2. Mose 13:8 - O Debleskro Drom 2021 (Sinte)

⁸ Un ap kawa diwes penenn tumer tumare tchawenge: ‘O baro Dewel anas men dran o them Egiptia win. Doleske rikrah mer kowa.’

O Debleskro Lab 2024 (Sinte-Manouche)

⁸ Oun ap kava dives penenn t'mer t'mare čavenge: O baro Devel anas men dran o them Egiptia vin. Doleske rikrah mer kova.

2. Mose 13:8 ပူးပေါင်းရင်းမြစ်များ

Debleskri gili 44:1

I gili o rajeske pral i gipangre. Kai gili hi jekestar dran i familja Korach.

2. Mose 10:2

Kowa krom, te nai peness tu tire tchawenge un tire tchawengre tchawenge, har krom me ap i Egiptarja, un hawo baro koowa me krom mank lende an miri soor. Tumer hunte djinenn, te hom me o baro Dewel.”

2. Mose 13:14

An ko tsiro, hoi wella, te putchenn tutar tire tchawe: ‘Hoske kreh tu kowa?’ palle peness tu ap lende: ‘O baro Dewel las men i sorelo wasteha win dran o them Egiptia, kai hunte budram tel dawa.

Jesaja 38:19

Kolla, kai djiwenn, awa, i djide hi kolla, kai sharenn tut, jaake har me sharau tut kau diwes. I dada penenn pengre tchawenge, kai tu tiro lab rikreh.

Efesarja 6:4

Tumer dada, ma choirenn tumare tchawen! Penenn lenge, hoi o Dewel lendar kamella, un sikrenn lende, har te djan le ap o Debleskro drom!

5. Mose 6:20

Te well ko tsiro, kai putchell tut tiro tchawo: Hoske hunte rikras kol laba, hoi sikrenn, har te djiwas, un hoi maro baro Dewel mendar kamell, un hunte djiwas pal leskre tchatchepaskre laba?