2. Mose 14:12 - O Debleskro Drom 2021 (Sinte)

¹² Penam tuke gar, har hams an o them Egiptia: Muk tele mendar! Mer kamah i Egiptarenge te budrell. Feteder i Egiptarenge te budrell, har kate an o mulo them te merell.”

O Debleskro Lab 2024 (Sinte-Manouche)

¹² Penam touke gar, har hams an o them Egiptia: Mouk tele mendar! Mer kamah i Egiptarenge te boudrell. Feteder i Egiptarenge te boudrell, har kate an o moulo them te merell.”

2. Mose 14:12 ပူးပေါင်းရင်းမြစ်များ

Debleskri gili 106:7

Mare phure haiwan gar ko baro sorelo koowa, hoi tu an o them Egiptia kral, un bistran har bud lenge latches hals, un hadan pen pral tute pash o Baro Lolo Pani.

2. Mose 13:17

Un har mukas o Farao i menshen te djal, anas len o baro Dewel gar mashkral o them, kai i Filistarja djiwenn, ninna te his kau drom o tikneder. O baro Dewel penas peske: “Te dikenn i Israelitarja, kai hunte kurenn le pen, nai khaitals len kowa. Un jon kamenn pale pale an o them Egiptia te djal.”

2. Mose 3:9

Me shunom i Israelengri gole un dikom, hoi i Egiptarja ap lende krenna. Jon phagenn len, fothe denn le len dawa.

2. Mose 5:21

“O baro Debleskri choli well ap tumende! Tumer kran, te ham o Faraeske un leskre pralstunenge har djukle. Kanna hi an lengre wasta, te nai marenn le men.”

2. Mose 6:9

Kal laba penas o Mose ap i Israelitarja. Ninna har rakras job jaake ap lende, shunan le gar ap leste. Jaake phari his lengri budi ap lende, un an lengre djia his buder kek soor.

Hosea 4:17

I menshe an o them Efrajim mukan pen chochene deblentsa dren. Mu te krenn le har kamenn le!

Jona 4:3

Un kanna, baro Dewel, le miro djipen mandar! Miro merepen hi mange mishto, budeder har te djiwap!”

Jona 4:8

Un har o kham ap o bolepen tardo his, mukas o baro Dewel i tato phurdepen dran o mulo them te well, un o kham das jaake tchurje ap o Joneskro shero, te nashras lo peskri soor. Un job kamas te merell un penas: “Miro merepen hi mange mishto, budeder har te djiwap!”

Markus 1:24

“Hoi kameh tu mendar, Jesus dran Nazaret? Wal tu, te maress men? Me djinau, koon tu hal: Tu weh o Deblestar.”

Markus 5:7

Un o Jesus penas ap o bengeste: “Tu beng, dja win dran kau mursheste!” Koi das job bari gole: “Jesus, tu tchawo o baro Deblestar, hoi kameh tu mandar? Me mangau tut pash o Debleste: Ma duke man gar!”