende, tumer menshe dran Juda un Jerusalem. Ma darenn! Trashenn tchi! Taissar djan pash lende! O baro Dewel hi tumentsa.”

2. Familjakro liil 20:29

Har shunan i menshe an kol wawar themma, har kuras pes o baro Dewel kolentsa, kai kaman i Israelitarjen te marell, un har was job o sorleder, koi was i bari traash o Deblestar pral lende.

Nehemia 4:14

Tumer te shunenn koi phurdepaskri, djan koi un awenn kote mentsa khetne. Un maro Dewel kurell pes menge.”

Nehemia 9:11

Tu dal o baro pani, jaake te djas lo ap dui rigja krik, un i drom koi his, kai nai djan tire menshe mashkral ko baro pani ap i wawar rig. Kolla, kai tire menshe palla lan, tassan un djan tele har barra an o telstuno pani.

Debleskri gili 35:1

I gili o Davidestar. Baro Dewel, le miro koowa an tiro wast un tchinge kolentsa, kai mantsa tchingrenna! Kure tut kolentsa, kai kurenn pen mantsa!

Debleskri gili 50:3

Maro Dewel wella un mukell pes te shunell. Glan leste nashell i jag un chal lauter pre. Un trul leste phurdell i baro sorelo ducho.

Debleskri gili 83:1

I gili o Asafestar.

2. Mose 14:15

Un o baro Dewel penas ap o Moseste: “Hoske deh tu ap mande gole? Pen ap i Israelitarja, te djan le dureder!

2. Mose 14:25

Lengre wurdja atchan an i tchik jaake te wan le phares glan. Un i Egiptarja penan: “O baro Dewel kurell pes lenge un hi ap lengri rig. Djas menge katar!”

2. Mose 15:3

I kurepaskro hi lo. Leskro lab hi tchatcho: ‘Baro Dewel’ kharell lo.

Jesaja 30:15

Doleske penell o baro Dewel, maro rai – job, kai kokres o Israeleskro Dewel hi: Te mukenn tumaro drom, wenn pash mande, un dikenn ap kowa, hoi me tumenge krau, palle wenn win lino dran o kurepen. Te rikrenn tumen pale, un rikrenn tumen ap mande, palle wenn sorelo. Kowa kamenn tumer gar te krell.

Ropaskre gilja 3:26

O feteder koowa hi, te dikas mer pokones ap o baro Debleste, te well job menge ap i rig.

5. Mose 1:30

Tumaro baro Dewel djal glan tumende win un kurell pes tumenge, jaake har lo glan tumare jaka an o them Egiptia tumenge kras.

5. Mose 20:4

Tumaro baro Dewel hi kowa, kai djal tumentsa un kurell pes tumenge lentsa. Job hi ap tumari rig.”

5. Mose 3:22

Ma dare lendar! Tumaro baro Dewel hi kowa, kai kurell pes tumenge.”

Josua 10:10

Un o baro Dewel kras len jaake dareno, te nai maran len i Israelitarja phares pash o foro Gibeon. Un jon lan len palla ap ko drom tele pash o foro Bet-Horon, un maran len bis pash i forja Aseka un Makkeda.

Josua 10:14

Un sawo diwes har kowa diwes das gar glan ko diwes un ninna buder gar pal ko diwes, kai shunas o baro Dewel jaake ap o rakepen jek menshestar. O baro Dewel kras kowa i menshenge Israel!

Josua 10:42

Un o Israeleskro baro Dewel his ap lengre rig. Jaake las o Josua kol tsele bare rajen un lengre themma ap jek kopo dren.

Josua 23:10

Jek mursh tumendar tradell jek-sero murshen. Tumaro baro Dewel, job hi kowa, kai kurell pes tumenge lentsa, jaake har lo penas.

Josua 23:3

Un tumer dikan halauter, hoi tumaro baro Dewel kol tsele thementsa kras tumenge. Job hi kowa, kai pes tumenge lentsa kuras.

Čačepangre 5:20

Ninna i bolepangre momlia djan an o kurepen. Ap lengre dromma djan le ap o Sisera pre.

1. Samuel 4:7

tapras len i daar, un jon penan: “Lengro dewel was ap lengri platsa. Mer ham nashedo. Sawo koowa his gomme gar koi.