2. Mose 14:13 - O Debleskro Drom 2021 (Sinte)

¹³ O Mose penas ap i tsele menshende: “Ma darenn! Atchenn soreles! Dikenn har o baro Dewel tumen kau diwes win lell dran i wasta kol Egiptarendar! Kal Egiptarjen, kai tumer kau diwes dikenna, kolen dikenn tumer buder gar, witar gar an ko tsiro, hoi wella.

O Debleskro Lab 2024 (Sinte-Manouche)

¹³ O Mose penas ap i tsele menshende: “Ma darenn! Ačenn zoreles! Dikenn har o baro Devel t'men kava dives vin lell dran i vasta kol Egiptarendar! Kal Egiptaryen, kay t'mer kava dives dikenna, kolen dikenn t'mer bouder gar, vitar gar an ko tsiro, hoy vella.

2. Mose 14:13 ပူးပေါင်းရင်းမြစ်များ

1. Mose 15:1

Koi pal mukas o baro Dewel o Abrames leskri gole te shunell un penas ap leste: “Ma traash, Abram! Me rikrau mire wasta pral tute. Un me hom tuke i baro brawlepen.”

1. Mose 26:24

An koi rati mukas pes o baro Dewel lestar te dikell un penas: “Me hom o Dewel tiro dadestar Abraham. Ma traash! Me hom tuha. Me tchiwau miri soor un miri bacht ap tute. Tire tchawe, kai pal tute wenna, wenna bud un budeder. Jaake dom miro lab o Abrahameste, kai mange koi his.”

1. Mose 46:3

Un o Dewel penas: “Me hom o Dewel, ko Dewel tiro dadestar. Ma traash te djas an o them Egiptia! Koi krau me, te wess o dad i bari natsjona.

1. Mose 49:18

Baro Dewel, ab ap miri rig!

2. Rajengro liil 6:16

O Elisa penas: “Ma traash! Ap mari rig hi budeder lurde har ap lengri rig.”

1. Familjakro liil 11:14

Un job djas mashkral ap ko kotar phub, tserdas pes gar pale, un maras kol Filistarjen. Un o baro Dewel das bari bacht.

2. Familjakro liil 20:15

Un o Jahasijel penas: “Shunenn mishto, menshale dran o them Juda un dran o foro Jerusalem, un tu, baro rai Josafat! Kawa penell o baro Dewel tumenge: Ma darenn, un denn gar tiknes palla glan kol bud lurdende, kolen tumer dikenna! Kau kurepen hi gar tumaro kurepen, o Debleskro kurepen hi.

2. Familjakro liil 20:17

Gar tumer hunte kurenn tumen kote. Atchenn glan lende tardo! Atchenn kote un dikenn, har me, o baro Dewel, tumen dran lengro wast win lau. Me hom pash tumende, tumer menshe dran Juda un Jerusalem. Ma darenn! Trashenn tchi! Taissar djan pash lende! O baro Dewel hi tumentsa.”

Nehemia 9:9

Un tu dikal o pharo djipen mare phurendar an o them Egiptia, un shunal lengri gole, har his le pash o Baro Lolo Pani.

Debleskri gili 3:8

Ste pre, baro Dewel, un le man win, mo Dewel! Hakenes, kai ap mande djal, deh tu ap i tcham. Awa, i tchilatchenge deh tu i danda paash.

Debleskri gili 68:21

Men hi i Dewel, kai menge koi hi. Job hi o baro Dewel, maro rai, kai lell men win dran o merepen.

Debleskri gili 78:53

Job rikras peskre wasta pral lende. Un len hunte was kek daar. Un kolla, kai len palla lan, an o baro pani jon tassan.

Debleskri gili 91:8

Awa, tire jakentsa dikeh tu les. Tu dikeh har i tchilatche lenn pal kowa, hoi jon kran.

2. Mose 14:30

Jaake las o baro Dewel i Israelitarjen ap kau diwes win dran o wast i Egiptarendar. Un i Israelitarja dikan i mule Egiptarjen pash o baro pani tchiddo.

2. Mose 20:20

Koi penas o Mose: “Ma darenn! O Dewel was, te dikell lo, te krenn tumer, hoi job tumenge penas. Job kamell te shunenn ap leste un krenn kek tchilatcho koowa.”

Jesaja 26:3

Baro Dewel, tu rikreh tire wasta pral kolende, kai mukenn pen gar tutar krik te tserdell, un deh len shukapen an o dji. Ap tute rikrenn le pen.

Jesaja 30:15

Doleske penell o baro Dewel, maro rai – job, kai kokres o Israeleskro Dewel hi: Te mukenn tumaro drom, wenn pash mande, un dikenn ap kowa, hoi me tumenge krau, palle wenn win lino dran o kurepen. Te rikrenn tumen pale, un rikrenn tumen ap mande, palle wenn sorelo. Kowa kamenn tumer gar te krell.

Jesaja 35:4

Penenn ap kolende, kolen i dareno dji hi: Awenn sorelo! Un ma darenn! Dikenn, kote hi tumaro Dewel! Job well, te dell lo tumen tumaro tchatchepen un i phagi kolende, kai kran tumenge tchilatchepen. Job well un lell tumen dran lengre wasta win.

Jesaja 43:11

Me kokres hom o baro Dewel, un dell kek wawar har me, kai nai lell tumen win dran o merepen.

Jesaja 7:4

Un pen ap leste: “De jak! Atch pokones! Ab sorelo un ma traash glan kol dujende, o Rezin, ko Syrari, un o Pekach, koleskro dad o Remalja hi. Ninna te hi le chojedo, hi le tchi wawar har tele chatchedo kasht, kai gomme jagakro ducho pre djal.

Jeremia 3:23

Tchatchepah, har dam gole pal kol deblende ap kol berge, wan le gar ap mari rig. Kokres tu, maro baro Dewel, nai leh men tchatchepah win dran mari bibacht.

Ropaskre gilja 3:26

O feteder koowa hi, te dikas mer pokones ap o baro Debleste, te well job menge ap i rig.

Hosea 1:7

I menshenge dran o kheer Juda krau miro dji pre. Me, o baro Dewel, hom lengro Dewel, un wau lenge ap i rig. Kowa krau gar o bogeha, o chareha, un o kurepaskro koowa, witar gar i grajentsa un i kurepangre wurdjentsa.

Hosea 13:4

Me o baro Dewel, hom tiro Dewel, fun ko tsiro, kai anom tut dran o them Egiptia win. Tu te prindjress kek wawar debles har man, Un kek wawar nai lell tut dran o merepen win har me kokres.

Hosea 13:9

Israel, mange sikral o dumo, kai me kokres kowa hom, kai nai lell tut dran o merepen win. Jaake aneh bibacht pral tute.

Habakuk 3:13

Tu djal win, te wess ap i rig tire menshenge, un o rajeske, koles tu win rodal. I dacha ap o kheer o tchilatchestar dal tu khetne. Un leskro kheer rissral trujel bis ap i telstune barra.

Habakuk 3:8

Baro Dewel, his tut i choli ap i sorele panja? Wal tu chojedo pral o baro pani, har klissal tu win tire grajentsa, un tire kurepangre wurdja sorleder his har hake wawar?

4. Mose 14:9

Ma perenn o baro Deblestar tele, un trashenn gar kol menshendar an ko them! Mer kamah len pre te chal har maro. Lengro dewel, kai das jak ap lende, mukas len. O baro Dewel hi mentsa. Ma trashenn lendar!”

Mateo 28:5

Un o bolepaskro penas ap kol djuwjende: “Ma darenn! Me djinau, te rodenn tumer o Jesuses, kai ap o trushel dino was.

5. Mose 20:3

“Murshale dran Israel, shunenn! Tumer djan kau diwes an o kurepen, te kurenn tumen kolentsa, kai kamenn tumen gar an o them. Awenn sorelo! Ma darenn lendar! Un ma mukenn tumen traash te krell!

1. Samuel 11:13

O Saul penas: “Kau diwes well kek mulo dino. Kau diwes las o baro Dewel peskre menshen Israel win dran i wasta kolendar, kai lenge tchilatchepen kaman.”

1. Samuel 12:16

Kanna dikenn, hawo baro koowa o baro Dewel glan tumare jaka krella!